Laurika Rauch (Lirieke)
Lirieke soos gesing deur Laurika Rauch
Die nostalgie
Kom sit styf hier teen my
Jou kop agteroor
Hoor jy hoe sag val die reën
Die dag is verby
Nog ‘n week nog ‘n maand
Waar loop die tyd met ons heen?
Onthou jy hoe ver moes ons skool toe stap?
En sou jy my fliek toe vra
Dan moes ons jou tjor aan die brand kry, ek en jy
Ja, dit was die goeie ou dae
Refrein(1):
My held was Elvis, my Elvis
My “Heartbreak Hotel”
Toe jy nog vir my met
‘n Tiekie kon bel
Kom ons klink ‘n rooi glasie wyn
Op ons skete en pyn
En gee ons oor aan die nostalgie
Die kiekies is dof
Die album vol stof
Kyk … hier bak ma haar beskuit
Daar stamp Stephanus vir Mien in die dam
O hoor jy die wind teen die ruit?
Die kindergesiggies, die sterre se liggies
Laat jou van voor af onthou
Ou vriende is dood
Die kleinspan word groot
Kyk net waar staan ons nou
Refrein(2):
Draai weer daai “Ramblin’ Rose”-plaat
Van Nat “the king” Cole
En “Your cheatin’ heart”
En “He’ll have to go”
Kom ons ruil vandag se rumoer vir ‘n outydse toer
En gee ons oor aan die nostalgie
Onthou jy die saam besluit
Liefde had geen perke
Saam veg teen die steiltes uit
Hier staan ons nou
Sterker en sterker oe…
Refrein(1) x 4
Woorde en Musiek: Kalla Bremer/ Don Clarke
Uitgewer: Popps Musique/Monkeyshine Music
Verskyn op:
Stuur groete aan Mannetjies Roux – 19 Treffers van 21 jaar
Ek het (met Bok van Blerk)
(“Tis better to have loved and lost than never to have loved at all” – Alfred Lord Tennyson)
Ek het gestaan, ek het geval
Ek het wat-wou, ek het gewens
Ek het gelag, ek het gevra
Ek het gewonder wat jou pla
En eendag as dit stil word, en ek niks-meer-nog wil hê
Sal ek sonder twyfel in my hart, vir jou kan sê… ek het
Ek het gestoei, ek het gewen
Ek het versnel, ek het gerem
Ek het geterg, ek het gehuil
Ek het verskil, ek het verander
En eendag as dit stil word, en jy niks-meer-nog wil hê
Sal ek sonder twyfel in my hart, vir jou kan sê… ek het
Ek het gemik, ek het geland
Ek het gesorg, ek het volhard
Ek het gevat, ek het gelos
Ek het het geslaag, ek het genoeg
En eendag as dit stil word, en jy niks-meer-nog wil hê
Sal ek sonder twyfel in my hart, vir jou kan sê…
En ek het als gesien, en ek het als gehoor
Ek het my hart uit gespeel, en ek het soms verloor
Ek het gedink ek het geleer
Ek het gelief, ek het verlang na jou
En eendag as dit stil word, en ek niks-meer-nog wil hê
Sal ek sonder twyfel in my hart, vir jou kan sê… ek het
Ek het …
Ek het
Musiek & liriek: Johan Vorster – Uitgewer: © Johan Vorster Songs
‘n Lekker verlang liedjie
Los my alleen – laat my begaan
Ek soek stilte met my boek en die man in die maan
Buite, in die donker, sing ’n eensame kriekie
’n Lekker verlaaaaaaang liedjie
Ek sit die radio aan – om te vlug van my vrese
Die omroeper sê: “ dis u eie keuse –
En vir Hantie van Hopetown en André en Vicky
’n Lekker verlaaaaaaang liedjie
Refrein:
’n Lekker verlaaaaaaang liedjie
Streel die seerplek in my hart, in my hart – ’n bietjie
Met die blou saksofoon wat krul om jou kiekie
En ’n lekker verlaaaaaaang liedjie
Dis Sondagoggend – ek stap langs die see
Die wind waai my in by ‘n klein strandkafee
Ek sê: “’n tafel vir een en ‘n Coke met ’n rietjie
En ’n lekker verlaaaaaaang liedjie ”
Refrein
Brug:
Daar sit ek en peins oor geloof, hoop en liefde
Oor wat was en wat is en wat môre sal wees
Ek stap terug na my kamer – terug na my stilte
En die kriek langs die ruit – en ’n boek om te lees – en
Refrein x 2
En ’n lekker verlaaaaaaang liedjie x 2
Woorde en Musiek: Kalla Bremer & Don Clarke
Uitgewers: Popps Musique/Monkeyshine Music
‘n Man stap
’n Man stap deur die strate
Jy kan sien hy’s van die stad
Hy dra ‘n donkerbril en Calvin Klein
En sy baard is kort en glad
Hy dink: hoekom is ek terug?
Vir wat is ek op soek?
Was hier nie ’n klein kafeetjie nie
Net hier op die hoek
En waar is die Scala bioskoop
Het hulle dit gesloop
Die sinagoge was in die gebou
Waar jy jou meubels koop
Die jode’t almal weggetrek
Die ou mense is dood
En laaities sit nou sonder werk
Hul voete in die sloot
Refrein:
Wat maak ek in die dorpie
Hier kan ek nie bly nie
Ek bly in Toronto maar
Toronto’s nie vir my nie
Die somers is bedompig
En die winters is te koud
Jou hele lewe hardloop jy
En eendag is jy oud
Hy stap by die Pandora in
Bestel koffie en tjoklitkoek
Hy dink: Hier’t ek eers vir Elvis gehoor
Op ’n jukebox in die hoek
En tussen verlepte varings
Staan ’n tenk vol goue vissies
En die vrou agter die toonbank
Sy dink haar naam is missies
Refrein
Hy stap by die Hoogstraat af
Tot by die Central Hotel
En hy luister na die prediker
Wat met sy bybel skree en skel
Hy sê die duiwel het ons beet
En hy lei ons om die bos
Hy dink: Wanneer gaan die spoke
Van die ou dae ons los?
Refrein
Die hek is nog dieselfde
Maar die stoep is ’n ander kleur
Hy stap oor die Krazy paving
En klop liggies aan die deur
‘n Mooi jong vrou maak effens oop
Sy sê : Kan ek help meneer?
Hy sê : Jammer maar ek is ‘n vreemdeling
En my hart is in twee geskeur
Woorde en Musiek: David Kramer
Uitgewer: Blik Music
‘n Sonneblom uit Bethlehem
Nog ’n somerson kersfees
Want die koningskind verjaar
Ek skryf vir jou uit die noorde
En sal die posduif vra
Sal hy gaan draai in die suide
By die berg en die see
En daar waar my liefde
Kaalvoet loop
Die nota vir jou gee
Refrein:
Ek bring vir jou ’n sonneblom uit Bethlehem
En gee dit water op Bloemfontein
Uit Hanover bring ek kappertjiesaad
Uit die tuin van nr 3 Darlingstraat
En hanepoot druiwe uit die Paarlvallei
Nog ’n somerson kersfees
Want die koningskind verjaar
Die suiderkruis my kompas
En ‘n eng’le koor ry saam
En my hart gesels langsaam
Oor die liefde, en ek weet
Die herberg lê om die draai
Jy wag vir my by die see
Refrein x 2
Woorde en Musiek: Lize Beekman
Uitgewer: Sarral
Verskyn op:
Hei, mevrou Brown (dit gaan goed)
Laurika op versoek
Aai-Aai
O, bokkie ek wil jou hê
Waar die grou-blou vlaktes lê
Waar die bakgat somerwinde saans
Jou uitnooi vir die dans
Waar die langlyf winde kil
Om die halfmensplante krul
Waar die Aai-aai kraai sy eiers lê
Wil ek jou net eers loop sê
Dat…
Refrein:
Aai-aai die witborskraai
Vlieg verby en maak ‘n draai
Aai-aai die witborskraai
Het halfpad mos toe omgedraai
Aai-aai kom teruggewaai
Stuur die groot see in sy maai
Namakwaland roep hom terug
Hier kom hy op die wind se rug
Raai waar is Aai-aai
Die wind die waai vir Aai-aai
Sy gees en hart is vry, vry
Bo lief en leed verby
O, bokkie ek wil jou sê
Waar die blou-blou berge lê
Waar die boggom rondomtalie gooi
En die boerbok spore strooi
Waar die Grootrivier sy loop
Deur die droë aarde knoop
Waar die kokerbome wortels maak
En die lug die hemel raak
Refrein herhaal x 2
Bokkie ek wil jou hê
Waar die grou-blou vlaktes lê
Waar die bakgat somerwinde saans
Jou uitnooi vir die dans
Woorde en Musiek: Anton Goosen
Uitgewer: Gallo
Verskyn op:
Debuut
Laurika op versoek
Grootste treffers volume 1
Die nuwe trefferalbum
Alleen
Kyk hoe huil die vensterruit
Saggies val die winterreën
Ek sit hier in die duisternis
Ja, ek is weer alleen
Digte wolke teen die berg
Bruisende riviere vol
Liefde se skerp klippe
Word hierbinne rondgerol
Alleen so alleen
Ek is weer alleen
Foto’s en herinneringe
Jy glimlag mooi in elke een
Gister was ons twee nog saam
Nou sit ek hier alleen
Alleen so alleen
Ek is weer alleen
Saggies val die winterreën
Alleen alleen ja
Ek is weer alleen
Mm…
Herhaal eerste vers
Alleen so alleen
Ek is weer alleen (x3)
Komponis: David Kramer
Uitgewer: Music Wrights
Verskyn op:
Vir Jou
Laurika op versoek
Grootste treffer volume 1
Die nuwe trefferalbum
As almal ver is
As almal ver is
Word die hart skielik oud
As die wêreld ‘n ster is
Afsydig en koud
Smee die gordyne
‘n Komplot teen die lig
Krimp die kosyne
En deure sluit dig
Refrein:
As almal ver is, vind jy jouself
Waar jy in laaie, in stil hartkamers delf
As almal ver is, vind jy jou siel –
Weerloos, en eensaam, soos ’n vrou voor ‘n spieël
As daar geeneen is,
Sit jy als op die skaal
Want jy weet, wat geleen is,
Word eindelik gehaal.
Dan kom die waarheid
En besweer elke leuen
Skenk jou weer klaarheid –
En laat jou alleen
Refrein
Woorde en Musiek: Koos du Plessis
Uitgewer: Incline House
As ek eendag oud is
As ek eendag oud is en my lewe herleef
Sou ek terugdink aan tye wat aan môre vaskleef?
Die minute en ure’s in ‘n oogwink verby
Elke glimlag en traan is kosbaar vir my
En as ek sou kon teruggaan wat sou ek wou hê?
Wat sou ek verander wat sou ek wou sê?
Sou die wysheid my uitput of op hande kon dra?
Sou ek antwoorde kry – op die vrae wat ek vra
Refrein 1:
Want vandag is die môre waaroor gister bekommer
Elke uur word die dromers al stommer en stommer
Die minute en ure’s in ‘n oogwink verby –
Elke glimlag en traan is kosbaar vir my
En as ek eendag oud is wil ek kan onthou
Die pyn en die lyding, die liefde die nou
Die lewe se paadjies, waar hul ook mag draai
By kleuterskool maatjies, wie sou kon raai
En as dit dan ook tyd word om my kop neer te lê
Sou ek graag wou weet daar’s niks meer te sê
Sou die wysheid my uitput of op hande kon dra?
Sou ek antwoorde kry – op die vrae wat ek vra
Refrein 2:
Want vandag is die môre waaroor gister bekommer
Elke uur word die dromers al stommer en stommer
Die minute en ure’s in ‘n oogwink verby –
Elke glimlag en traan is kosbaar vir my
Sou die wysheid my uitput of op hande kon dra?
Sou ek antwoorde kry – op die vrae wat ek vra
As ek eendag oud is
As ek eendag oud is
As ek eendag oud is
As ek regtig oud is!
Woorde en Musiek: Etienne Steyn
Uitgewer: In MS Samro/ © Etienne Steyn
As jy kan
Ek sal jou ‘n woud in die binnestad vind
Waar die wind ‘n bevryding aan jou voete kan bind
En ons polse saam in ritme verbind
As jy kan
As jy sal
As jy saam wil met my
Ek sal jou ‘n laan langs die see plavei
Waar die meeue jou verstand oor die einders lei
En ons asems saam in die skemer versny
As jy kan
As jy sal
As jy saam wil met my
O daar’s ‘n reis in die toekoms se hand
Ek gee jou my drome as ontsluitingspand
Ek sal jou ‘n tafel onder sterre gaan dek
Waar die wyn se warmte na jou binneste kan trek
En ons sinne saam ‘n nuwe gang kan ontdek
As jy kan
As jy sal
As jy saam wil met my
Ek sal jou na ‘n kasteel op die Boberg vat
Waar die klippe jou wegvoer oor die eeue se pad
En ons harte verskans in ‘n eie stad
As jy kan
As jy sal
As jy saam wil met my
Ek sal jou ‘n hawe in die nag oopskeur
Waar die water jou wese na die bodem kan sleur
En ons siele saam ‘n nuwe hoof kan deur
As jy kan
As jy sal
As jy saam wil met my
As jy kan
As jy sal
As jy saam wil met my
Woorde en Musiek: Freek Robinson
Uitgewer: MS / SAMRO
Atlantis
O, my naam maak rêrig nie saak nie
En my ouderdom net so min
Maar die plek en die mense wat ek lief het
Word uitgedop en omgekeer
O, wat het julle met my Kaap gedoen
En wie gaan verantwoordelik staan
Met my hand vol vere oopgemaak
En die dons wat daaruit waai…
Laat die met ore hoor
En die met oë sien
In die ghetto’s die nuwe ghetto’s
Daar dans onse kinders
Laat die met oë dan lees
En die met tonge dan praat
In die ghetto’s die nuwe, nuwe ghetto’s
Daar bloei onse kinders
Laat die met woorde dan skryf
En die met note dan sing
In die ghetto’s die nuwe, nuwe ghetto’s
Daar sterf onse kinders
O, ek’s oud genoeg om nog jonk te wees
En ek sleep my geboortemerk saam
Met my hand vol vere oopgemaak
En die dons wat daaruit waai…
Komponis: Anton Goosen
Uitgewer: Gallo Music Publishers
Ballade van ‘n koningsdogter
O bly het die koning se lippe gelag
En hoog het bokale geswaai
Kom ledig die beker se vonk’lende prag
En bring hier my dogter so fraai
Met ‘n fa, la, falalala en die sang van ‘n silwer basuin
Het die koning se bode die lelie gaan haal
Wat pryk in die koning se tuin
O bly het die koning se dogter gespeel
Die mooiste blom in die tuin
Toe hoor sy ‘n stem wat nog liefliker streel
As die sang van ‘n silwer basuin
Met ‘n fa, la, falalala en die oë so sag en so bruin
Het die koning se bode die lelie gaan haal
Wat pryk in die koning se tuin
“Die koning laat vra of sy dogter sal kom
Sy Majesteit vier fees
En soeter nog is die wyn vir hom
As sy dogter daar kan wees”
Met ‘n tra, la, tralalala
En die gloed van sy stem in haar hart
Het die koning se dogter
Die bode gevolg en vry was sy van smart
En teer het die oë wat haar verbly
Die lelie aangekyk:
Sy was die bloeisel so rein en hy –
Die stingel in die slyk
Met ‘n tra, la, tralalala
En die gloed van sy stem in haar hart
Het die koning se dogter haar minnaar gevolg
En vry was sy van smart
En gou het die koning opgespring
Om sy dogter te begroet
En die prinses na die troon te bring
Met die bode aan haar voet
Met ‘n ra, ta, ratatata
En die swaai van ‘n rooi banier
Het ‘n hoë besoeker daar aangekom
Om met hul fees te vier
Trots het die koning opgestaan
En almal luister nou:
O, howelinge hoor my aan
Die Blom van my huis gaan trou!
Met ‘n ra, ta, ratatata
En die swaai van ‘n rooi banier
Het die hoë besoeker uitgetree
O Koning ek is hier!
En bleek het die koning se dogter geword
En wild was haar oë nou
My laaste druppel bloed sal ek stort
Eer ek met die ridder trou!
Met ‘n fa, la falalala
En die sang van ‘n silwer basuin
Het die koning se bode gaan staan by sy blom
Gepluk uit die koning se tuin
O wreed het die koning se oë gevlam
En hoog het sy sabel geblink
Soos die kruin van ‘n wilker, gesny van sy stam
Het die bode neergesink
Met ‘n tra, la, tralalala
En ‘n kilte wat kruip oor haar hart
Het die koning se dogter gesing en gelag
Gesing en gelag
Met die singende stem van die smart
Woorde en Musiek: I.D.du Plessis/ Laurika Rauch
Uitgewer: Gallo Music Publishers / SAMRO
Verskyn op:
‘n Jaar in my lewe
Begin somer
(Vir Simone)
Begin somer en die see
‘n Oopgebreekte kweper
Die lug soos ‘n kind
Se ballon
Ver bo die water
Onder die sambrele
Soos gestreepte lekkergoed
Miere van mense
En die gul lag van die baai
Het goue tande
Kind met die geel emmertjie
En die vergete vlegsel
Jou mond is sekerlik ‘n klokkie
Kleintongetjie klepeltjie
Jy bespeel die son daglank
Soos ‘n ukelele
Woorde en Musiek: Ingrid Jonker/ Laurika Rauch
Uitgewer: Ingrid Jonker Trust/DALRO/ Chris Torr Music
Gedig uit: Rook en Oker 1963
Berge en dale
Amper in die wolke, amper bo
Onder lê die vlaktes van die Kamdeboo
Een of ander engel het verklaar
Berge en dale ontmoet mekaar
Hier is net ’n ligte bries wat waai
Dis onder waar die droë warrelwinde draai
Dalk is dit my siel wat nou bedaar
Berge en dale ontmoet mekaar (x2)
Ek wil in die stilte jou hoor sê
Die woede in jou hart het ook gaan lê
Ek het in die verte in gestaar
Berge en dale ontmoet mekaar
Netnou sal die middag die nag ontmoet
Berg en dal sal mekaar weer groet
Die een of ander engel het verklaar
Hemel en aarde ontmoet mekaar
(x6)
Die storm in my hart het weer gaan lê
Ek sal na jou terugkom as jy my wil hê
Dit is net die liefde wat ons kan red
Dit … is wat ons … te laat besef (x2)
Dis … net die liefde … wat ons kan red
Dit … is wat ons … te laat besef
Woorde en musiek: Christopher Torr
Uitgewer: Chris Torr Music
Besoekers
Besoekers besoekers ‘n Huis vol besoekers
Wat volskink en saamlag
En goedig verkeer
En tussen hul maalkolk
Dwaal ek alleen
Op soek na jou koester
Wyl die wind deur my ween
Besoekers besoekers ‘n Leeftyd se saamkoms
Deurweef met gedagtes
En drome wat boei
Dobber ek doelloos
Hou in my verlange
Met hoopvolle drome
Jou beeld vasgevang
Refrein:
Luister my lief
Na die ween van die wind
Luister my lief
Voor jy ons knoop ontbind
Besoekers besoekers ‘n Leeftyd se saamkoms
Verbind deur die wete
Dat alles vergaan
Klou ek krampagtig
So lank as ek kan
Aan beelde van drome
Wat saamseil beman
Refrein
Woorde en musiek: Awie de Swardt/Michael Tellinger
Uitgewer: Gallo Music Publishers
Beste vriende
(Duet met Wouter van de Venter)
Soos middernagstiltes
En lomerige winde en nog baie meer
Soos ‘n aand met helder sterre
En die soet geur van blomme
So voel ek oor jou
Refrein:
Maar verskoon my tog as ek droogmaak
En jy my nie mooi verstaan nie
Want met ‘n vriend soos jy
Maak dit tog regtig nie saak nie
Soos ‘n dop met baie ys in
James Phillips in die basement
En nog baie meer
Soos wêreldbekerrugby
En Baywatch op die tv
So voel ek oor jou
Refrein
Soos middernagstiltes
En lomerige winde en nog baie meer
Soos ‘n aand met helder sterre
En die soet geur van blomme
So voel ek oor jou
Soos ‘n dop met baie ys in
James Phillips in die basement
En nog baie meer
Soos wêreldbekerrugby
My soapies op die tv
So voel ek oor jou
Refrein
Brug
Ons is anders maar tog dieselfde
Ek is ek en jy is my beter helfte
Ons was miskien een in ‘n vorige lewe
Maar nou is dit om’t ewe
Die helfte of dieselfde
…maak nie rêrig saak nie…middernagstiltes…
…maak nie rêrig saak nie…’n aand met helder sterre
…maak nie rêrig saak nie…so voel ek oor jou
…maak nie rêrig saak nie
Woorde en Musiek: Wouter van de Venter
Uitgewer: Wouter van de Venter/ M/S (Samro)
Bitterbessie dagbreek
Bitterbessie dagbreek
Bitterbessie son
‘n Spieël het gebreek
Tussen my en hom
Soek ek na die grootpad
Om daarlangs te draf
Oral draai die paadjies
Van sy woorde af
Dennebos herinnering
Dennebos vergeet
Het ek ook verdwaal
Trap ek in my leed
Papegaai-bont eggo
Kierang kierang my
Totdat ek bedroë
Weer die koggel kry
Eggo is geen antwoord
Antwoord hy alom
Bitterbessie dagbreek
Bitterbessie son
Woorde en Musiek: Ingrid Jonker/ Laurika Rauch
Uitgewer: Ingrid Jonker Trust (DALRO)/Chris Torr Music
Blou
As die skemer kom
En hy vang my by jou
En hy stuur jou terug na jou huis toe
Wie sou verstaan
Hoe ek sou voel
Wie sou verstaan
Oral om, om my heen
Is dit blou
Want ek wil by jou wees
Ek wil by jou wees
Vanaand
Tyd en plek
Bepaal wat gebeur
Niemand kan dit keer nie
Sê my wat’s reg
En wat is verkeerd
Wie sou bepaal?
