Aubade

(Te kort jou skoonheidsduur roos van my hart
Te lank die rou, Tog tot in ewigheid, Goddank vir jou.
AG Visser)
Aubade.

My oggendlied is donker versluierd
jou oggend afskeid na die anderkant
té skielik ons samesyn so kortstondig—
Die son wil net nie opkom in my gemoed nie
waar ‘n aurora borealis ewige skemerte heers
en my hart treur onder ‘n wilger se droewe
sliertige hangtakke in oggenddou trane van
meegevoel en ek hoor saans ‘n rustige vesper
op die aandbries aangeswewe kom, en
ek besluit onder die donker sekelmaan
en helder knipoog sterrehemel by myself
kry klaar en droog al jou trane af en hef
‘n ditiramba aan op die lewe en groet
die oggendson en besing die mooi
herinnering van jul samesyn in
‘n hemelse aubade—

Janetta – Helena [Babs] ©
( Aubade = oggendlied, Vesper = aandlied
Aurora Borealis = Noorderlig, Ditiramba = loflied)