Bemarking Hulp

die verkeer kruip
verby hospitaal draai
ń rooi sportsedan luier
geroeste jaloppies stotter
heuwel op werk toe

die mark
is netjies verpak
as groei met veelkleurige bonusse
waaroor die ekonomie
vrylik bloei

die strewe bly
vergroot die vraag
tot vraag in nood ontaard
en tel die note
na elke dag se werk

ek skree, baklei
teen die verbruikersmark
asemhaal is ook noodsaaklik
al is ontspanning
ń onproduktiewe werk