Oral om, om my heen
Is dit blou
Want ek wil by jou wees
Ek wil by jou wees
Vanaand
Refrein:
Alles is blou
Alles is blou
Blou is die wolke
Blou is die maan
Blou is die venster waarby ek staan
Blou is my hart en
Blou my gedagtes
Blou om my heen
Alles is blou
Alles is blou
Alles is blou
Alles oor jou
As die skemer kom
En hy vang my by jou
En hy stuur jou terug na jou huis toe
Wie sou verstaan hoe ek sou voel
Wie sou verstaan
Oral om, om my heen
Is dit blou
Want ek wil by jou wees
Ek wil by jou wees
Vanaand
Woorde en Musiek: André Swiegers
Uitgewer: Select Musiek Uitgewers
Verskyn op:
Stuur groete aan Mannetjies Roux
19 Treffers van 21 jaar
Blou kafee
Onthou jy nog die blou kafee
By Mosselbaai se strand
Waar ‘n mens die wye see
Kon vashou in jou hand
Smiddae het ons ver gaan stap
En op die wye strand
Ons name in die sand geskryf
As talisman en pand
En saans was daar ’n ou klavier
(Ant Gerty het gespeel)
En ons kon dans en ons kon sing
En ons kon ons verbeel
En ons kon ons verbeel my ding
En doen net wat ons wou
Mooi wense wens en drome droom
En lugkastele bou
Refrein:
Haai haai die witborskraai
Hiervandaan na watter baai
Het watter wind om watter draai
Ons kaalvoetspore weggewaai
Brug:
Die geel klavier was vals my ding
Maar dit was nie te sê nie
Ons het heelnag deur gewals my ding
Ge-two-step en gewals
Al verder van die blou kafee
Af weg tot langs die donker see
Al verder weg al verder weg
Al verder weg mmm…
Die blou kafee was als my ding
Al was die wysies vals
Jou mond was teen my hals my ding
Die lewe was ’n wals
Wat het geword van daardie twee
Die geel klavier die blou kafee
Van jou en my van my en jou
En Mosselbaai se silwer see
Refrein
Ek weet net soms as ek verlang
Na niks in die besonder
Onthou ek weer vir jou en my
En kan ek maar net wonder
Ant Gerty is glo hemel toe
Die geel klavier verkoop
Die tafels en die stoele weg
Die blou kafee gesloop
Refrein
Woorde en musiek: Chris Barnard/Christopher Torr
Uitgewers: Dalro/Chris Torr Music
Blue skies (duet met Clinton Waring)
(Duet met Clinton Waring)
Jy’t gesê ons liefde sal bly staan
Al tuimel al die berge in die oseaan
Doen vir my ‘n gunsie voor jy gaan
Gooi vir my ‘n klippie
‘n Klippie in die oseaan
There used to be a time when
You were my best friend
I used to think that summer
Would never end
But I could hear the ocean softly sigh
When you said you’d love me
Even if the seas ran dry
Refrein:
En kyk hoe sak die sekelmaan
In die stille oseaan
Stille waters diepe grond
Onder draai die duiwel
Onder draai die duiwel rond
I can start a new life
Give me time
If you ever see her
Tell her that I’m fine
She used to say she loved me long ago
If you ever see her
Tell her that I say hello
Miskien is daar ‘n plek vir ons twee saam
Anderkant die berge van die maan
En as die maan weer opkom
Sal ek onthou
Ek was vir ‘n rukkie ook ‘n bietjie lief vir jou
Chorus:
And yes you had amazing eyes
Clear as summer, summer skies
But you left me, sailed away
Did you ever love me ever love me anyway
But you left me, sailed away
Did you ever love me ever love me anyway?
Woorde en Musiek: Christopher Torr
Uitgewer: Chris Torr Music 1992
Bly nog so bietjie (Ek mis jou)
Ek mis jou as ek koffie maak
Ek mis jou as ek stryk
Ek mis jou in die middae na werk
Ek mis hoe jy lyk
As ons praat op die telefoon
Kan ek jou skaars hoor
As jy sê jy is lief vir my
Dan mis ek jou van voor
Refrein:
Bly nog so bietjie hier by my
Sit nog so ‘n rukkie hier langs my
Bly nog so bietjie hier naby my
Voor jy weer huis toe gaan
Ek was heeltemal tevrede
Ek was heeltemal okay
Ek het aangegaan op my eie
Ek was heeltemal vry
Maar as die liefde jou geraak het
Voel vryheid soos ‘n tronk
As die liefde in jou bloedstroom kom
Dan maak dit jou skoon dronk
Refrein:
Dae voel soos weke
Die weke soos maande
Aaah!
Die ure apart
Voel soos dekades
Refrein:
O bly nog so bietjie hier by
Sit nog so ‘n rukkie hier langs my
Bly nog so bietjie
Hier naby my
Voor jy weer huis toe gaan
Voor jy weer huis toe gaan
Voor jy weer huis toe … gaan
Woorde en Musiek: Vernette Rautenbach Wessels
Uitgewer: Esmé Vernette Rautenbach Wessels, soos geregistreer by SAMRO
Brêkfis in Bloemfontein
Die deur toegeklap, als gesê wat ek graag wou sê
Maar maak dit saak wat hy dink want ek glo nie hy wil my meer hê nie
En in die donker gordyn van die nag
Hoor ek sy woorde en ek mis ons soms saam lag
Maar ek draai op my sy, want ek glo dit is vir goed verby
Dis baie vroeg in die môre, ek is nog vas aan die slaap
Maar hy het net my koffer gevat en sommer self gepak
Vrye keuse’s nie ’n opsie nie en wegloop is te laat vir my
Want hy pluk net die deur oop en sê: “Klim in want ek wil ry”
Refrein 1:
En ons ry deur Pretoria en toe deur die Goudstad
Parys aan ons regterkant
Deur naamlose dorpe daar was shacks en die highway
Hoe ver is ons nog van die strand af
Dan kom die son oor ons op en ek loer na sy kant toe
Om te sien of hy kyk of ek kyk
Terwyl die dag om ons dans strek ons bene
En eet ons brêkfis in Bloemfontein
Ek wag dat die bom bars terwyl die Karoo aan ons raak
En die vaal van die wêreld, maak my sommer gou-gou vaak
In Beaufort-Wes besluit hy ons gaan oornag
Ons trek weer weg terwyl ek sweer dit is nog nag
En met sy rustige stem breek hy stadig aan my mure af
Brug:
Worcester is die pitstop waar hy sê:
“Komaan vat jy nou die wiel –
Ek is moeg, bestuur maar Kaap toe
Maak my wakker as jy Tafelberg sien”
Met my oë op die wynland maar my hart in my keel
Hou ek op met die games wat ek speel
Toe ek die plat berg sien sê ek sag
“Jy mis die beautiful view”
Refrein 2:
En ons toer deur die Boland en draai na die Paarl
Hy vat wragtag die Montagu pas
In Graaff-Reinet sien ons berge en vlaktes verlate
Hoe ver is ons nog van mekaar af
Dan kom die son oor ons op en ek loer na sy kant toe
Om te sien of hy kyk dat ek kyk
Terwyl die dag om ons dans maak ons vrede
En dink aan brêkfis in Bloemfontein x 3
Woorde en musiek: Mariki de Villiers-Knop
Uitgewer: Samro
Brood
Vanoggend toe ek opstaan
Het die radio gesê
Dat die prys van brood moet laag bly
Die wêreld moet kos hê
Een glas wyn saam met vriende
Kan die hart sy vreugde bied
Maar daar’s min wat ‘n mens so goed verstaan
Soos ‘n hartseer liefdeslied
En ek sien jou sit daar by die straatkafee
Net jy alleen
Die kelner gee sy glimlag
Maar die wolke bring weer reën
‘n Stad vol mense om jou
Wat haastig heen beweeg
Maar vir jou het die wêreld stil gaan staan
Jou hart is koud en leeg
Refrein:
Ek gee vir jou ‘n brood
As jy honger na my kyk
Ek gee vir jou my hand as jy ‘n bietjie eensaam lyk
Ek gee vir jou ‘n smile
As daar ‘n traan oor jou wange loop
En ek gee vir jou my woorde
Dis my daaglikse brood
Vanoggend toe ek opstaan
Het die radio voorspel
Dat die tyd op aarde min raak
Jy moet jou ma-hulle bel
Om te lag is medisyne
Wat die hart sy voedsel bied
Maar daar’s min op hierdie aarde
Soos ‘n goeie liefdeslied
Refrein
En ek sien jou stap daar
Tussen die duiwe in die stad
Alleen met jou gedagtes
En jou hart in jou hemp se sak
Dit lyk soos in ‘n movie
Net die musiek wat eintlik kort
Maar hier is vir jou my woorde
Dis my daaglikse brood
Refrein x 2:
En ek gee vir jou my woorde
Dis my daaglikse brood
Woorde en musiek: Jak de Priester
Uitgewer: Jak de Priester
Daantjie
Ek sing vanaand van Daantjie, Daantjie, Daantjie Louw
Met sy kinderoë, donker donker blou
Ek sing vanaand van Daantjie, sagter as ‘n duif
Maar wat doen jou kinderoë in ‘n ouer man se lyf?
Daantjie sing ‘n deuntjie, Daantjie groet die haan
Die hoenders kry hul mielies, die varke kry hul graan
Drie en dertig somers kom en gaan
En die silwer emmers swaai al baie jare in die laan
Refrein:
En ek kan Daantjie nog hoor lag
Daantjie, trippel Daantjie, dou voor dag
En ek hoor jou vriende
Almal roep vir jou
Daantjie, Daantjie, Daantjie
Daantjie louw
Winde wolke weerlig, wilde storms woed
Oranje is die waters, die oranje is in vloed
Daantjie trippel Daantjie het koffers graan gepak
En Daantjie en die graan en die hoenders en die haan sit nou op die dak
Daantjie sing ‘n deuntjie, Daantjie groet die haan
Die hoenders kry hul mielies, nou meet hy die graan
Maar waar is al sy varkies, die haan het mos gekraai?
En hy spring toe in die waters diep, hy spring in die waters kwaai
Refrein x 2
Woorde en musiek: Christopher Torr
Uitgewer: Chris Torr Music
Verskyn op:
Grootste treffers volume 2
Chris se trefferliedjies
Daar’s baie klippe in die Groot Karoo
Daar’s baie klippe op hierdie plaas
Maar hulle sê die werk is skaars
Ek dink ek sal maar ’n rukkie bly
Hier in die Kamdeboo kontrei
Ek glo die muur wat ek hier gaan bou
Sal hierdie werf baie netjies hou
Ons moet die bokke van die skape skei
Hier in die Kamdeboo vallei
Om ysterklippe bymekaar te maak
Is mos ’n doodgewone taak
Party lê onder, party lê bo
Daar’s baie klippe in die Groot Karoo
Ek rus my knieë in die warm sand
Die vonke spat soos ek klippe kap
Dis nie my eerste muurtjie nie
Ek is nie meer ’n laaitie nie
My waterpas is ’n bietjie krom
Het met ’n halfmaan hier aangekom
Die klippe lê soms onderstebo
In hierdie deel van die Groot Karoo
Ek trek ’n streep in die warm sand
Die tipe werk vang my soms onkant
Op sommige plase rus ’n man se knie
Nie baie lekker op die aarde nie
En eendag na ’n sekelmaan
Sal ek ook voor jou hek kom staan
Met my pluiskeil wat ek liggies soen
Met my ’n donkie wat ek Dinsdag noem
Woorde en musiek: Christopher Torr
Uitgewer: Chris Torr Music
Dans in die maanlig
Hande streel teen ’n bloeiselwang
Oë stip in sy kyk gevang
Ore swem in sy diep bruin stem
Rus haar kop op sy ferm ken
Brug:
Skryf ’n brief van die verre land
Strooi daarin van die vreemde sand
Onthou dan gras bly dieselfde groen
Met dieselfde son wat jou warm soen
Koor (1):
En hul dans in die maanlig
Saamgevleg in die purper lug
Kyk hul dans in die maanlig
Dolgelukkig
Jaar na jaar en maand na maand
Vaag die beeld van daardie aand
Soek ’n ster in ’n nag so swart
Stadig klop haar gebroke hart
Brug
Koor (2):
En hul dans in die maanlig
Saamgevleg in die purper lug
Kyk hul dans in die maanlig
Dolgelukkig
Dieriedaai-jaai-dieriedoem
Dieriedaai-dieriedoemdaai
Dieriedaai-jaai-dieriedoem
Dieriedaai-dieriedoemdaai
Hande gevou op ’n moeselien lap
Oë toe asof sy net slaap
Ore stil in ’n verre land
Rus haar siel in die vreemde sand
Brug
Koor (2)
En hul dans…
Woorde en Musiek: Mynie Grové
Uitgewer: Mailbox Music 2001
Deur die oë van ‘n kind
Deur die oë van ‘n kind is die wêreld geel
’n Strand waarop ons uitgelate speel
Ek duik jou, jy val,
Ons slaan vuis oor ’n bal
Ek huil nie te veel nie:
Die wêreld is heel
Deur die oë van ‘n kind is die wêreld groen
Want pappa is hier, hy kan alles doen
Jy glo wat hy sê
Jy kan kry wat jy wil hê
In ruil vir ’n taai klapsoen
Refrein:
Sien ’n reënboog in droë woestyn
’n Glimlag wat breek deur die pyn
Jy vra waar’s die hoop
En ek wys jou die son
Wat die oë van ’n kind sien skyn
Deur die oë van ’n kind is die wêreld rooi
En gister se einas ver weggegooi
As kersvader klim
By die skoorsteen in
Dan toor hy die lewe mooi
Selfs die donkerste nag sien ’n kind as blou
En swartsteenkoolgrys sien hy effens grou
Want wie’s dan nou bang
Vir die goed wat jou kan vang
As pappa jou styf vashou!
Refrein
Ek’s bang vir die kraai wat die tyding bring
Maar kinders kyk oor hom, hoor engele sing
Ek wens ek kan reis op die gisterwind
Om weer te kan sien soos ’n kind
Om weer te kan sien soos ’n kind
Om weer te kan sien soos ’n kind
Refrein x 2
….wat die oë van ’n kind sien skyn
wat die oë van ’n kind sien skyn
Woorde en Musiek: Louis Brittz
Uitgewers: MAR Gospel Music Publishers
Die ballade van Jakob F de Beer (circa 1988)
In die Kamdeboo kontrei was ons vrolik, jonk en vry
Waai westewinde waai
In die Kamdeboo kontrei het ons donkiekar gery
Draai donkie donkie draai
Jakob F. de Beer, windpompingenieur
Reis van plaas tot plaas in sy donkiewa
As die westewinde waai, moet silwer speke draai
Draai silwer speke draai
Jakob, pasop
Die wind kan skielik draai
Jakob, Jakob
Die westewind is kwaai
Hannetjie du Plooy, byna byna mooi
Draai westewinde draai
As die dansorreltjie kreun, sit Hannetjie alleen
Draai draai draai tiekie tiekie draai
‘n Donkie en sy baas kom aan op ‘n nuwe plaas
Hannie lyk vir Jakob al te mooi
Na ‘n week of wat ken die donkie ook die pad
Draf draf donkie donkie draf
Jakob, pasop
Die wind kan skielik draai
Jakob, Jakob
Die westewind is kwaai
Op ‘n dag in die Kamdeboo is Hannie windpomp toe
Draai donkie donkie draai
Skeef langs die yster leer, lê Jakob F. de Beer
Waai waai weste winde waai
In die Kamdeboo kontrei kon Hannetjie nie bly nie
Sy huil te veel as die westewinde waai
In die Kamdeboo kontrei het ons donkiekar gery
Draai donkie donkie draai
Jakob, pasop
Die wind kan skielik draai
Jakob, Jakob
Die westewind is kwaai
Woorde en Musiek: Christopher Torr
Uitgewer: Chris Torr Music
Verskyn op:
Encore! Laurika
Stuur groete aan Mannetjies Roux
Ander interpretasies: Circa 2004
Die diep blou see
Ek sing vanaand van die diep blou see
Nie soseer van die liefde nie
Maar my hart is wel in twee geskeur
Dis nog ‘n bietjie rou, nog ‘n bietjie seer
Ek het gesê ek sal verstaan
As jy eendag weg moet gaan
Seil nou terug oor die diep blou see
Sê jy sal nie weer weggaan nie
Refrein:
En al my sorge groot en klein
Sal net sommerso verdwyn
Is daar niks meer tussen ons twee nie
Behalwe die eindelose see?
Ek sien ‘n lig maar dis baie ver
Dalk is dit maar net ‘n ster
Dalk het die einde al gekom
Draai die aarde nog om die son?
Jy’t vir my laat verstaan
Dat jy eendag weg moet gaan
As jy nou net weer terug kon kom
As jy net wou as jy net kon
Refrein:
En al my sorge groot en klein
Sal net sommerso verdwyn
Is daar niks meer tussen ons twee nie
Behalwe die eindelose see?
Woorde en Musiek: Christopher Torr
Uitgewer: Chris Torr Music
Die fietsryer
(Jou Jas)
Eers was jy net ‘n stippelding
‘n Deining sonder vorm
Naby het jy mens geword
Verflenter op ‘n fiets
Refrein:
Jou jas, jou jas is vol gate geskiet
Deur die wit vlymskerp jare
Maar net jy weet
Waar om in jou jas te staan
Sonder om koud te kry, koud te kry
Sonder om koud te kry
Swetend in jou waggel wieg
Sirkeltrap die opdraand uit
Die stom wind om jou ore
Het ‘n suising gemaak
Toe jy aan die afdraand raak
Refrein
Jou jas se pante wapper en waai
Soos die hande van ‘n jong kind
Al verder en verder weg wapper dit
Ruggelings in die warm wind
Woorde en Musiek: Ben Beukes / Abri Helberg
Uitgewer: Select Musiek Uitgewers
Die gang
In die donker gang is ‘n lig wat skyn
Maar die vlam is delikaat en fyn
En ek het verlang na die lentetyd
Op my oom se plaas sonder elektrisiteit
My tannie sê my kind, my kind
Die liefde en die motte is blind
Vanmelee se dae in die lentetyd
Was daar wel, ja wel ‘n bietjie elektrisiteit
Refrein:
Diep in die donker gang het ek na iets verlang
Ek het die wind hoor sing, lente sal liefde bring
Ek het die dag hoor kwyn, dis net die son wat nou verdwyn
En soos die aarde draai, sal ‘n haan weer kraai
In die donker gang is ‘n skildery
Van De Wet, Cronjé‚ en De la Rey
En die perde se oë het moeg gelyk
Want die strewe na vrede is ‘n eindelose stryd
Laat een aand word die nag soos dag
Soos die storm bars met al sy krag
En ek het in die gang weggekruip
Want ek was so bang vir die elektrisiteit
Refrein
In die donker gang word die vlam weerkaats
In die prente waar die skadu’s dans
Maar die vlam is delikaat en fyn
En dit kan soos ‘n dief in die donker nag verdwyn
Refrein
Woorde en Musiek: Christopher Torr
Uitgewer: Chris Torr Music
Verskyn op:
Die gang
19 Treffers van 21 jaar
Chris se trefferliedjies
Laurika Rauch sing die liedjies uit Stuur groete aan Mannetjies Roux
Die goue uur (Met Bittereinder)
daar’s bloed op my tong
maar ek swem nog altyd stroom-op
hoor jou hart in die donker
die soen is tog oopmond
OK, los die verwysings
dis ek en dis jy
maar alles is anders
ons altwee verdwyn
‘n brug staan nou hier
‘n pad deur die wolke
die straatligte flikker
die stene is longe
ons sing sonder klank
die ruimte vibreer
die oomblik word tydloos
dis nou! dit gebeur!
ek’s die goue uur
‘n skadu wat dryf in die kollig
musiek in figuur
ek staan op die strand
onverantwoordelik
wild soos die land
onbetroubaar soos woorde
ek gaan haal uit die storm
en bring dit vir jou
die beelde wat vorm
ontembaar en rou
hulle gloei in jou hande
en brand in jou oë
en vloei deur jou are
in ‘n vreemde patroon
en hier’s die vertaling
deur vlammende pen
klankgolfopenbaring
die boodskapperstem
ek’s die goue uur
‘n skadu wat dryf in die kollig
musiek in figuur
Liriek: Jaco van der Merwe
Musiek: Bittereinder
Uitgewer: Bittereinder music, geadministreer en ingesamel deur CAPASSO
Die kinders sing saam
Ons draai weer van die teerpad af
Die tafels is uit sement gemaak
Ver van die stad en die lug is skoon
Tussen die tafels is ‘n peperboom x 2
Ja, my kind ons is amper daar
Net so ver soos verlede jaar
Klim nou uit aan die ander kant
Bly net weg van die groot teerpad x 2
Refrein:
Die kinders sing saam
Wat is jou naam?
Wie weet hoe om skape te tel?
Waar kom jy vandaan?
Waar slaap die maan?
Kan jy jou ouers se name al spel?
Wat kom nou, wat kom nou hier aan?
Kyk dit loop dat die stof so staan
Nee, my kind dis ‘n donkiekar
Tussen die wiele draai ‘n ewenaar x 2
Hul parkeer langs die peperboom
Tussen die donkies is ‘n disselboom
Die kinders klim van die karretjie af
Tussen die heining en die groot teerpad x 2
Refrein
Ma, kan ons nog ‘n rukkie bly?
Nee, my kind, ons het ver om te ry
Dis die tyd van die rooi turksvy
Hulle het gesê ons kan hierdie twee kry x 2
Klim in die motor laat die wiele draai
Spring op die wa en die kinders waai
Ja my kind ons is amper daar
Tussen die wiele draai ‘n ewenaar x 2
Refrein x 2
Woorde en Musiek: Christopher Torr /Marshall Harmse
Uitgewer: Chris Torr Music
Verskyn op:
Die mense op die bus
Laurika Rauch sing die liedjies uit Stuur groete aan Mannetjies Roux
Die lewe is ‘n grenshotel
Madame sit in Die Grenswag ’n Manskap teen haar bors
Sy koester sy vermoeidheid,
Sy nadrup en sy dors
Refrein:
Die lewe is ‘n grenshotel ‘n Volkebont, ‘n bont bestel
Bestel jou chips en drink jou gaar
Jou toekoms is gerekenaar
Madame bestel ‘n High Ball
(dit hou die vleesdrif hoog)
En kyk na jong kanonvoer
Wat saamdrom by die oog
Refrein
Madame, versot op jong bloed
Vergeet skoon van haar ou
Want jonk of oud sterf eenders
Die slagveld is hul vrou
Refrein
Madame grens oor die wete
Haar hulpdiens is beperk
Want of hul bruin of wit is
Hul dra die Kaïnsmerk
Refrein
En drank en nag bring kennis
En almal haal die grens
Die grens erken geen grense
Alleen die hart se wens
Woorde en Musiek: Hennie Aucamp / Jannie Hofmeyr
Uitgewer: Gallo Music Publishers / SAMRO
Die liefde is ‘n wonderlike ding
In ons lewens verskyn daar van tyd tot tyd dinge soos donkies en diewe
En narre en besems en die liefde
My oom is nie seker van die diewe nie, maar hy weet die donkie kom van Nieu-Bethesda af
My tannie sê die liefde, die liefde kom van die Here af
Hulle wys vir my die kruis op die esel se skouers en rug
Hulle sê hulle dink dit staan so, ja dit staan so in die Skrif
En die skare in Jerusalem sing en skreeu hoera!
En my oom sê kyk die donkie het die Here ingedra
Refrein:
Maar hoe weet hy of hy kom of gaan
Met sulke groot oogklappe aan?
En waarheen is hy nou op pad?
Weet net hy kom van Nieu-Bethesda af
Die liefde laat ons lag, die liefde laat ons sing
My oom sing van die donkie – dis ’n wonderlike ding
Maar ek moet tog versigtig wees sê hy dat dit my nie seer maak nie
Ek sê ek weet nie of hulle oor die liefde of oor die donkie praat nie
My tannie kyk eers boontoe en daarna kyk sy af
Kyk, van ’n donkie kan jy altyd ’n skop of twee verwag
En die donkie dra wel oogklappe maar die liefde nie
Verder is daar nie eintlik ’n verskil nie
My oom gryp ’n besem en ’n donker bril en daar vlak voor ons oë op die kombuisvloer
Dans hy die dans van ’n donkie wat oor die heining loer
My tannie sing o die donkie, o die donkie is ’n wonderlike ding
Veral hy wat kan dans, veral hy wat kan sing
Refrein
Hulle boer nog daar op Dwarsbult, ver in die ou Karoo
En my tannie dra nog steeds daardie bril met ’n onder en ’n bo
My oom sing nie meer so veel soos vantevore nie
Hy’t ook lanklaas gedans – daar’s glo iets fout met sy knie
Ek hoop ek het nou alles gedek – dis nou die donkie en die diewe
En Jerusalem en die besem en die sirkus en die donker bril en die hanswors en natuurlik die liefde
Soos ek genoem het, is ons nie seker hoe die diewe dinge reël nie
Want tot dusver het niemand nog my hart gesteel nie
Wat die liefde betref, as ek van die sirkuslewe hou
Kan ek mos altyd met ’n hanswors of met ’n donkie trou
In elk geval, dit is dan die storie van my oom en my tannie
En al die ander mense wat wil dans maar nie kan nie
Refrein
Woorde en musiek: Christopher Torr
Uitgewer: Chris Torr Music
Die mense op die bus (circa 1999)
Refrein (1):
Sing vir my saggies, sing van die reën
Waar kom dit vandaan, waar gaan dit heen?
My hart is al lankal, lankal gebreek
Ek het jou byna, jou byna vergeet
Die mense op die bus beskou
Die liefde soos die oggenddou
My hart is lankal reeds gebreek
Ek het dit net-net weggesteek
Dalk is die liefde soos die reën
Dit sal die aarde plek-plek seën
Die mense op die bus sê ja
Verspreide buie hier en daar
Refrein (1)
Die mense op die bus wil hoor
Waar het jy eers jou hart verloor?
Die mense op die bus sê nee
Daar’s baie visse in die see
My hart is amper weer gebreek
Ek het dit net-net weggesteek
Die mense op die bus beskou
Die liefde soos die oggenddou
Refrein (2):
Sing vir my saggies, sing van die reën
Waar kom dit vandaan, waar gaan dit heen?
My hart is al lankal, lankal gebreek
Ek het jou bynaam, jou bynaam vergeet
2X Refrein (1)
…Ek het jou bynaam, jou bynaam vergeet
Woorde en Musiek: Christopher Torr
Uitgewer: Chris Torr Music
Verskyn op:
Die mense op die bus
Die nuwe trefferalbum
Chris se trefferliedjies
Laurika Rauch sing die liedjies uit Stuur groete aan Mannetjies Roux
Ander interpretasies: Circa 2004
Die mense wat ek lief het
Refrein:
Die mense wat ek lief het
Kom groei op my soos mos
Daar laat ek hul na hartelus gedy
En loop ek deur die wêreld
– beskut teen die koue –
Die snoesigheid self:
Ek met my moskombersie
En as daar ‘n oorlog kom
Word die mense wat ek lief het
‘n Ekstra liefdeslaag om my
So marsjeer ek deur die wêreld
Gepantser teen die vuur
Die onaantasbaarheid self:
Ek met my menskombersie
Brug:
Maar as iemand wat op my gegroei het
Weg moet gaan
Dan sit daar ‘n seerplek
Dan sluip ek deur die wêreld
Die kwesbaarheid self:
Ek met my seerplek
Wat net nie wil genees nie
Woorde en Musiek: Stephan Bouwer / Anton Goosen
Uitgewers: Dalro / Gallo
Verskyn op:
Debuut
Laurika op versoek
Grootste treffers volume 1
Die nuwe trefferalbum
Die reis
Daar’s ’n ster wat skyn in die donker nag
En hy skyn oor my en dit wys die pad
Waarheen dit lei sal ek nie kan sê
Maar ek weet dat daar ’n toekoms lê
Daar’s ’n wind wat waai op ’n warm dag
En hy waai oor my en dit koel my af
Of dit reën gaan bring sal ek nie kan sê
Maar ek weet dat die wind weer sal gaan lê
Refrein:
En ek’s op my knieë
Ja ek kniel alweer
Hoor my as ek smeek
Dat die sterre altyd oor my skyn
En die winde in my seile bly
Daar’s ’n rivier wat druis tot by die oseaan
En hy spoel oor my en dit sleur my saam
Waarheen dit vloei sal ek nie kan sê
Hoe weet mens wat agter daardie horison lê
Daar’s ’n stem wat roep en hy roep my naam
En hy gaan op reis en nooi my saam
Waarheen ons gaan sal ek nie kan sê
Maar ek glo elke woord wat die stem vir my sê
Refrein:
En ek’s op my knieë
Ja ek kniel alweer
Hoor my as ek smeek
Dat die waters my weer skoon kom spoel
En die stem my lei na ’n groter doel
Musiek & liriek: Esmé Vernette Rautenbach
Uitgewer: © Esmé Vernette Rautenbach, geadministreer en ingesamel deur CAPASSO
Die rolprent
Gee my ‘n plek in ry “H”
Net een dankie – gaaf dat jy vra
Die voorprent het nou net begin
As die Saterdag matineé draai
Gaan wie nou vir wie eers verraai?
Maar ek het die boek al gelees
Hier kom die held en heldin
Want die hoofprent – het nou begin
Voorheen was jy vir my lief gewees…
Maar dit was ‘n heel ander fliek
Refrein:
Waar kom die lied, die liedjie vandaan?
Dit kom met die son en verdwyn met die maan
Die woorde is sterk, die deuntjie so skaam
En vroeg in die rolprent sing ons nog saam
Dalk is ons liefde ‘n fliek
Wat ook soms hartseer kan bied
Ons liefde was mooi vir `n bietjie
Drome kom andersom uit
Dis net `n kwessie van tyd
Nie als in die storie maak sin nie
Deesdae leer jy jou les
Met behulp van ‘n kort sms
Voorheen was jy vir my lief gewees
Maar dit was ‘n heel ander fliek
Refrein:
Waar kom die lied, die liedjie vandaan?
Dit kom met die son en verdwyn met die maan
Die woorde is sterk, die deuntjie so skaam
En soms in my drome sing ons nog saam
Lai dai de dai dai de dai
Lai dai de dai dai de dai
Lai dai de dai dai de dai
Drome kom andersom uit
Dis net `n kwessie van tyd
Voorheen was jy vir my lief gewees
Maar dit was ‘n heel ander fliek
Dit was ‘n heel ander lied
Maar dit was ‘n heel ander lied
`n Heel ander lied x 2
Woorde en musiek: Eugéne Carstens/Christopher Torr
Uitgewer: Chris Torr Music
Die Siener
Dis ’n hele ent vanaf Ottosdal
Diep in die hart van die Wes-Transvaal
Galop, galop in die skemergloed
Oor Lichtenburg hang ‘n lanferdoek
Sy lang swart baard is met grys gevlek
Hy lyk soos iemand uit die ou testament
Oor Lichtenburg hang ‘n groot swaar wolk
Wie sal die droom vir die oom vertolk?
Refrein:
Kan jy my nog sien, kan jy my nog hoor
Oom Koos gaan dalk sy hoed verloor
Ontwaak, ontwaak, want die bloedrooi son
Hang alreeds bo die horison
Hy’t ‘n kaalkop man in ‘n droom gesien
Vlae halfstok en die nommer vyftien
Hy lyk ontsteld, hy lyk gedaan
Die generaal is in groot gevaar
Oom Koos is kalm, oom Koos is stil
Hy soek na woorde en na God se wil
Hy staar na die man met die helm gebore
Hy staar na die man met die wilde oë
Refrein
Hoe sê jy vir ‘n vriend, jou dae is getel?
Jy groet maar net en jy sê vaarwel
Glo vas in die Heer, hou vas jou hoed
Oor Lichtenburg hang ‘n lanferdoek
Donker dag, donker aand
Dag vyftien, Septembermaand
‘n skoot in die nag, ‘n skoot in die kol
In die leë straat het ‘n hoed gerol
Refrein
Woorde en musiek: Christopher Torr
Uitgewer: Christoper Torr Music
Verskyn op:
Tweeduisend-en-tien!
Laurika Rauch sing die liedjies uit Stuur groete aan Mannetjies Roux
Die skoene moet jy dra
Al die paaie wat jy loop
Al die draaie wat jy stap
Al die strikke wat jy aftrap
Al die grond wat jy koop
Gaan sit in jou knieë en die klere aan jou lyf
En klou aan jou treë en trek jou rieme styf
Refrein:
Al is jou spore vergete
Al is jou sole verslete
Al is die pad lank en swaar
Die skoene moet jy dra
Al die spoke wat jou jaag
Al die spore wat jy trap
Elke keer wat jy ontsnap
Elke hek wat jou vertraag
Skiet wortel in jou bloed en rank tot in jou vuis
En kleef aan elke voet wat jou dra tot by die huis
Refrein
Brug:
Jou verlede klou verbete
Aan die veters van jou gewete
Refrein
Die skoene moet jy dra x 4
Woorde en Musiek: Valiant Swart
Uitgewer: Valiant Swart( Rodeo Songs)
Die storie van my hart
Miskien is dit verby
Of het dit nou net begin
Dis aande soos vanaand
Wat dit moeilik maak om te sing
Ek weet dat dit nie die eerste
– of die laaste keer sal wees
Maar soms lyk alles bietjie moeiliker
So donker en vergeefs
Maar tussendeur die trane
Die swaarkry en die sweet
Voel dit tog op die ou end
Of alles ok gaan wees
En ek weet dat dit net die reën
En die weer daar buite is
Wat sal maak dat ek weer omkyk
Om te voel of ek mis
Refrein:
En dis die storie van my hart
Dis die leuse van my siel
Want daar’s altyd iewers hoop
Al lyk dit soms verniel
Ja dis die storie van my hart
Dis leuse van my siel
Want daar’s iewers hoop
Al lyk dit soms verniel
Soms sal jy onthou
En soms sal jy vergeet
Die donker bly jou voor
Waarheen, wie weet
Maar die wind sal weer gaan lê
En die son weer helder skyn
En die hoop sal kom in oorvloed
Soos bloeisels van jasmyn
Refrein:
Want dis die storie van my hart
Dis die leuse van my siel
Want daar’s altyd iewers hoop
Al lyk dit soms verniel
Ja dis die storie van my hart
Dis leuse van my siel
Want daar’s altyd iewers hoop
Al lyk dit soms verniel
Soms verniel aaa…
Soms verniel aaa…
Miskien is dit verby
Of het dit nou net begin…
Woorde en Musiek: Etienne Steyn
Uitgewer: MS/(Samro)
Die stout kat
Ons kat was gister drie jaar oud
En oom Servaas beweer
Dis oud genoeg om kattekwaad
Nou eenmaal af te leer x 2
En tog, dit spyt my om te sê
Ons kat is regtig stout
En traak nie as ‘n mens hom knor
Oor een of ander fout x 2
Herhaalde male sê ons hom
Jy moenie muisies moor
Nog minder mossies maar verniet
Die stouterd wil nie hoor x 2
Ons het al oom Servaas gevra
Mismoedig wat te maak
Hy skud sy kop en sê dit is
Nogal ‘n lastige saak x 2
Ons weet dit is, ons moet maar nou
Van vooraf weer probeer
Om in sy vierde jaar ons kat
Van kleins af weer te leer x 2
Dan sal hy later, ag ek weet,
Dit sal bra moeilik gaan
Nie meer geniepsig met sy klou
‘n Klein swak muisie slaan x 2
Nie meer loop skuil soek in die gras
Om voëltjies te bekruip
En as hy nie wil hoor nie …
Sal ons oompie hom versuip!
Woorde en Musiek: C. Louis Leipoldt/ Laurika Rauch
Uitgewer: Chris Torr Music
Die strome van die Drakensberge
Die strome van die Drakensberge vonkel in die mis
Hulle ken die klowe, hulle ken die kus
Kan ek weer my liefde, al my liefde vir jou gee?
Kyk hoe vloei die strome, al die strome in die see
Ek sien hoe vloei die strome, al die strome na die see
Hulle ken die roete, hulle ken die weë
Ek wil jou weer veilig in my arms vou
Want ek is nog soos altyd baie lief vir jou
Refrein:
Die strome van die Drakensberge vonkel in die mis
Hulle ken die klowe, hulle ken die kus
Maar die oseaan word nooit vol nie, o nee
Tog vloei al die strome tot in die see
Die liefde ken die roete, die liefde ken die weë
Al is dit soms ’n kronkelpad, al is ons soms verleë
Laat ons weer ons liefde met ’n soen verseël
En laat ons al ons liefde met mekaar weer deel
Die kleure van die reënboog vonkel in die dou
Die hemel is vanoggend, ’n ander blou
Die liefde sal ons altyd weer verstom
Al is daar niks nuuts nie, onder die son
Refrein:
Die strome van die Drakensberge vonkel in die mis
Hulle ken die klowe, hulle ken die kus
Maar die oseaan word nooit vol nie, o nee
Tog vloei al die strome tot in die see
Tog vloei al die strome tot in die see
Tog vloei al die strome tot in die see
Woorde en Musiek: Christopher Torr/Elvis Blue
Uitgewers: Chris Torr Music © Christopher Torr 2013/Elvis Blue Music Publishing
Die Telemans van Wêskou
‘n Ballade van die suburbs
Die Telemans van Wêskou
Kan bêrekoop soos min
Dra saam aan paaiemente
Gaan tronk toe as gesin
Die Tellies dink elektriek
Getuig hul huurkoop huis:
Katoeters en kontrepsies
Van kelder tot kombuis
Die Telemans van Wêskou
Droom weekliks oor ‘n stel “met kleur!” skree al die kinders “iets anders sal nie tel!”
Mene mene tellie
Is die jongste geskrif
Wat mure laat tuimel
En Wêskou ontwrig
Miss Tellie staan op troue
Wil babas genereer
Die moeder is verbete: “ook ek gaan my beheer –
Ons lay-bye vir iets groters:
Die visie vanne volk:
In vierkleur word ons strewe
Na buitekant vertolk:
Ons voetbal en ons jukskei
En paasskou moet vertel
Ons twak is nog nie nat nie
Ons stuit nie vir die hel”
Mene mene tellie
Is die jongste geding
Wat setels laat tuimel
En kleure verwring
Die spriete van hul droomkas
Wek bure se venyn
Die Tellies kannie worry
Skrum bronstig om hul skryn:
Nog hegter as tevore
Is die Tellies nou verbind –
Al raak die vader duiselig
Die moeder tele-blind
Die dogter wil nie trou nie
Die droomkas is haar man
Nes al die ander Tellies
Tot flikkerbeeld verban
Mene mene tellie
Is die jongste gerig
Wat bedplig verduister
En liefde ontwrig
Woorde en Musiek: Hennie Aucamp / Jannie Hofmeyr
Uitgewer: Gallo Music Publishers / SAMRO
Die tyd stap aan
Die kort hand op twaalf, en die lang hand op drie
Jy lê met jou kop hier teen my knie
Ek soek jou gesels maar jy’s lank nie meer hier nie
En kyk hoe loop die lang hand oor na vier
Die kort hand op twaalf, en die lang hand digby vyf
Jy’s droomland toe, en ek sit met jou lyf
Ek wou nog praat oor ons liefde en die res
Maar in stilte, lê die lang hand langs die ses
Refrein:
Die tyd stap aan, dit vlieg vir jou en my
In doodse stilte gaan die tyd verby
Die tyd stap aan, dit vlieg vir jou en my
Maar elke oomblik voel soos ‘n ewigheid vir my
Die kort hand op twaalf en die lang hand skuins na tien
Ek wens ek kon die toekoms vir ons sien
Maar nou sit ek hier in die verlede en delf
Terwyl jy slaap kruip die lang hand oor die elf
Refrein
Woorde en Musiek: Lucas L. Maree
Uitgewer: Lucas L. Maree (SARRAL)
Die wind waai vanaand verskriklik
Die wind waai vanaand verskriklik
Dis die swart Suidoos
Ek wonder of my mure gaan bly staan
En waarheen skep die wind my as hy my beetkry
Kan hy my verder waai
As waar ek is?
O Bokkie
So is die wind maar
Een dag nog vriend’lik
Die volgende dag verdwaal
Die wind klim tussen my mure in
In elke holte in
Dit ruk en pluk aan alles
Wat nog naby is
Die mure het ore
Almal luister in
‘n Mens kan so ‘n wind
Glad nie vertrou
O Bokkie
So is die wind maar
Een dag plesierig
Sommer die volgende dag al blou
Die wind waai vanaand verskriklik
Dis die swart Suidoos
Ek wonder of die wind ook by jou waai
En waarheen skep die wind jou
As hy jou beetkry
Kan hy jou verder waai
As waar jy is?
O Bokkie
So is die lewe
Een dag nog rustig
Die volgende dag benoud
O Bokkie
So is die lewe
Een dag nog rustig
Sommer die volgende dag benoud
Woorde en musiek: Dineke Volschenk
Uitgewer: Select Musiek Uitgewers
Verskyn op:
Encore! Laurika
Grootste treffers Volume 2
Die windmeul van jou siel
Rond soos ’n sirkel in ’n kringloop, soos ’n wiel draai in ’n tol,
g’n begin en ook g’n einde op ’n eind’lose katrol,
soos ’n rots val deur die ruimte, of ’n karnavalballon,
soos ’n mallemeul se draaipad, draai hy kringe om die son,
soos die hand van ’n horlosie die minute weer laat leef
en die aarde soos ’n appel deur die stille ruimte sweef,
soos die sirkel van die wiel in die windmeul van jou siel.
Soos ’n tonnel deur die aarde na ’n tonnel ongekaart
waar jy afklim in ’n kelder na die kamers van jou hart,
soos ’n deur wat draai en draai in ’n lank-vergete droom
of die kringe van ’n klippie wat gegooi is in ’n stroom,
soos die hand van ’n horlosie die minute weer laat leef
en die aarde soos ’n appel deur die stille ruimte sweef,
soos die sirkel van die wiel in die windmeul van jou siel.
Beelde dans deur jou geheue, woorde wat nooit wil gaan lê,
en die somer lê aan flarde, het ek iets verkeerd gesê?
Liefde wandel oor die duine los sy spore in die sand,
is die klank van daardie dreuning net die vingers van jou hand?
Foto’s hang in donker gange, die fragmente van ’n lied,
Half-vergete jong gesigte in die skadu’s van verdriet,
toe jy weet dat dit verby is en die herfs haar blare saai
word die maalstroom van die afskeid net ’n laaste soen koebaai.
Soos ’n sirkel in ’n kringloop, soos ‘n wiel draai in ’n tol,
geen begin en ook g’n einde op ’n eind’lose katrol
en die beelde draai verby soos die sirkel van die wiel
in die windmeul van jou siel.
Verwerking van: The windmills of your mind
Oorspronklike skrywers: Alan Bergman/Marilyn Bergman/Michel Legrand
Afrikaanse verwerker: Deon Opperman
Uitgewer: EMI Music Publishing (S.A.)(Pty)Ltd
Dis lekker by die see
Die son is ‘n rooi November
Die lywe bruin Desember
Dis lekker by die see
Hier waar die winde branders gee
Die lywe swaai November
Die koppe draai Desember
Dis lekker by die see
Hier waar die winde branders gee
Op die strand, rooi verbrand
Ronde klippies in jou hand
Streepsambreel, ronde bal
Seesproei wat soos motreën val
Die son is ‘n rooi November
Die lywe bruin Desember
Dis lekker by die see
Hier waar die winde branders gee
Woorde en Musiek: Clarabelle van Niekerk/Reza de Wet
Uitgewer: Select Musiek Uitgewers/SAMRO.
Don Quixote
Ek het my vrees oorwin en uitgewyk
Na ‘n wêreld wat half lyk
Asof jy jou maklik daarin kan verloor
As jy alles glo wat jy hoor
Oos van Gibraltar loop ek vas
In die man wat homself met illusies belas
En ten spyte van sy stokou poon
Als wat voorkom wil onttroon
Refrein:
Sy donker oë het gelag toe hy eenkant wag
Tot ek uit die stof opstaan
Ek het ‘n donkie geleen en is agter hom aan
Om sy dade te probeer verstaan
Don Quixote die mense sê jou sleg
Maar jy’s net jou verbeelding se troue kneg
Don Quixote jy dryf jou spoke weg
En jy’s reg, so reg
Maar as jy onraad merk dan storm jy voort
Na die slagveld soos dit hoort
Ek’s verstom en deur jou dade bekoor
Tot ek besef jy’t alweer verloor
Maar wat jy altyd sal behou
Is om alles as moontlik te beskou –
Selfs ‘n windmeul tot geveg te daag
Sonder die wete dat jy selde slaag
Refrein:
Jou donker oë het gelag terwyl jy regop wag
Om tot ridder geslaan te word
En al sê almal die werklikheid het jou verslaan
Dink ek jy’t dit tog verstaan
Don Quixote die mense sê jou sleg
Maar jy’s net jou verbeelding se troue kneg
Don Quixote jy dryf jou spoke weg
En jy’s reg, so reg (x2)
Woorde en musiek: Awie de Swardt/Anton Goosen
Uitgewer: Gallo Music Publishers
Droom
Ver agter die skimme van gister
Gaan haal ek ‘n droom
En die droom se naam is Jy
Ek sien jou soos jy toe was
Ek sien jou soos jy nou is
En ek besef vir altyd
Bly jy die droom vir my
Refrein:
Stil het jy hier in die omhelsing van my hart kom lê
En ek sal jou nooit laat gaan
Jy is al wat ek my lewe lank wil hê
‘n Droom wat ewig voortbestaan
Ek is gelukkig in my droomwêreld
En niks sal my ooit
Van jou kan vervreem
My drome word al soeter
Ek kry jou daagliks liewer
En jy gee soveel meer
As wat jy ooit kan neem
Refrein
Woorde en musiek: Johan Wessels (Kupido)
Uitgewer: April/Panorama
Verskyn op:
Jy is te dierbaar
Grootste treffers Volume 2
Ek en jy
As die son sak
As die winkels sluit
As die mense huis toe gaan
Die ander tuin nat spuit
As die nagskof wag
Die dagwag groet
As hy na die taxitou loop
Met sy plastieksakgoed
Brug:
As jy wil
As jy kan
As jy sou wou
Kom kuier by my
Refrein:
Ek en jy loop al lankal saam
Tyd stap deesdae net soos altyd aan…en aan
Daar’s altyd verandering
Daar’s altyd vir altyd
So daar’s nie verskonings nie
Jy weet mos hoe dit is…
Ek en jy (x4)
Bly net om die hoek
Werk ons altwee dood
Jy’t net so min tyd soos ek
Jy wil verdwyn, ek ook
Brug:
Jy weet jy kan
Jy weet jy is
Altyd welkom hier
Kom kuier by my
Refrein
Saam jaag ons agter die wind aan
Elke liewe dag
Saans is daar ’n amper tevrede engel
Wat vir ons lag
Ons was nooit so nie
Refrein:
Ek en jy loop al lankal saam
Tyd stap deesdae net soos altyd aan…en aan
Daar’s altyd verandering
Daar’s altyd vir altyd
So daar’s nie verskonings nie
Jy weet mos hoe dit is met…
Ek en jy loop al lankal saam
As jy weer kyk vlieg tyd na die maan
Woorde en Musiek: Karen Zoid / Dave Manchip
Uitgewer: MS /Samro
Ek en my klavier
Met jou sikspens in my hande
Sal ek ‘n wêreld koop
Met jou sole aan my voete
Sal ek deur ‘n vuur kan loop
In die toksak oor my skouer
Is my hart se punt verpak
Want jy’s die blou blou baskitaar
Wat ek oor my skouer haak
Want…
Refrein:
Jy is my hawe
Jy’s my preekstoel jy’s my huis
Jy is ‘n woord uit my gebed
Jy is my trane jy’s my noodkreet
Jy’s my kruis
Want die tyd saam met jou is te duur
Dis net ek en my klavier
Jy is stilte in my ore
Waar ek gedagtes hang
Jy is een woord wat ‘n heelal
in ‘n visnet kan vasvang
Jy is binne in my binneste
Geëts uit kaal ivoor
Jy’s vir my ‘n fotoboek
Waarin ek myself kan stoor
Refrein x 2:
Jy is my hawe
Jy’s my preekstoel jy’s my huis
Jy is ‘n woord uit my gebed
Jy is my trane jy’s my noodkreet
Jy’s my kruis
Maar die tyd tussen ons is te duur
Dis net ek en my klavier
Woorde en Musiek: Zander Hattingh
Uitgewer: Zander Hattingh
Ek het ‘n huisie by die see
Ek het ‘n huisie by die see, dis nag
Ek hoor aaneen, aaneen, die golwe slaan
Teenaan die rots waarop my huisie staan
Met al die oseaan se woeste krag
Ek hoor die winde huil, ‘n kreun, ‘n klag
Soos van verlore siele in hul nood
Al dwalend, klagend, wat in graf en dood
Geen rus kon vind nie maar nog soek en smag
My vuurtjie brand my kersie gee sy lig
Ek hoor dan maar die storm daarbuite
Ek hoor hoe ruk die winde aan my ruite
Hier binne is dit veilig, warm en dig.
Kom nag, kom weer en wind, kom oseaan
Dit is ‘n rots waarop my huisie staan.
Woorde en musiek: F.A. Fagan/Laurinda Hofmeyr
Uitgewer: MS/Samro
Verskyn op:
Encore! Laurika
Stuur groete aan Mannetjies Roux
19 Treffers van 21 jaar
Ek het ‘n boer sien dans
Ek het ver gery op ‘n nuwe pad vir die eerste keer
– êrens in die Groot Karoo
Dit was die langste tyd van byna niks,
Maar die kortste pad na waar ek wou wees –
Ek het verlang na die see
Dit was ‘n groot verdwaal op ‘n reguit pad
Ek het Noord en Suid in die veld verlê
Maar na ‘n prentjie op ‘n plaaspad,
Was ek seker ek ruik die reën
Refrein:
Ek het ‘n boer sien dans in die Karoo
Met sy hoed in die hand – dakloos in die water van bo
Ek het ‘n boer sien dans in die Karoo
Hy sê “ons dit noem dit hier Genadewater, meisiekind,
Hierdie reën – hierdie water bly ‘n seën”
Ek het stilgestaan op ‘n nuwe plek vir die eerste keer
-êrens in die Groot Karoo
Dit was die mooiste plek van byna niks
Op ‘n plaas – met die naam Berlin
Toe die hemel die aarde seën
Dit was soos huis toe kom op ‘n reguit pad
Ek en ‘n vreemdeling met die hoed in die hand
‘n prentjie op ‘n plaaspad
– die stof, die dans en die reën
Refrein x 2
Woorde en musiek: Lize Beekman
Uitgewer: (In Ms Samro / © L Beekman 2008)
Ek loop die pad
Ek loop die pad al lank my lam
So kaalvoet deur die kou
Van doerrie kant se Doringveld
En kyk hoe lyk ek nou
Ek loop die pad so sonder hoed
Deur son en wind en grou
So kaalvoet oor die slingerpad
En kyk hoe lyk ek nou
My lam, die gras is soms so groen
Die son is soms so lou
Maar ek loop die pad alleen my lam
En kyk hoe lyk ek nou
Onthou jy nog hoe ons kon loop
So loslyf, so verspot
So vlieg-vlieg oor die koppies heen
‘n Ragab en ‘n Lot
Maar nou loop ek die pad alleen
So kaalvoet deur die kou
En soms, net soms, dan wonder ek
My lam waar is jy nou (2)
Woorde en musiek: Amanda Strydom /Zane Cronjé
Uitgewer: Veejay
Verskyn op:
Laurika op versoek
Grootste treffers Volume 1
Ek maak net soos ek wil
As my wrak tog kan loop
En die pad is oop
En die lewe lê alkant te koop
En ek’t ‘n rand of tien
En wie weet miskien
Nog ‘n paar hier of daar
Wie weet waar
Dan vat ek die pad
Na die bose ou stad
Want hy’s grys en wys
En hy’s gou
En die naald bly dwaal
Net so regs van nul
Want ek maak net soos ek wil
Ek’t ‘n jaar lank gewerk
As ‘n derde klerk
Dis weer tyd om ‘n iets te geniet
Want ‘n week se swoeg
Maak my moedeloos moeg
En die tjek sê ook
Als is verniet
Toe breek ek maar weg
Want die wêreld is reg
En ek’s eindelik klaar met die spul
En die naald bly dwaal
Net so regs van nul
En ek maak net soos ek wil
Daar’s ‘n ietsie te sê vir
Min rykdom hê
Want ‘n rand is soms soos ‘n fortuin
As die wiele rol en die tenk is vol
Word die sorge agter jou klein
Die vryheid is soet
Die trap met jou voet
En die enjin word dromerig stil
Want die naald bly dwaal
Net so regs van nul
En jy maak net soos jy wil (x 2)
Komponis: Koos du Plessis
Uitgewer: Incline House
Verskyn op:
Vir jou
Laurika op versoek
Grootste treffers Volume 1
Tweeduisend-en-tien!
Ek roep jou naam
Deur die kortpad van my lewe
Deur die reis van my bestaan
Oor berge en deur stede
Word hierdie pad vir my gemaak
En ek roep jou naam
En jy hoor my
En jy verstaan
Ja ek roep jou naam
En jy hoor my
En jy verstaan
Ek raak soms bang as ek alleen is
As ek my hande soms laat sak
Ek raak bang as alles te veel raak
En hierdie wêreld my vasvat
Ja dan roep ek jou naam
En jy hoor my
En jy verstaan
Ja ek roep jou naam
En jy hoor my
En jy verstaan
Lewe om te vergewe
Om te aanvaar
Baklei vir my as ek weer sag raak
My bewaar…
As die son sak hier in Gauteng
En die nag weer vir my waai
Die sterre in die hemel
En ek die wêreld kan aflaai
Ja dan roep ek jou naam
En dan hoor jy
En jy verstaan
Ja ek roep jou naam
En jy hoor my
En jy verstaan
Lewe om te vergewe om te aanvaar
Baklei vir my as ek weer sag raak …
Woorde en musiek: Wouter van de Venter
Uitgewer: M/S SAMRO
Ek sê vir jou goodbye
Ek sê vir jou good bye
Ek skryf vir jou ’n lullabye
Met my mooiste woorde wil ek groet
Het iemand vir jou die pad gewys
En is jou drome opgeëis
Of dwaal hul nog steeds diep in jou gemoed
Refrein:
Ek wonder soms oor jou
En of jy sal onthou
Ek wonder soms of jy vir my onthou
Ek wonder soms oor jou
En of jy sal onthou
Album-bêre-tydjies wat ons soos ’n raam omvou
Ek wonder soms of jy vir my onthou
Dit bly ’n groot geheim
Jou vlam het net soos niks verdwyn
So baie sand bly oor in jou uurglas
’n Kraak was egter daar
Die wind het jou weggedra
Jou asem deur die branders weggewas
Refrein
Ek wonder soms oor jou
En of jy sal onthou
Album-bêre-tydjies wat ons soos ’n raam omvou
Ek wonder soms of jy vir my onthou
Musiek: Meryl van Noie /
Woorde: Meryl van Noie / M van Zyl
Uitgewers: Chris Torr Music / MS/Samro
Ek wens ek was
Ek wens ek was ‘n nagtegaal
Sou jy dit in my lied kon hoor
Die klanke van ‘n liefdeslied
Wat harte so bekoor
Ek wens ek was die oggenduur
Met die voëls wat helder fluit
En na die son se opkoms tuur
Sing my liefdeswoorde uit
Maar ek’s maar net die woorde
In my lied
Die klanke op papier
Die traan in my verdriet
Maar ek’s maar net die luide simbaal
En net die woorde
In my verhaal
Oe…
Ek wens ek was die oggendson
Jy die water in die stroom
Sou ek al jou druppels neem
En nooit van jou vervreem
Ek wens ek was die awendster
En jy die groot woestyn
Sou ek jou elke duim verlig
Met strale soos vonkelwyn
Maar ek’s maar net die woorde
In my lied
Die klanke op papier
Die traan in my verdriet
Maar ek’s maar net die luide simbaal
En net die woorde
In my verhaal
Oe…
Maar ek’s maar net die
Luide simbaal en net die woorde
In my verhaal
Oe…
Woorde en Musiek: Pieter Britz
Uitgewer: Panorama
Ek wil vir jou
y met jou drome en gedagtes in jou oë
Jy met jou vrede wat in elkeen hoop en glo
Jy met jou deernis jou geduld en jou verstaan
Jy wat jou seer alleen wil dra
Refrein:
Ek wil vir jou
Somer wees en stilte gee
Ek wil vir jou
Die son gaan haal die wind die see
Ek wil so graag
Myself vir jou gee x 2
Jy met jou woorde en gebede in jou hart
Jy met jou vreugde so in oorvloed uit jou hand
Jy met jou wysheid jou geloof in elke dag
Jy met die seer agter jou lag
Herhaal refrein
Woorde en Musiek: Christa Steyn
Uitgewer: Mac-Villa Music
Verskyn op:
Encore! Laurika
Grootste treffers Volume 2
Ek wou jou laat lag
Ek het jou opgemerk – verwoed was jou dwaal deur die paaie
En in jou stap, was daar ‘n groet – op jou wange die trane
En in jou oë was daar die hopeloosheid
Wat kom inkruip het toe jy jou hart toesluit
Ek was daar
Ek was daar
Refrein:
Ek wou jou laat lag, ek wou vir jou teruggee.
Die lig in jou oë, die hoop om te glo
Ek wou jou laat lag, ek wou jou laat sien wat jy verdien
Ja, ek wou jou laat lag, ek wou aan jou raak
Ek wou deur my note met jou praat
Ek wou jou laat lag
Ek wou jou laat sien – ek wou …
En toe die ysberg om jou smelt – was daar sagte wit strome
En dit het uitgevloei na my, soos na woude en bome
Jy’t agterna gekom, jy wou sien hoe ek lyk
Jy’t my vasgehou, (as)of jy nou eers begryp
Ek was daar
Ek was daar
Refrein
Oe… oe… oe… oe…
Refrein
Woorde en musiek: Karmi Marais
Uitgewer: Ms Samro
Ewewig en Stilte
Had ek ‘n laaste kans
om iets te sê voor ek gaan
Sit ek als in my hande neer
sodat ek joune in myne kan neem
en ek sal wag dat die wêreld wegraak,
vir aandag in jou oë
Ek sal seker maak jy glo my
en dat jy elke woord hoor
Refrein:
Ek wens vir jou dagbreek
en ewewig en stilte,
die son wat op jou stoep kom dans
as hy oorneem by die maan
Ek wens vir jou dagbreek
en ‘n Geliefde altyd naby
Ek wens vir jou geloof, hoop, liefde, rus en vrede
en ewewig en stilte
Had ek ‘n laaste kans
om iets te sê voor ek gaan,
sal ek sonder blik of bloos
myself in die oomblik verloor,
Dis onbelangrik hoe ons lyk,
wat ons het, die plek of tyd
Liewe Mens, jy moet my glo
Mag jy elke woord hoor
Refrein
Ek wens vir jou geloof, hoop, liefde, rus en vrede
en ewewig en stilte
Woorde en Musiek: Lize Beekman
Uitgewer: In MS SAMRO/ © Lize Beekman 2012
God se kunskafee
Dis 5 uur in die môre en God sit en verf
Hy koester elke druppel goudgeel kuns, wat hy aan die hemel hang
Vir ons om na te kyk
Ek hoor die klappende kraak van ‘n sifdeur agter my,
En Piet skreeu by die stal: “Ons het reën gekry!”
Refrein:
En soos ek loop deur God se kunskafee
Voel ek meer geseënd met elke tree
Want met koffie en ‘n verfkwas
Sit hy heeldag daar en dink
Hoe om sy vreugde na my te bring
Maar oom Ben se wynplaas op Worcester
Met die ou geuwelhuis
Ja, die verf hy die mooiste, na ‘n lang dag se reis
Ek loop verby ‘n prentjie van ‘n boer op sy John Deere
Wat vol hoop hierdie aarde omkeer
En ek sien stof, maar ek ruik die reën aankom
Ek hoor die fluit van die werkers wat die beeste inkeer
As die son sak oor daai tweespoorpad
Refrein:
En soos ek loop deur God se kunskafee
Voel ek meer geseënd met elke tree
Want met koffie en ‘n verfkwas
Sit hy heeldag daar en dink
Hoe om sy vreugde na my te bring
Maar Pa se plaas duskant Leslie
Waar die kleiosse in die son bak
Ja, die verf hy die mooiste, na ‘n lang dag se stap
Die skildery van hierdie volmaan, was lank vooruit geverf
Vanaand het hy hom kom ophang, agter die donker grys berg
Ek hoor die kraak van die krieke, by die rooi dam hier langs my
En warm teen my vel, gly die bosveld verby
Refrein:
En soos ek loop deur God se kunskafee
Voel ek meer geseënd met elke tree
Want met koffie en ‘n verfkwas
Sit hy heeldag daar en dink
Hoe om sy vreugde na my te bring
Maar die Meyers se wildsplaas, by Vaalwater
Met die kampvuur en die samesyn
Ja, die verf hy die mooiste, na ‘n lang dag se ry
Woorde en musiek: PROP
Uitgewer: Ms/Samro
Grootstad
Grootstad met jou mensgemaakte ritme
Jy spog met maanlig neonligte ‘n Spuitfontein langs krom verdorde bome ‘n Toringhuis vol vergruisde
drome
Grootstad met jou rookverwaaide uitsig
Jy’t my menswees ontwrig
En om net by jou te kan bybly
Versnel my hartklop net soos jy soos jy
Refrein:
Ek wil wegglip uit jou greep uit
En ver van jou lawaai af
Maar jou ruimte-eeu-ekstase
Keer my aan om elke draai
Grootstad met jou aangeplakte aansig
Gaan jy ooit die sluier weer laat oplig
Ons vertel hoe jy die pas kan volhou
Terwyl jy steeds jou rykdom aanhou uitbou
Grootstad ek word al meer nes jy
Te maklik om die bos gelei
Ongemerk word ek jou besit
Strompel ek ook maar in gelid
Refrein
Woorde en musiek: Awie de Swardt/Anton Goosen
Uitgewer: Gallo Music Publishers
Halfpad om die son
Sing vir my ’n liedjie van die lente
Sing vir my ’n liedjie van die herfs
Jy’t vir my gesê jy wil my liefde hê
Tot nou toe het ek nie so ver gedroom nie
Tot nou toe het ek nie so ver gedroom nie
Ek bring vir jou ’n liedjie van die lente
Ek bring vir jou die liedjie van die herfs
Die skrif daar teen die muur is al lankal hier
Tot nou toe het ons nie so ver gelees nie
Tot nou toe het ons nie so ver gelees nie
Refrein:
Want die liefde is nie altyd baie haastig nie
En die aarde draai so stadig om die son
Maar as die lente kom, kan dit jou verstom
Met die aarde alweer halfpad om die son
Ek sing vir jou die liedjie van my drome
Ek sing vir jou die liedjie van my hart
Die woorde wat ons hoor
Klink anders in ’n koor
Tot nou toe het ek nie so ver gesing nie
Tot nou toe het ek nie so ver gesing nie
Refrein
So sing vir my ’n liedjie van die lente
Sing vir my ‘n liedjie van die herfs
Jy’t vir my gesê jy wil my liefde hê
Tot nou toe het ek nie so ver gedroom nie
Tot nou toe het ek nie so ver gedroom nie
Woorde en Musiek: Christopher Torr
Uitgewer: Chris Torr Music
Hei, mevrou Brown (dit gaan goed)
Ek vat dalk die pad Kaap toe,
Miskien Suid-Wes, my mense bly
Op Outjo, maar op Mars is waar
Ek woon, kies koers ‘n rigting in
Met die laaste bus, die doodlooppad
Is wat ek vat my gewete moet
Ek sus, so ek skryf
Refrein:
Want ek’t maar net gewonder
Of ek dalk weer die kans sal hê
Om net te sê: Hei, Mevrou Brown,
Dit gaan goed…
Hei hei la- da- da… x 2
My hart is Stellenbosch toe, my geheue
Loop steeds op Potch, en soos ek moeg
Geloop is lê my lyf in Knysnabos
Jeffreysbaai se surfers stel ‘n nuwe
Mode op, Joeys is die stad van lewe
Hier sal ek nog dood so ek skryf
Refrein
Pretoria, oos of wes – ons bly maar
Waar ons bly, Riemvasmaak maak nou
Klaar môre moet jy ry, Distrik Ses
Doen jou bes as jy dink jy gaan
Hier bly, Swakopmund lighthouse
Coffee tomorrow I might stay
Refrein:
Hei, Mevrou Brown,
Dit gaan goed…
Hei la- da- da… herhaal enkele male
Woorde en musiek: Marlise Scheepers
Uitgewer: MS/ Samro
Hier tussen ons
Die liefde is ’n rooi gedig in versreël en kwatryn
Wat jou met gawe oë sien in woorde sag en fyn
Die liefde is ’n spierwit duif met bloeisel in die mond
Wat met sy koms die boodskap bring:
Die liefde maak gesond
Refrein:
Die liefde lê in sagte woorde
Wat oor my gees kom streel
En in die droë maande my hart tot hoop beveel
Die liefde lê in sagte soene, wat met die jare groei
En soos die Kaapse lelieblom
Jaar in en jaar uit bloei
Die liefde is ’n môrester, blink op die horison
Wat sê met ryke majesteit: Ek het vir jou gekom
Die liefde is ’n leë graf, ’n brokkie brood en wyn
Die liefde is ’n wegkruipplek
Teen hartseer en teen pyn
Refrein
Tussenspel
Die liefde lê, die liefde lê, die liefde lê
Hier tussen ons
Refrein
Woorde en Musiek: Louis Brittz
Uitgewer: © Mar Gospel Music Publishers
Hierdie keer
Kyk waar’s ons –
Hier’s jy weer
Na al die lange
Jare voor my deur
Kyk die aarde
Val alweer
Tuimelend
Uit die hemel neer
Refrein:
Hierdie keer gaan dit anders wees
Dis wat ek hoop – dis wat ek vrees
Hierdie keer gaan ek wyser wees
Want ek het ‘n boek of twee gelees
Het gedink
Jy’s moeg vir my
Het gedink,
Gedink
Ons is verby
Maar ek kan nou
Die ding verstaan
Dis hier met die son –
Dis weg met die maan
Refrein:
Hierdie keer gaan dit anders wees
Dis wat ek hoop – dis wat ek vrees
Hierdie keer gaan ek wyser wees
Want ek het ‘n boek of twee gelees
Het gedink
Jy’s moeg vir my
…
…
Maar ek kan nou
Die ding verstaan –
(dis) hier met die son –
(dis) weg met die maan
Refrein:
Hierdie keer gaan dit anders wees
Dis wat ek hoop – dis wat ek vrees
Hierdie keer gaan ek wyser wees
Want ek het ‘n boek of twee gelees x 2
Hierdie keer gaan dit anders wees
Woorde: Christopher Torr; L Rauch; Machiel Roets
Musiek: Machiel Roets
Uitgewers (Woorde): Chris Torr Music; Chris Torr Music; Ms Samro
Uitgewer (Musiek): Ms Samro
Hoe draai die wind dan nou
Iewers op ’n stofpad
Het ons verdwaal
Êrens by ’n kruising
Deurmekaar geraak
Iewers in die skemer
Het ons mekaar verloor
Êrens in die landskap lê daar dalk
Nog ’n spoor
Refrein:
Kan jy – kan jy onthou
Hoe ek en jy sou
Berge versit en aanhou
Kan jy – kan jy onthou
Maar hoe draai die wind dan nou
Hoe draai die wind dan nou
Hoe draai hy nou
Die sterre lyk vreemd
Die maan is half en skeef
Geen teken van reën
Die dors my ewige vrees
Sien ons iewers hoop
Voor ons lê
Of is als reeds dood
Nog voor een iets kon sê
Refrein x 2:
Kan jy – kan jy onthou
Hoe ek en jy sou
Liefde kon deel en uitdeel
Kan jy – kan jy onthou
Maar hoe draai die wind dan nou
Hoe draai die wind dan nou
Hoe draai hy nou
Iewers op ’n stofpad
Het ons verdwaal
Iewers in die skemer
Het ons mekaar verloor
Woorde en musiek: André Swiegers
Uitgewer: SJeamile Music
Hoeveel ek van jou hou
Ek het gedink, maar sukkel met gedagtes
Ek het gepraat, maar selde iets gesê
Ek het gestry, maar struikel oor my woorde
Ek ken my grense, kon hul net nooit verlê
My vriende dink ek is ’n gladde prater
Maar woorde klink soms nutteloos en flou
Maar hierdie oë kan nie vir jou lieg nie
Ek wil net noem hoeveel ek van jou hou
Ek hoop jy dink ek hou die res vir later –
Tot daar waar ek so vreeslik van jou hou
Ons gooi dalk eendag klippies oor die water
Dalk sê ek dan hoe mal ek is oor jou
Kyk in my oë as jy my dan nie glo nie
Ek wil ook sien hoeveel jy van my hou
En ondanks al my stamelende woorde
Moet jy tog weet hoe veel ek van jou hou
Ek dink jy weet, moet net tog nooit, ja nooit vergeet nie
Hoeveel ek van jou hou
Verwerking van: Hoeveel ik van je hou
Oorspronklike komposisie: John de Mol Sr., Gordon Groothedde, John Ewbank
Afrikaanse verwerker: Christopher Torr
Uitgewer: ©(BMG Talpa Music/GHG Music Publishing-BMG Talpa Music/Chandler’s Ford Music-Universal Music Publishing BV)
Hoor hoe val die reën
Jy sê jy moet nou loop
En so los jy my alleen
Jou jas hang teen die kamerdeur
Buite val die reën
Refrein:
Hoor hoe val
Hoor hoe val
Hoor hoe val die reën
Hoor hoe val
Hoor hoe val
Hoor hoe val die reën
Ek hoor hoe jy die trap afstap
Ek hoop jy weet waarheen
‘n Hond krap-krap teen die agterdeur
Buite val die reën
Refrein
En nou is daar net vier mure
Die lig het gou in grys versteen
Die damp vlek teen die binnemuur
Buite val die reën
Refrein
Ek sit hier voor die venster
Die boom se takke roer en kreun
Die mis hang digte wolke
En buite val die reën
Refrein x 3
Woorde en musiek: Richard van der Westhuizen / André Swiegers
Uitgewers: Woorde: M/S (Samro) / Musiek: Jeamile Music
Hulle sê
Dinge het weer skeef geloop
Maar nou
Nou is dit tyd om te koop
Dit is dalk waar
Het die mense om my verklaar
Die mense op die bus dra kennis
Van die liefde, die rentkoers en tennis
Hulle sê
Vir iemand hier agter my
Jy’t ’n jaar
’n jaar laas saam gery
Ja, sê hy kwaad
Ons het mense , mense gehad
Die busbestuurder verwys ook later
Na bloed wat dikker is as water
Hulle sê
Die son, ja die son sal weer skyn
En die hart
Nee, die hart vergeet al die pyn
Dit is dalk waar
Het die meisie langs my verklaar
Sy sê dat alles beter sou smaak
As haar man net weer op haar verlief sou raak
Hulle sê
Soms kom die einde te gou
Dis net, net soos die oggenddou
Dit is dalk waar
Het die mense om my verklaaar
Maar nou is dit tyd
Om aan te hou
Al is die liefde net soos die oggendou
Woorde en Musiek: Christopher Torr/Charles Tanton
Uitgewer: Chris Torr Music
Jakarandas bloei
Jakarandas bloei die lug is pers
Skryf vir my ‘n skemervers
Vertel vir my die wêreld is grou
Dan wys ek jou op die môredou
Refrein:
Want elke dag het ‘n skatkis vol
As doukristalle op ‘n kelkblaar stol
Gaan kyk na die wêreld van naderby
Gaan kyk vir ‘n slag wat jy daaruit kry
Ja kyk ‘n slag weer mooi na die
Wonderpers oor die aarde rondgestrooi
Dis lentetyd die lug word blou
Laat die aandlug jou help
Om die mooi te onthou
Vergeet nou eers van werk wat wag
Maak jou oë oop en sien hoe ek lag
Refrein
Dink aan die voëltjies wat nessies bou
Die vrolike roep van ‘n Piet-my-vrou
Sien ook die mense vir wat hulle is
Sien dat hul mooi is sien in hul die lig
Dink aan die strate wat blink in die reën
Bome en gras alles groen om jou heen
Sien dan die son wat op ‘n doudruppel rus
Erken dis Genade
Erken dat dit wonders is
Jakarandas bloei die lug is pers
Skryf vir my ‘n skemervers
Vertel vir my die wêreld is grou
Dan wys ek jou op die môredou
Refrein
Woorde en musiek: Laurinda Hofmeyr
Uitgewer: MS/Samro
Verskyn op:
Encore! Laurika
Grootste treffers Volume 2
Jakarandastrate
Refrein:
Jakarandastrate
Roep my vanaand
Ek luister na die liedjie op die wind
En ek volg my hart waar hy gaan
Ek volg my hart waar hy gaan
Jare gelede vaar ek na die vreemde
Met drome wat sweef op die wind
My hart se begeerte om lewensgeheime
In onbekende stede te vind
My voetspore kruis kontinente en eilande
Nêrens kon grense my bind
Deur kronkelende strate, oor silwer promenades
Soek ek na die reënboog se punt
Refrein
Te lank het ek gewandel langs wildvreemde paaie
Te ver het ek gesoek na die kruis
Die spore na geluk loop in sirkels en draaie
En lei my weer terug na die huis
Refrein
Jakarandastrate x 4
Woorde en Musiek: Valiant Swart
Uitgewer: Valiant Swart (Rodeo Songs)
Jasper onthou jy
Jasper onthou jy ons belofte gemaak
Dat ons mekaar sou liefhê – ons was agt
Ek in my groen skooljurk
En jy smart in krieketgoed
Met die duiwe as ons dom’nee
Ons getuie was ‘n hoed
Jasper onthou jy ek het eenkeer verdwaal
In daai bangmaak populierbos – ons was tien
Ek het stil gaan sit en sag gebid
Geweet jy sou my kry
Jy sou soek en soek want niemand
Was al ooit so lief vir my gewees nie
Refrein:
Maar ons stofpad saam het teer geword
Jou spoor kon ek nie sny nie
Ek het weer verdwaal en verdwaal gebly
En gehoop jy sou kom soek na my
Maar jou seunskind hart het aanbeweeg
Jy’t nou die oë van ‘n man
Jasper onthou ons kleintyd saam
Onthou my gou weer – as jy kan
Jasper onthou jy ek was nerf-af geval
Toe daai lang ou my gestamp het –
Ons was twaalf
Jy’t my opgetel en weggedra
Die pleister self geplak
En daai boelie sommer vreesloos
In die fietsloods kaalvuis aan gaan vat
Jasper onthou jy toe jy weg moes gaan
Na daai ver dorp innie vreemde
Ons was groot –
Groot genoeg om seer te kry
Te jonk om te kan keer
Better loved and lost than never loved
Dit sou die tyd ons hard-hard leer
Refrein
Brug:
Ek bly nou op ‘n anner plek
Het nie lank na jou daar weggetrek
Het jou nommer nou die dag by navrae opgesproor
As ek jou sou bel en sou vertel
Dat ek steeds van ons twee droom
Sou jy sê jy droom ook steeds van my
Of is ek lankal reeds verloë n
Refrein
Woorde en musiek: Mariki de Villiers-Knop
Uitgewer: Ms Samro
Jy is hier Geliefde my
Dis onwaarskynlik dat ek eendag
Hierdie oomblik sal vergeet
Tussen al die ander wat ‘n leeftyd genereer
Hierdie een op ‘n Vrydag – kwart oor twee
Hierdie een skryf ek neer
Refrein:
Want jy staan voor my deur
Met ‘n hoed en ‘n jas
En jy sê deur wind en weer tot hier
was dit ‘n baie lang pad
En agter jou lê ‘n moeë fiets
En langs jou staan ‘n tas
En die res het ek in jou oë gekry:
Jy is hier, Geliefde my, jy is hier om te bly
Dis onwaarskynlik dat ek ooit sou raai
Dat jy hier gaan kom draai
Wat nog te sê van stil kom staan
Sonder om weer te gaan
Ek het gewonder, maar kon nie weet nie
Ek moes dit los, maar kon nie vergeet nie
So, hierdie dag skryf ek neer
Refrein
Jy is hier, Geliefde my, jy is hier om te bly
Jy is hier, Geliefde my, jy is hier om te bly
Woorde en Musiek: Lize Beekman
Uitgewer: In MS SAMRO/ © Lize Beekman 2012
Jy is te dierbaar
Dit sou niks goed beteken
As ek hier sou bly
Ons albei sou net daaronder ly
Dus wens my vaarwel
Voor ek nogeens wil bly
Want jy is te dierbaar om seer te kry
Jy stort nou ‘n traan
Jy lyk so alleen
Jy vra my so mooi “wat nou?” en “waarheen?”
Maar tyd sal genees
En die seer gaan verby
Want jy is te dierbaar om seer te kry
Ek is bang vir die spoke
Van dae lank gelee
Wat my nie wil toelaat om liefde te gee
Daarom moet ek gaan
Al vra jy ek moet bly
Want jy is te dierbaar om seer te kry
Ek mis jou alreeds en tog moet jy gaan
Hier heel alleen
Moet ek bly staan besef jy dan nie
Net jy baat daarby
Want jy is te dierbaar om seer te kry
Komponis: Johan Wessels (Kupido)
Uitgewer: April/Panorama
Verskyn op:
Jy is te dierbaar
Laurika op versoek
Grootste treffers Volume 1
19 Treffers van 21 jaar
Jy is ver
Jy is ver van hierdie land van son en see en dorre aarde
Met die reënboog in haar bloed
Sou jy voel jy vergeet
Sou jy voel jy verdwaal
En jy vervreem van ons,
Dan hoor my, hoor my stem in die wind
Izwa izwe lami emoyeni (hoor my praatstem in die wind) x 4
Naby die suidste punt, op die verste rots
Gesels ek nou en dan as die son sak
Oor ons hart se land
Ek gesels met tyd – soos ek maar altyd kon
Onder die miskombers wat laag hang
Oor die tafelrand
(izwa izwe lami emoyeni) x 4
En sou jy voel jy vergeet
Sou jy voel jy verdwaal
Jy vervreem van ons
Dan hoor my, hoor my, hoor my stem in die wind
Ngizwe emoyeni (hoor my sangstem in die wind) x 4
Daar’s ’n stukkie gesels oor gister se seer
Wat tydsaam heel en sterk maak in murg en been
Ek sal gesels in hierdie taal – jou uit die vreemde haal
Ek belowe, hoor my, hoor my stem in die wind
(izwa izwe lami emoyeni) x 4
En sou jy voel jy vergeet
Sou jy voel jy verdwaal
Jy vervreem van ons
Dan hoor my, hoor my, hoor my stem in die wind
(ngizwe emoyeni) …
x8
Woorde en musiek: Lize Beekman
Uitgewer: MS/Samro
Jy kan my kom haal
Wat kan ek sê, daar’s ‘n knop in my keel
Wat kan ek skryf in die volgende reël?
Wat kan ek sê, ek is klaar gepraat
Waar gaan ek heen, dis ‘n doodloopstraat
Waar is die vlam, dis ‘n pikswart pad
Waar is die lig, dis ‘n duistere gat
Wie kan my red as die donker daal?
Wie is die een wat vir my kom haal?
Ek lees die koerant, dis net moord en roof
Ek luister die nuus, maar ek hou my doof
Ek sit voor die kassie dis ‘n groot lawaai
Vat my liewer op ‘n Kaapse draai
Gee my die wind, gee my die son
Gee my die reën as die winter kom
Gee my die vlaktes in die ou Transvaal
Gee my jou liefde as die donker daal
Ek mis jou lag as ek grappies maak
Ek mis jou oë wat aan die hemel raak
Ek mis die lig in jou donker stem
Dit voel of ek jou al ‘n leeftyd ken
Want jy is die vlam op ‘n pikswart pad
Jy is die lig in’n duistere gat
Jy kan my red as die donker daal
Jy is die een wat vir my kom haal
Jy kan my kom haal x 16
Woorde en musiek: Emile Minnie
Uitgewer: Emile Minnie T/A French Music
Kaalvoet begin dans
Sing saggies vanaand, sing saggies vir my
Sewe dae maak ‘n volle week en vier daarvan ‘n maand
ek klou nog so styf vas aan jou woorde van gist’raand
jou voete op ‘n soektog vir jou siel om rus te vind
jy’t die lyf van ‘n groot man, maar in jou hart is jy ‘n kind
Refrein:
En ek wil kaalvoet begin dans
in die reën van ‘n someraand
terwyl jy saggies vir my sing, saggies vir my sing
tot ‘n nuwe dag begin
maar ek weet – jou voete sal nooit rus
Sing saggies vanaand, sing saggies vir my
Jy los my met beloftes, in my Novilon-kombuis
met foto’s en gedagtes in my hart se liefdeskluis
en briewe in die posbus wat dae lank vir my wag
en Sondae sal ek hul gaan haal en opbly deur die nag
Refrein:
Om tot siens te sê is moeilik maar soms maak dit jou vry
en dis nie altyd maklik nie – om met jou hart se weet te bly
ek hoor nog jou kitaar in die hoek van die Penny Bar
en die cover van ‘n Tom Waits tune – One from the heart
… terwyl jy saggies vir my sing, saggies vir my sing
tot ‘n nuwe dag begin
maar ek weet – jou voete sal nooit rus
Woorde: Christoph Kotze
Musiek: Christoph Kotze & Jaconell Mouton
Uitgewers: Christoph Kotze, © Coleske Artists (Pty) Ltd/In MS Samro © Jaconell Mouton
Kaalvoetklonkie
Kaalvoetklonkie
Sit langs ‘n waterstroom en drome droom
Hy is anders
En hy droom van stadswoel en groot roem
Kaalvoetklonkie
Droom maar voort
Geniet jou drome
Want dit is somtyds wreed
Wat die grootmenslewe kan doen
Aan die drome van ‘n kaalvoetklonkie
Wanneer die ander met die kleilat speel
Sit hy in die sand en skryf
En hy kan hom net verbeel hoe dit voel
Met duur klere aan sy lyf
Maar bly tog maar ‘n kind
So lank as wat jy kan
Want soms is dit die lekkerste deel van die lewe
Kaalvoetklonkie
Sit langs ‘n waterstroom en drome droom
Hy is anders
En hy droom van stadswoel en groot roem
Kaalvoetklonkie
Droom maar voort
Geniet jou drome
Want dit is somtyds wreed
Wat die grootmenslewe kan doen
Aan die drome van ‘n kaalvoetklonkie
Want dit is somtyds wreed
Wat die grootmenslewe kan doen
Aan die drome van ‘n kaalvoetklonkie
Kaalvoetklonkie
Sit langs ‘n waterstroom en drome droom
Kaalvoetklonkie (x4)
Woorde en Musiek: Johan Wessels (Kupido)
Uitgewer: April/ Panorama
Verskyn op:
Jy is te dierbaar
Laurika op versoek
Grootste treffers Volume 2
Kaalvoetsong
Jy vra vir my om vir jou te sing
Van Lisa se klavier
Jy se jy wil hoor van Bloubergstrand
En hoe almal by die see wil bly
En jy praat in hoë frases
Van hoe die taal jou inspireer
Maar in die eenvoud van my woorde
Wil ek sê hoe ek voel
Refrein:
En ek sing vir jou n Kaalvoetsong
Met woorde soos die sand
En kommas soos die klippies
Wat my kaalvoetsole brand
En ek sing vir jou ‘n klein refrein
Nie ‘n simfonie van klank nie
Net ‘n enkel tokkelsnaar van my kitaar
Onthou jy toe ons kinders was
En gesing het van die wind
Van die stad van blou saffiere
Waar jy dalk jou droom sal vind
Maar jou hart gaan maak ‘n Kaapse draai
Want jy sê jy voel daar tuis
En ek ontmoet jou net hier duskant Nooitgedacht
Refrein
Brug:
Ek bring vir jou ‘n sonneblom en ‘n foto van die see
In jou fluisterwens droom jy
Jy was nou daar
En die pad voel lank na Victoriabaai
Maar die roete wil ons vat
Want in die stilte hoor ons die reën in die Karoo
Refrein
En ek sing vir jou ‘n Kaalvoetsong
Met woorde soos die sand
En kommas soos die klippies
Wat my kaalvoetsole brand
En ek sing vir jou ‘n klein refrein
Nie n simfonie van klank nie
Net ‘n enkel tokkelsnaar van my kitaar
Woorde en musiek: Carina de Villiers
Uitgewer: M/S Samro
Kabouterliefde
(vir Simone)
Die kabouter met die rooi-rooi pet
Die kabouter met die geel hemp aan
Het sy hart gistraand vir my gegee
En sy hemp is vir die maan
Die hoepelronde blou-blou lug
Het kadoemps op die grond geval
Hy’t dit blink-blou in sy hand gerol
Toe speel ons daarmee bal
Die sterre met hul wit ligte
Het geknipoog toe ons lag
Hul’t rondom ons in ‘n kring getrek
Soos ‘n laer in die nag
Die aandblom het sy trom-trompet
Geblaas in die warrelwindkring
Die kalkoentjies met hul rooi mondjies
Het die sprinkaan-wals gesing
Die maan met sy geel lyfie
Het gaan plat lê op sy rug
Hy’t gaan slaap by die gousblomme
Met sy boepens in die lug
Die kabouter met die rooi-rooi hart
Het dit self vir my gesê
Hy’t die aardbol oor sy kop gegooi
O dis hier waar die liefde lê
Woorde en Musiek: Ingrid Jonker / Laurinda Hofmeyr
Uitgewer: Ingrid Jonker Trust / Samro
Verskyn op:
Hot gates
Die nuwe trefferalbum
Karoonag
As die nag sy baadjie toeknoop oor die veld
En die diereriem sy blink tot teen die Skerpioen laat lê
As die Tweeling en die Kreef
Kotteljons oor Beaufort-Wes
En die maan sy beker skink oor Graaff-Reinet
Refrein:
Ruik jy katbos en kambro
As dit reën in die Kleinkaroo
My hantamwind
My optelkind
Vanaand (x2)
In die môre as dit blou word
En die amber wolke roer
As die son sy eerste lig
Oor die bitterboela stoot
As die trein by Noupoort fluit
En dit wegraak in die wind
En ‘n tolbos iewers vaswaai teen die rant
Refrein (x2)
Woorde en musiek: Coenie De Villiers
Uitgewer: Song Wrights Publishers
Verskyn op:
Laurika op versoek
Grootste treffers Volume 1
Katrina
Katrina van die Bo-kaap
Het voor haar deur gestaan
‘n Boot lê in die hawe
Matrose kom al aan
Oor Strandstraat na die Boereplein
Die donker strate in;
En netnou sal Katrina
Se nagtaak weer begin
‘n Halfverlepte hoedjie
Hang parmantig oor een oog
Die rooi veer is verinneweer
Maar staan nog met ‘n boog
Katrina dra haar beste rok
Sy stryk die kreukels plat
So fyn asof ‘n vryer wag
Het sy haar uitgevat
Maar eer sy van haar huis gaan
Kyk sy ‘n keer weer om;
Lank sal die leë ure wees
Voordat sy daar kan kom
Katrina stap deur Roosstraat:
Astrant met slentergang
Wie raai nou aan haar houding
Dat sy na huis verlang?
Nou kom sy by haar susters
Die rawe van die nag
Wat by die hoeke uitskel
Of somber staan en wag
Katrina ken haar roeping:
‘n Harpy van die eer;
‘n Noodgedwonge rower
Wat alles tog ontbeer
Katrina haat die lewe
Katrina vrees die dood
Katrina gaan haar slentergang
Verdien haar bitter brood
Woorde en Musiek: I.D.du Plessis/ Laurika Rauch
Uitgewer: Chris Torr Music / DALRO
Verskyn op:
‘n Jaar in my lewe
Grootste treffers Volume 2
Kelkiewyn
As ek van heel vooraf aan weer
Jou lief kon leer hê
Dan sou ek weer alles net so
Van vooraf wou hê
Maar noudat die seer in my oë
Tot heimwee vervaag het
Noudat die hartseer verdwyn het
Verlang ek na jou
Refrein:
Kelkiewyn, kelkie Kelkiewyn
Vlieg saam met die wind
Na waar die son verdwyn
Dan nog een keer
Kelkie Kelkiewyn
Van die verlange in my hart
Die hartseer en die pyn
Maar nou sit ek onder die maan
Gesels ek met jou
Laat my toe om my hart uit te praat
Mooiste Kelkiewyn
As ek van heel voor af aan weer
Hom lief kon hê
Dan sou ek weer alles net so
Van vooraf wou hê
Refrein
Komponis: Anton Goosen
Uitgewer: Gallo Music Publishers
Verskyn op:
‘n Jaar in my lewe
Kinders van die wind (circa 1979)
Ek ken ‘n ou, ou liedjie
Van lewenswel en wee
Van lank-vergane skepe in
Die kelders van die see
Die woorde is vergete
En tog, die deuntjie draal
Soos vaag-bekende grepies in
‘n Baie ou verhaal
Refrein:
Van swerwers sonder rigting
Van soekers wat nooit vind
En eindelik was almal maar
Net kinders van die wind
Gesigte, drome, name
Is deur die wind verwaai
En waarheen daardie woorde is
Sou net ‘n kind kon raai
Refrein:
Swerwers sonder rigting
Soekers wat nooit vind
En eindelik was almal maar
Net kinders van die wind
Komponis: Koos du Plessis
Uitgewer: Incline House
Verskyn op:
Debuut (oorspronklik)
Laurika op versoek
Grootste treffers Vol 1
19 Treffers van 21 jaar
Ander interpretasies: Circa 1995 & circa 2004
Klein Tambotieboom (met die Heuwels Fantasties)
As die donker my kom haal
En die Here my nie soek nie
As die osoonlaag vergaan
En in ‘n kandelaar van sterre val
Begrawe my hart op Klein Tambotieboom
En strooi my as oor die bosveldhorison
Jy het nie ‘n graad nie
En jy het nie ‘n kredietkaart nodig nie
Om in die agterplaas soos ‘n kind te baljaar
En die verte in van ‘n krans af te staar
Die gelukkigste wat ek ooit was
Op die naat van my rug in die natuurreservaat
Die wind sing my naam
En deur die bottels wat knak hoor ek ‘n skaterlag
As die donker my kom haal
En die Here my nie soek nie
As die osoonlaag vergaan
En in ‘n kandelaar van sterre val
Begrawe my hart op Klein Tambotieboom
En strooi my as oor die bosveldhorison
Geïsoleer in donderweer
Ver van die wolkekrabbers
Net die atmosfeer wat aan ons kleef
En ‘n wolkbreuk wat my boekdeel spreek
Jy weet ek het nie
Jy weet ek het nie
Ek het nie ‘n agenda nie
Die gelukkigste wat ek ooit was
Op die naat van my rug in die natuurreservaat
Die wind sing my naam
En deur die bottels wat knak hoor ek ‘n skaterlag
As die donker my kom haal
En die Here my nie soek nie
As die osoonlaag vergaan
En in ‘n kandelaar van sterre val
Begrawe my hart op Klein Tambotieboom
En strooi my as oor die bosveldhorison
En strooi my as oor die bosveldhorison
Musiek & liriek: Pierre Greeff, Hunter Kennedy, Johann de Ridder
Uitgewer: Supra Familias
Kom laat ons sing 1
Net soos ‘n ongenooide gas
So sal die liefde jou verras
En julle sal ook later sing
Dis ‘n tydelike ding
Want dit wat kom sal later gaan
Eendag sal ons dit wel verstaan
Die liefde sal vir jou verras
Stof tot stof, as tot as
Refrein:
Kom laat ons sing kom laat ons sing
Dis ‘n tydelike ding
Later sal ek tog onthou
Ek was baie lief vir jou
Waar is die vonk, waar is die vuur?
Waar is die skrif? Waar die muur?
Die vuur is koud, jou stem is dof
As tot as, stof tot stof
Maar ek sal sing, ja ek sal sing
Van hierdie tydelike ding
Die liefde bring vir jou plesier
Dit is net van korte duur
Refrein x 2
Woorde en musiek: Christopher Torr
Uitgewer: Chris Torr Music
Verskyn op:
Hei, mevrou Brown (dit gaan goed)
Die nuwe trefferalbum
Chris se trefferliedjies
Laurika Rauch sing die liedjies uit Stuur groete aan Mannetjies Roux
Kom sny die papaja (circa 1988)
Refrein:
Kom sny die papaja
Breek stukkend die son
Om die goudgeel vreugde te ruik
Gryp bondels swart pêrels
Uit die suikersoet skatkis
Vir die nuwe son se gebruik
Vir my is die somer soos ’n groot papaja
Vol kleure en geure so soet
Vol warmte en geelheid en blinkpit beloftes
In elke persoon wat jou groet
Refrein
Vir my is die somer soos ’n groot papaja
Wat sy reuk deur die kamer versprei
Niks anders op aarde se geur kan juis dit sê
Ek’s sonsoet en jy kan my kry!
Refrein
Vir my is die somer soos ’n groot papaja
Vol kleure en geure so soet
Vol warmte en geelheid en blinkpit beloftes
In elke persoon wat jou groet
Refrein
Woorde en Musiek: Alet Engelbrecht / Laurika Rauch
Uitgewer: Select Musiek
Verskyn op:
Encore! Laurika
Grootste treffers volume 2
Die nuwe trefferalbum
Ander interpretasies: Circa 2002
Kon jy raai
Kon jy raai toe ons kinders was
Dat dit alles tog nog eendag sou verdwyn
Kon jy weet in jou klein gemoed
Dat die onskuld en die eenvoud ook sou kwyn
O die dae van my jeug
Is net waaigras in die wind
Verstrooi oor die vlaktes van die tyd
Van al die pret en die plesier
Bly net afdrukke teen die muur
En die herinnerings
Dowwe paadjies in die vergetelheid
Kon jy weet toe dit lente was
Dat die somer ook ’n droë wind sou bring
Kon jy raai in die herfs se val
Dat die winter na jou binneste sou kring
O die dae sonder jou
Is net haltes van onthou
Versprei oor die roete van die tyd
Want al die saamwees en verduur
Het al verskilfer teen die muur
En die herinnerings
Doodlooppaadjies in die vergetelheid
Woorde en Musiek: Freek Robinson
Uitgewer: Select Musiek Uitgewers
Krisjan Swart
Bokant die stasie
Daar woon Krisjan Swart
Tussen die spoorweg
Ennie nasionale pad
Op die muur van sy stoep
Hang die horings van ’n bok
In sy agterplaas groei ’n perskeboom
Langs ’n groot ou duiwehok
Op daai duiwe is hy trots
Hulle maak sy hart so bly
Die silwer bekers op sy pelmet
Staan so in ’n ry
Ja hy is Krisjan Swart
Hy’s wyd en syd geken
Vir sy duiwe wat so vinnig vlieg
En pryse vir hom wen
Krisjan se vrou
Is lekker rond en vet
In haar hare dra sy curlers
In haar mond ’n sigaret
Pantoffels aan haar voete
Kook sy moskonfyt
Met haar een oog op die tuinjong
Wat die agterplaas natspuit
Op daai vrou is hy so trots
Sy maak sy hart so bly
Al is sy nie jonk nie
Kan sy nog lekker vry
Ja sy is Wilmina Swart
Hulle ken haar wyd en syd
Vir haar melktert en mosbolletjies
Haar beroemde boerbeskuit
Krisjan se dogter
Is met ’n prokureur getrou
Hy’t vir haar ’n groot wit huis
In Riebeeckpark gebou
Die kaggel in die sitkamer
Is mooi met klip versier
’n Skildery van Tafelberg
Hang ook daar teen die muur
Op daai dogter is hy trots
Sy maak sy hart so bly
Al is sy nie mooi nie
Het sy haar man gekry
Sy is Johanna Swart
Vrou van die prokureur
Haar lippies en haar vingernaels
Is dieselfde bloedrooi kleur
Krisjan se seun
Is lekker fris gebou
Maar sy stem is ’n bietjie hoog
En sy broek is ’n bietjie nou
Sy hare dra hy lank
En hy speel ook die kitaar
Krisjan vra sy vrou:
Waar kom die seun vandaan?
Op daai seun is hy nie trots nie
Hy maak sy hart so seer
Kan ek tog sy pa wees
Wil Krisjan redeneer
Ja hy is Krisjan Swart
Hy’t ook sy pa se naam
Maar sy hare en sy kitaar speel
Maak sy pa so skaam
Bokant die stasie
Daar woon die Swart gesin
Krisjan drink net brannewyn
Wilmina drink net gin
En hulle sit daar op die stoep
In die skemerlig so flou
Hulle kyk hoe vlieg die duiwe
Sirkels teen die blou
Woorde en Musiek: David Kramer
Uitgewer: Blik Music
Kuier in gedagtes
Baie myle hiervandaan
Waar die koring geel in die are staan
Kuier ek in gedagtes by jou
Op die groot stoep van die plaashuis
Waar ons dagbreek saam aanskou het
Kuier ek in gedagtes by jou
Ek doen my werk in hier tuis
En ek slaap saans alleen in my huis
Maar ek kuier in gedagtes by jou
Dit geen genot om dagbreek
Sonder jou te moet aanskou
Ek kuier hier in gedagtes by jou
Refrein:
Dit het vinnig tyd geword
Dat ons uitkom bymekaar
Want die eensaamheid word een te veel vir my
Die huidige situasie kan enige een verwar
Want ons kuier in gedagtes bymekaar
Want ons kuier in gedagtes bymekaar
As die toekoms dit bepaal
Is hierdie die heel laaste maal
Dat ek kuier in gedagtes by jou
Jy het die groot vraag gevra
En toe sê ek sommer “ja”!
Binne enk’le dae word ek dan jou vrou
Refrein
Woorde en Musiek: Kupido
Uitgewer: Panorama
Kyk hoe glinster die maan
Ek het in my kinderjare vas geglo in Kersfeesvader
In werklikheid ry hy mos met ‘n slee
Maar hier stap hy deur die mielies, met ‘n streepsak
En ‘n kierie
En my boetie vra, “boer hy by Clocolan?”
Refrein:
Waar is jou rendier en silwer spore?
Waar is ons drome van gisteraand?
Vlieg oor die bome met my drome
Kyk hoe glinster die maan
Die winde van die winter het my kinderhart ontnugter
Ek en Boetie kry ‘n rooi jas in die laai
Jonk van jare, oud van dae, huil ek hartseer
In my kamer
Want die fantasie het soos ‘n droom verdwyn
Refrein
In ‘n brief van later jare, skryf ek “liewe Kersfeesvader
Elke meisie het ‘n spesiale wens
Vir ‘n man so soet soos suiker, met ‘n motor sonder duike
En soen hy jou dink jy dis net ‘n droom”
Refrein
Ek stap toe op ‘n aand laat, met ‘n kêrel uit die Vrystaat
Al bestuur hy ‘n ou bakkie, sê ek “Kersfeesvader, dankie!”
Want al sy soene is soos suiker, en in sy hande ‘n diamant
Vlieg oor die bome met my drome
Kyk hoe glinster die maan
Hier’s ons kinders om die boompie, hulle wag nou vir die oompie
My dogtertjie is net ‘n bietjie bang
Maar hy stap sommer uit die branders, ja die tye het verander
My seuntjie vra, “woon hy in Jeffriesbaai?”
Refrein
Woorde en musiek: Udo Jürgens/Christopher Torr/Willie Lehman
Uitgewer: Mac-Villa Music/Gema
Verskyn op:
Stuur groete aan Mannetjies Roux
19 Treffers van 21 jaar
Chris se trefferliedjies
Lied van die lappop
Ek is die lappop wat nie praat
En maak net op jou liefde staat
Saans lê ek blind en stil en doof
En lig nie meer my semel-hoof
My hande roer nie en my lyf
Word met jou weggaan koud en styf
Sonder jou hulp kan ek nie loop:
Jy het my sommerso gekoop
En sal my nog een Guy Fawkes-nag
Goedsmoeds verbrand en daaroor lag.
Ek is die lappop sonder gees
My pyn jou luid gevierde fees
*Teks aangepas ter wille van toonsetting
Woorde en Musiek: Ingrid Jonker /Marshall Harmse
Uitgewer: Ingrid Jonker Trust (DALRO)/The Urban Rhythm Factory
Lied van die natuur
Luister na die geluid van reëndruppels op ‘n sinkdak
Die lied van paddas wat saamsing in ‘n koor
Luister hoe die wind ‘n boom laat kreun en kraak
Dis die lied van die natuur wat jy daar hoor
Refrein:
Daar is musiek oral om ons heen
En al wat jy moet doen is om te luister
Somtyds die ore spits
Want baiemaal is die liedjie net ‘n fluister
Soos ‘n bries wat speel oor ‘n koringland
‘n Kriekekoor op ‘n warm someraand
Luister laat die geluide jou bekoor
Want dis die lied van die natuur wat jy daar hoor
Aan die punt van die vallei hoog in die berge
Woon daar ‘n eggo alleen in ‘n klipspelonk
Elke liedjie wat hy hoor sal hy uitkoggel
Hy doen dit meesterlik vanuit sy tronk
Refrein
Woorde en Musiek: Johan Wessels (Kupido)
Uitgewer: Panorama
Verskyn op:
Jy is te dierbaar
Laurika op versoek
Grootste treffers Volume 1
Die nuwe trefferalbum
Liefde is al wat ons het
My liefste, sing vir my vanaand
en vertel my weer dat jy my lief het
want iewers tussen sweef en val
in ‘n oomblik van besef –
Is liefde al wat ons het
Woorde is waardevol soos goud
Akkoorde raak mense jonk en oud
Maar iewers tussen doof en stom
in ‘n oomblik van besef –
Is liefde al wat ons het
Refrein:
Jou hart in my hande (jou hart in my hande)
Ek sal dit sing, vertel, fluister, skree
Ek het jou lief, liewer, liefste
Liefde (liefde), is wat ons twee het
Die wêreld eggo onsekerheid
met oorloë aan die orde van ons tyd
Maar iewers tussen goed en kwaad
in ‘n oomblik van besef –
Is liefde al wat ons het
Alles hier is tog net tydelik
en eendag hierna sal ons begryp
Maar iewers tussen nou en dan
in ‘n oomblik van besef –
Is liefde al wat ons het
Refrein
Liefde…
Is al wat ons het
Woorde: Olga Leonard
Musiek: Olga Leonard en Jaconell Mouton
Uitgewers: In MS Samro © Olga Leonard /In MS Samro © Jaconell Mouton
Liefde uit Stellenbosch
ie aand in Dorpstraat
het jy vir my gesê
daar is soveel meer wat jy uit die lewe wil hê
en die aand by Koeëlbaai
het jy vir my vertel
die lewe hier is soms, soms erger as die hel
Die aand in Knysna
het jy vir my gesê
ons tye saam is al wat ons nou het
en die aand in Kaapstad
het jy vir my gevra
hoe ver, hoe ver, kan die see liefde dra…
Refrein:
So steek vir my ‘n kers op in Washington
en neem foto’s van Londen
stuur ‘n duif uit Italië
en dalk ‘n poskaart uit België
Daardie aand in Kaapstad
het ek toe weer gedink
hoe gou het ons liefde in die diep see verdrink
en die aand in Dorpstraat
het ek vir myself gesê
daar is soveel meer wat ek nog van jou wou hê
Refrein
Want ek steek vir jou ‘n kers op in Oudtshoorn
en ek neem foto’s van Potchefstroom
ek stuur vir jou ‘n duif uit die Knysnabos
en al my liefde – hier uit – Stellenbosch
Woorde en Musiek: Pieter Rademeyer
Uitgewer: In MS Samro © Pieter Rademeyer
Lippetaal
Die Judasboom breek uit in bloed
(‘n boom kan, soos ‘n mens, bly boet):
Die selfmoord van ‘n Judas
Is deur ‘n kus ontsteek
Versoening is verduister
Die Judasboom moes breek
Dat bloeisels kan verkondig
So vleeslik soos ‘n wond
Die liefde van ‘n Judas
Is bitter aan die mond
Die liefde van ‘n Judas
Is bitter aan die mond
Die Judasboom breek uit in bloed
(‘n boom kan, soos ‘n mens, bly boet).
Woorde en Musiek: Hennie Aucamp / Laurika Rauch
Uitgewer: MS / SAMRO / Chris Torr Music
Lisa se klavier
Ek het ‘n vriendin
Ver by die blou see
Teen die hang van Tafelberg
As die son sak
Speel sy die mooiste melodieë
Haar vingers ken die pad
Opgesluit in wit en swart Die klavier se grootste vreugde
Hartseer en verlange
Verstaan die hart se diepste smart
Refrein:
Ja, die hele wêreld word stil
En luister in die donker uur
Na die naggeluide
Van Liza se klavier
Liza kan nie ophou as sy eers begin het nie
Sy laat my nooit huis toe loop
Of afskeid neem
Voor my laaste sigaret nie
Ek staan op haar balkon
En drink haar appelkoostee
En kyk na Kaapstad in die nag
Die liggies en die swart, swart see
Refrein
En onder op die sypaadjie
Sien ek die bergie en sy maat
Gaan staan en opkyk
Ver na bo
Vanuit die vullis van Oranjestraat
Hulle ken al lank die klanke
Wat uit haar woonstel stroom
Lank na twaalf, met die deure oop
Al moan die bure ook al hoe
Word Liza elke boemelaar se droom
Refrein
Musiek & liriek: Koos Kombuis
Uitgewer: Koos Kombuis/CAPASSO
Verskyn op:
Die gang
Grootste treffers Volume 2
19 Treffers van 21 jaar
Los en vas
Effens skaam en deurmekaar
staan die liefde voor jou deur
Kom sê net gou vir jou hallo –
En hy klop nie altyd baie hard nie
Hy skuif sy voete heen en weer
en jy’s ook deurmekaar
Soek hy ’n plek om in te trek –
Soos in die leë kamers van jou hart?
Refrein:
Hier kom die liefde, daar gaan hy weer
Maak jy my bly of maak jy my seer?
Wat het jy daar, diep in jou tas?
Speel jy nog los, nog los en vas?
Skuif jou voete heen en weer
Die hemel is so blou
Jy kan ’n bietjie teëstand bied
Maar hy wil jou in sy arms hou
As jy jou kom kry is Maart al Mei
Die liefde het oorheers
Hy’s ingetrek en uitgestrek
in die breë kamers van jou hart
Refrein
Onverwags een winternag
Pak die liefde weer sy tas
Kom sê net gou vir jou tot siens
Maar hy sê hy wil nog vriende bly
As jy jou kom kry is als verby
Jy staar net in die spieël
Dis donker in die voorportaal
En in die leë kamers van jou siel
Refrein X2
Woorde en Musiek: Christopher Torr
Uitgewer: Chris Torr Music © Christopher Torr 2013
Lullaby vir Suid-Afrika (met Jak de Priester)
Kyk hoedat die son oor Jakobsbaai verdwyn
En die witgekalkte huisies en die seemeeus in jou tuin
Kyk hoe smous die locals in Paternoster almal kreef
En vir ’n laaste dop by die Pantie Bar sal jy my gou vergeet
Kyk net al die tente op Tietiesbaai se sand
Kyk hoe vlieg die helder kites oor Langebaan se strand
Kyk hoe breek die golwe oor Muizenberg se kus
Kyk kook die mense in Kalkbaai almal vis
Refrein
Gee vir my die Suiderkruis
Laat dit skyn oor my
Miskien as ek gaan slaap
Sal die lig by my kom bly
Skyn liewe maanlig
Skyn oor ons land
Dan sien ek in my drome weer
Die see se spierwit sand
Dan sien ek in my drome weer
Die see se spierwit sand
Kyk hoe ’n duisend sebras in die Wildtuin water drink
Hoor hoe ’n donderstorm oor die bosveld-aarde klink
Kyk die stokou plaashuis in die middel van die Karoo
En die mense wat op die stoep sit wat soos kinders nog kan glo
Kyk die Jakarandas lê pers om die Brooklyn Mall
Kyk die reënboog kleurtapyt wat oor Namakwaland uitrol
Kyk die spierwit aarde in die Vrystaat se wintertyd
Kyk hoe groet daai windpomp dis die eensaamste geluid
Refrein
Kyk hoe vat ons hande
Toe Madiba daai dag groet
Ek is lief vir hierdie wêreld
Dis my mense
Dis my – bloed
Musiek en liriek: Jak de Priester
Uitgewer: © Jak de Priester
Maans Danster
Sy naam is Maans Danster
Hy kom van baie baie ver in die wêreld
Hy dans waar hy gaan
En hy dans waar hy staan
En jy stem seker saam
Hy’s ‘n lekker kêrel
En baie van die mense sê
Hy is ‘n bietjie aan die dom kant
Maar glo vir my hy’s eintlik slim
Want hy gaan sy gang en hy dans sy dans
Hy vat sy kans waar hy kan
Hy swaai nou hier en dan draai hy daar
En hy dans jou gans deurmekaar
Maans het allerhande wonderlike
Dinge op sy waentjie
Daar’s snuisterye en daar’s snoeperye
En dit bly vir my ‘n gawe karavaantjie
Die mense sê hy is al twintig jaar
Jaar vir jaar klokslag daar
Hy smous verweel en dit kos nie veel nie
Hy maak ook heel waar hy kan
Daar’s paprika, lap vir Afrika
Hy verkoop ook twak by die span
Maans het allerhande wonderlike dinge
Op sy waentjie
Die ouer mense sê
Die ou is maar ‘n effe aan die dom kant
Maar dit lyk of hy die lewe ken
Want hy gaan sy gang
En hy dans sy dans
En hy vat sy kans waar hy kan
Want hy sing sy lied sommer puur verniet
En hy speel verdriet na die maan
Hy swaai nou hier en dan draai hy daar
En hy speel verdriet na die maan
Woorde en musiek: Jannie du Toit
Uitgewer: MS/SAMRO
Verskyn op:
Encore! Laurika
Grootste treffers Volume 1
Marietjie wag-n-bietjie
In Kerkstraat Aberdeen
Woon Marietjie alleen
Op haar dag kon sy ’n kop of twee laat draai
Maar Marietjie van der Heever
Wag – haar hele lewe
Iemand het haar wel gevra
In neëntien sestig – in De Aar
Marietjie o Marietjie wil jy dans?
Maar sy sê toe vir hom “Niekie
Nie nou nie, wag ’n bietjie”
Refrein:
Marietjie o Marietjie
O Marietjie wil jy dans?
My hart is vol van liefde
Wag ’n bietjie? Vat ’n kans
Ja my hart is vol van liefde
En dit voel of dit wil bars
Marietjie wag ‘n bietjie
Marietjie wil jy dans?
En Niekie Poggenpoel
Woon nou buite die gewoel
Hy het seker beter dae al gesien
En in Kerkstaat Aberdeen
Het dit lanklaas gereën
En hy droom nog af en toe
Van riviere wat nog vloei
En van liedjies wat op die winde ry
En van die liefde van sy lewe –
Marietjie van der Heever
Refrein
En ek hoor weer daardie lied
Van verlange en verdriet
En die letters op die klippe is vol stof
Want hier in Aberdeen
Het dit lanklaas gereën
Refrein
Woorde en musiek: Christopher Torr
Uitgewer: Chris Torr Music
Maskers
Refrein:
Maskers, maskers wat ons almal dra
Wil graag wees wat ons voorgee
Aanvaar nie wat ons is
Oerwoud van graniet
Oerwoud van graniet
Spelers in ‘n spel
Dit kan ek vertel
Poppe maar van klei
Niemand maak hul vry
Gesigte bleek soos was
Gesigte bleek soos was
As hul maar net kon sien
Oogklappe af kon haal
Dis mense wat net val
En nooit weer opstaan nie
Refrein
Mense maak my bang
Mense maak my bang
En dan wil ek wegvlug
Wil wegvlug maar waarheen
Die pad is afgeseël
Deur mense wat ook vrees
Gestaltes in die nag
Gestaltes in die nag
Waar kom hul vandaan
En waarheen wil hul gaan
Na die Maskerbal
Waar niemand weet wie’s wie
Refrein
Komponis: Wilhelm Liebenberg
Uitgewer: Contagious Music
Meraai se saamry
Oorstuur en belaai wyk ons uit
Na die lafenis van naweekpaleise
Tuis waak ‘n spreiligalarm
Hou ‘n oog oor ons weerlose huise
Refrein:
Die verligting van ontvlugting
Is swaar bekom
En om dit te benut
Bly bevele maar stom
Buig ons reëls en regulasies
So ver soos hul strek
Maar as ons huiswaarts keer
Ken elkeen weer sy plek
Haar ereposisie is stewig geset
Reisvaardig gevestig op die agtersitplek
Skynbaar oorbodig maar tog integraal
Meraai se bystand is ‘n uitspanverhaal
Op luilekker rusdae word sy onbewus
Die onmisbare hoeksteen waarop voortbestaan rus
Gee ons ‘n blaaskans om krag te herwin
Gereedskap vir besluite as die nuwe week begin
Belas met die voogdskap van drooghou tot tug
Met haar spyskaart besluite wat diëte ontwrig
Is sy altyd byderhand om rond te skarrel
Met moerkoffie en beskuit weer die kamer in te warrel
Refrein
Tuis kom die leisels weer in eie hande
En verbreek ons die gemoedelike naweekbande
Want fieterjasies van die grootstad se gewoontes slaap swaar
En die bewys van ons baasskap word ten koste bewaar
Refrein
Woorde en musiek: Awie de Swardt/Laurika Rauch
Uitgewer: Gallo Music Publishers
Met transistor innie hand
Met transistor innie hand
Skollie ek deur stad en land
Of ek bok en of ek blok
Transistor altyd byderhand
Sonner hom wat word van my
Innie vaalgeid rondom my
O trooster jy, o bakgat jy
O bly by my, o bly by my
Want sonner jou
O sonner jou
Issit fieliekondêm met my
Issit fie
Issit fielie… kondêm met my
Woorde en Musiek: Boerneef /Laurika Rauch
Uitgewer: Gallo Music Publishers/Dalro
Miekie
Miekie, Miekie
Miekie môre reis ek oor die see
En Miekie, Miekie
Die veerboot vaar so kwart voor twee
Refrein:
En die see is wyd en die see is diep
En Miekie ek het jou so lief
Maar die see is diep en die see is wyd
En ek het gedroom van ‘n leë kajuit
Miekie, Miekie
Miekie net die woorde voor ek slaap
Miekie, Miekie
Reën dit nog so baie in die Kaap?
Refrein
Miekie, Miekie
Miekie môre reis ek oor die see
En Miekie, Miekie
Die veerboot vaar so kwart voor twee
Refrein
Miekie, Miekie
Die veerboot vaar so kwart voor twee
Miekie, Miekie …
Woorde en Musiek: Christopher Torr
Uitgewer: Select Musiek Uitgewers
Verskyn op:
Encore! Laurika
Stuur groete aan Mannetjies Roux
Grootste treffers Volume 2
Chris se trefferliedjies
Millenniumliedjie
Nou is die tyd vir jou en my om stil te staan
Hoog in die lug gly stelsels in ‘n nuwe baan
Die wêreld gaan draai, daar’s soveel te raai
Waar gaan ons heen…
Sien jy die tekens in die glinster van die son
Daar’s soveel dinge wat gaan en wat gaan kom
‘n Nuwe bestel die mense vertel
Waar gaan jy heen…
Refrein:
‘n Duisend jaar gly verby
‘n Nuwe môre skink die dou vir jou en my
Kom nou saam, gryp die dag
Is jy deel van ‘n begin, ‘n wéér besin
‘n Nuutbegin
Staan jy in die donker, waar drome verdwyn,
Óf sien jy die helder lig skyn?
Refrein:
Twee duisend jaar gly verby
‘n Nuwe môre skink die dou vir jou en my
Kom nou saam, gryp die dag
Is jy deel van ‘n begin, ‘n wéér besin,
‘n Nuutbegin
Kom nou saam, gryp die dag
Is jy deel van ‘n begin, ‘n wéér besin,
‘n Nuutbegin
Millennium…………
Woorde en Musiek: Greta Delport Benadé
Uitgewer: Greta Delport Benadé/SAMRO
Mis oor Jacobsbaai
Die deinserigheid oor die baai
Word in ‘n ommesientjiestyd ‘n digte mis
Wat slenter en swaai en dwarrel en draai in die baai
Die deinserigheid oor die baai
Word in ‘n japtrap se tyd ‘n digte mis
Wat slenter en swaai waar meeue bohaai
En bohaai en bohaai in die baai
Refrein:
En die mishoring kreun
En die mishoring steun oor die baai
‘n Knaende klank van Columbine
Soos die liedjie van Auld Lang Syne
Die deinserigheid oor die baai
Word in ‘n handomkeer tyd ‘n digte mis
Wat langvinger tas waar skuim spoel en was in die baai
Die deinserigheid oor die baai
Word in ‘n seepbel se duur ‘n donskombers
Wat snoesig kom lê oor rots en oor boot
Oor rotse en bote wat klou en kleef
Waar die meeue bohaai en bohaai
Refrein
Die dik mis hier oor Jacobsbaai
Wag vir die son om te lig en dan ontstaan
‘n Sprokiesgesig as als wat verdwyn het verskyn
Die dik mis wat wyk voor die son
Laat net ‘n deinserigheid wat talm en toef
En als wat verskyn glim soos perlemoen
‘n Prentjie verskyn soos in Brigadoon
En die meeue bohaai en bohaai
Refrein:
En die mishoring staak die gesteun en gekreun oor die baai
Ja, die mishoring swyg by Columbine
Oor die liedjie van Auld Lang Syne
Die deinserigheid oor die baai
Wyk in ‘n ommesientjiestyd voor die son en boot
En rots lê en glim en gloei in die gloed
Waar die meeue bohaai en bohaai
Woorde en Musiek: Marie Tredoux
Uitgewer: ©Marie Tredoux
Moenie laat die kinders hoor nie
‘n Gawe soldaat op die trein
Maak grappies oor oorlog
Asof ‘n handgranaat en ‘n landmyn
Sulke snaakse speelgoed is
Sulke snaakse speelgoed is
Refrein:
Moenie dat die kinders
Moenie dat die kinders
Moenie dat die kinders hoor nie
Vandag se idealis is môre se terroris
Moenie dat die kinders hoor nie
In die naam van Vryheid
Word ‘n huis verbrand
In die naam van Reg
Word ‘n mens aangerand
Die grootste geweld
Maak die grootste held
Refrein
Vandag se lewe is môre se dood
Refrein
Woorde en Musiek: Rosa Keet /Laurika Rauch
Uitgewer: Gallo Music Publishers/SAMRO
Moenie weggaan nie (circa 1980)
(Ne me quitte pas)
Moenie weggaan nie
Jy moet liewer vergeet-
Maar
Jy moet net onthou:
Verby is verby
Wis uit die tyd
Van misverstand
En die tyd verspil
Die aanhou probeer
Om te vergeet
Van die weggaantyd
Gister het gebeur
Moenie weggaan nie (x4)
Maar…
Ek belowe jou nou:
Gepêrelde dou
Juwele van reën
Want so word ons een
Ek sal die aarde verskuif
Tot lank na my dood
Met glans jou beklee
In goue lig doop
Ek gee jou ‘n ryk
Waar die liefde regeer
Soos die liefde ons leer
In ons klein koninkryk
Moenie weggaan nie (x4)
Kom luister na my:
In elke- dag- taal
Vertel ek vir jou
‘n Liefdesverhaal:
Twee mense leer
Twee harte versmelt
Een liefde ontvlam ‘n tweede keer
Ek vertel ‘n verhaal
Van ‘n koning se nood
Hy sterf van sy liefde
Want weggaan is dood…
Moenie weggaan nie (x4)
Het jy al gesien –
Hoe ‘n verkluimde vulkaan
Wat afgeleef lyk aan die brand kan slaan?
Ek dink dit is waar
‘n Veldbrand wat brand
Maak ryker die oes
As ‘n ryk somersjaar
En kom die nag
Verhelder die lug
As die rooi en die blou
In die aandskemer trou
Moenie weggaaan nie (x 4)
So min bly nou oor:
Ek huil nie meer
Ek praat nie meer nie
Ek wil nie meer nie
Ek is nie meer nie
Die lewe is leeg
Is leeg sonder jou
Maak my die skaduwee van jou skadu
Maak my die eggo
Van die woorde uit jou mond
Van jou voetstap op die grond
Moenie weggaan nie (x4)
Komponis: Jacques Brel/ Afr. Woorde: Fanus Rautenbach
Uitgewers: Warner Chappell Music France/ Intersong/SDRM/SABAM
Mpanzaville
Skielik gaan ons aan die bewe
Draai ons af van Hoofweg Sewe
Trap die versneller plat
Die wiele rol die byle huil
Die poppe tol die boendoe’s geil
Toe ons afdraai na die stad
Skakel af en ons klim uit
Weerkaatsing in die motorruit
Die son wat weswaarts sak
Die stilte van ‘n ruimteman
Of skrywer nou so pas verban
Begroet ons ore strak
Refrein:
Daar’s onheil in die kraal
En die winde waai koud
En die leeus slaap bang
In die donker honger woud
Mpanzaville Mpanzaville
Almal is so stil hier’s ‘n woeste krokodil
Mpanzaville Mpanzaville
Daar’s ‘n honger krokodil
In Mpanzaville
Vir ure sit ons om die vuur
Die konka brand ons oë tuur
En ons hoor hoe tjank die wind
Opgestaan en verder aan
Spore taan en hoe verstaan jy
Stilte in die vallei
Maar skielik klap en dreun en hap
Ons oë word pap die knieë slap
Toe die ongedierte dwaal
Ons hoor hom aankom in die wind
Ons moet nou gou ‘n antwoord vind
Vir die monster in die kraal
Refrein:
Daar’s onheil in die kraal
En die winde waai koud
En die leeus slaap bang
In die donker honger woud
Mpanzaville Mpanzaville
Al die mense gil vir die woeste krokodil
Mpanzaville Mpanzaville
Daar’s ‘n honger krokodil
In Mpanzaville
Sy bek gaan oop sy tande blink
Sy asem stink hy waggel flink
Klokke lui in die doodsvallei
Ons druk ‘n stok diep in sy bek
Sy oë word groot sy stert verrek
Maar die panga slag sy nek
Hartlam loop en gryp ‘n klip
Slaat sy kop dat hy wil stik
Sy oë tol om en om
Ons slag hom af en vat sy vel
Die honde blaf die mense draf
Die kraal is van vreugde stom
Refrein:
By die vure in die kraal
Blink die krokodilvel
In die woud trom die tromme
Die storie word vertel
Mpanzaville Mpanzaville
Al die mense dans om die dooie krokodil
Mpanzaville Mpanzaville
Daar’s vrede in die kraal in Mpanzaville
Mpanzaville…
Komponis: Anton Goosen
Uitgewer: Gallo Music Publishers
Verskyn op:
Debuut
Murg en been
Ooo x 2
Ewe donker
Ewe lig
Ewe veel
‘n Ewewig
Ewe hard en
Ewe sag
Ewe skielik
Kom die dag
So dieselfde
So verskil
Ander helfte
Van my gil
Wil weer uitkom
Terug na my
Het te lank saam
Jou gebly
Refrein x 2
Plus en minus
Maal en deel
Dalk te min of
Dalk te veel
Van dieselfde
Murg en been
Ewe skielik
Weer alleen
Ewe skielik
Weer alleen
Ooooo x 1
Vinnig liefhê
Vinnig trou
Vinnig intrek
Huis gebou
Vinnig stilte
Vinnig leeg
Vinnig einde
Aanbeweeg
Refrein x 2
Ooo x 2
Ewe skielik weer alleen
Ewe skielik weer alleen
Ewe skielik weer … alleen
Woorde en Musiek: J.Oberholzer
Uitgewer: Universal Music Publishing
My hart is ‘n bok
Fors gestalte wat hoog bo my uittroon
Gitswart hare en oë hemelblou
By hom sal ek ‘n ewigheid kan woon
Hy’t die seer van die lewe trotseer en sy mensheid behou
Hy sal veel eerder gee as om te neem
Hy doen dit omdat dit hom vreugde bring
Met hom vlak by my voel ek nooit alleen
Ek het geen verweer teen die liefde wat my hart binnedring
Refrein:
En my hart is ‘n bok wat teen my ribbes spring
My bloed ‘n borrelende rivier wat deur my are bruis
Daar’s salige gevaar hier in die arms wat my omkring
Want die liefde dreig om my te vergruis
Nooit sal ek sê vervulling ken ek nie
Dit sal die leuen van alle leuens wees
Die liefde is die mag wat my gebied
Dis die soet op my tong en die vrede diep in my gees
Refrein x 2
Daar’s salige gevaar hier in die arms wat my omkring
Want die liefde dreig om my te vergruis X 2
Woorde en Musiek: Johan Wessels (Kupido)
Uitgewer: Panorama
My ou tante Koba
My ou tante Koba klink effens kwaai
Wanneer kom maak ons by hulle weer ‘n draai?
“Maar waar bly Tannie”? het ek gevra
“Anderkant Noupoort duskant De Aar”
My ou tante Koba sê ek kan maar loer
Sy sal haar koffie met ‘n lepel roer
Ry verby Laignsburg en Beaufort-Wes
Ma het ‘n mandjie pa het ‘n fles
En my voete wil weer dans, en my lippe wil weer sing
Die vreudge wat jy gee brei uit in ‘n kring
‘n Reis deur die verlede sal ook hartseer bring
Maar my voete wil nou dans en my lippe wil nou sing x 2
My ou tante Koba het soms gemeen
Die son sal weer skyn, maar dit moet eers reën
“Veral op Grasbult” het sy gevra
“- dis anderkant Colesberg duskant De Aar”
Sy’s besig om lusern, lusern te saai
Sy sê nie eers “hallo” nie (maar sy sê ook nie “good-bye”)
Sy skink sjampanje en gemmerbier
Die tafel’s gedek langs ‘n rivier
En my voete wil weer dans, en my lippe wil weer sing
Die vreudge wat jy gee brei uit in ‘n kring
‘n Reis deur die verlede sal ook hartseer bring
Maar my voete wil nou dans en my lippe wil nou sing x 4
Aan die einde het tant Koba baie stil gelê
“Ek sien reeds vier perde”, het ek haar hoor sê
“Scatter my ashes” het sy gevra
“Anderkant Steynsburg duskant De Aar”
En my voete wil weer dans, en my lippe wil weer sing
Die vreudge wat jy gee brei uit in ‘n kring
‘n Reis deur die verlede sal ook hartseer bring
Maar my voete wil nou dans en my lippe wil nou sing x 8
Woorde en musiek: Christopher Torr
Uitgewer: Chris Torr Music
Verskyn op:
My ou tante Koba
Chris se trefferliedjies
Laurika Rauch sing die liedjies uit Stuur groete aan Mannetjies Roux
Nalekokers
Die kind was lief vir nalekokers vang
Bloues, en rooies, en miskien ook geles
Groot aardigheid ril deur sy lyf
Vannie bewe vannie nalekokerlyf
Ou man staan by donkerrooi blom
Ligrooi nalekoker op donkerroooi blom
Ou man steek hand uit
Bewe, tas mis
Hy lag verleë vryf sy nek
Die mense sal mos dink hy’s gek
Nalekoker, daggaroker, moerskwaai moker
Dissie wind dissie wind geswind
Hiert jou nalekoker
Hiert, hiert!
Jou nalekoker
Woorde en Musiek: Boerneef/ Laurika Rauch
Uitgewer: Gallo Music Publishers / SAMRO
Verskyn op:
‘n Jaar in my lewe
Grootste treffers Volume 2
Die nuwe trefferalbum
Neanderdalman
Daar’s kantgordyntjies
Voor my vensterraam
En alles is so ordelik
Soos dit my betaam
Soggens kom die melkman
En saans lees ek koerant
En soms as als te veel word
Voel ek astrant
Daar’s klein hortjievensters
Hoog in die dak
In die straat rooi telefoonhokkies
Wat in die sonlig bak
Ystervoëls vlieg hoog verby
Robot knip sy oog
En as die wêreld op my skree
Hou ek kop omhoog
Refrein:
En sou my Neanderdalman
My aan die hare gryp en vang
Met ‘n knuppel in my rug
Gebalde vuis hoog in die lug
Dan sou my Neanderdalman
My hartsnaar so laat span
Oe oe oe oe oe (x 2)
Herhaal lied
Komponis: Anton Goosen
Uitgewer: Gallo Music Publishers
Verskyn op:
Laurika op versoek
Grootste treffers Volume 1
19 Treffers van 21 jaar
Niks hang so rooi soos wingerdblaar by Hexrivier
Niks hang so rooi soos wingerdblaar by Hexrivier
Niks staan so geel soos herfspamplier
By Dwarsrivier op Ceres
Slaan rem aan hou jul asem in en kyk en kyk
Lank en eerbiedig soos ‘n mens na so ‘n herfs moet kyk
Laat dit inbrand in jou vir latertyd
Die warm geel en rooi vir latenstyd
Woorde en Musiek: Boerneef/Laurika Rauch
Uitgewer: Gallo Music Publishers / SAMRO
Nuwe aarde
Kyk hoe die vleiland van die mooiste Kaap vergaan
Daar waar die waterblomme staan
Nagmuis en sandslang leef in ingevoerde gras
Langs paaie waar daar lappe fynbos was
Refrein:
As dit net voorspellings is
Glo ons dis nie waar
En met al ons foute kan die natuur homself bewaar
Ons kan elke ramp oorleef ons denke maak ons vry
Eendag sal ons iewers
Weer ‘n nuwe aarde kry
Sit maar die vullis uit, die lorries neem dit weg
Sproei kieme dood suiwer die lug
Kap uit die bome wat jou uitsig so bederf
Jy is mos baas op hierdie erf
Refrein
Renoster, olifant en luiperd sal oorleef
Rooivlerk en swael sal weer sweef
Ons kry ons reën op tyd, die son skyn oor ons land
Die son wat al hoe feller begin brand
Woorde en Musiek: Pieter van der Lugt
Uitgewer: Select Musiek Uitgewers
Nuwe wyn
As die dinge woorde raak en my woorde aanhou leeg raak
As die liedjies en die mooi gedigte wat ek bring, nie meer uit
Liefde kom en die liefde gaan
En die liefde gaan verby
My eerste liefde het gou vergaan –
Net ‘n skaduwee wat oorbly
(Here skink in my):
Nuwe wyn, minder woorde, nuwe wyn,
Skinkergees bring,
Nuwe wyn, sielsjampanje, nuwe wyn,
Dis ‘n teengif vir die passie wat so kwyn
Beste wyn, soetste wyn, die nuwe wyn
As my siel van droogte kraak, en die water nie meer werk nie
As die loot die wingerdstok se sap nie meer kan proe nie,
Die bruidegom het die beste wyn vir laaste uitgehou
Hy maak die water sielewyn,
En hy hou dit uit na jou
(Here skink in ons):
Nuwe wyn, minder woorde, nuwe wyn,
Skinkergees bring,
Nuwe wyn, sielsjampanje, nuwe wyn,
Dis ‘n teengif vir die passie wat so kwyn
Beste wyn, soetste wyn, die nuwe wyn
Dis vir die dronkword van die gees
Vir die Hooglied-bruid van God wees
Vir die doodbloei van die vlees
Vir vervulling en vervulling en vervulling van die gees – ooo
Nuwe wyn, minder woorde, nuwe wyn,
Skinkergees bring,
Nuwe wyn, sielsjampanje, nuwe wyn,
Dis ‘n teengif vir die passie wat so kwyn
Beste wyn, soetste wyn, die nuwe wyn
Woorde en Musiek: Louis Brittz
Uitgewer: Brettian Publishers
O so sentimenteel
Jy vra my om vergiffenis
Jy sê my jy voel sleg
Dan spring jy op ‘n straler
Vlieg tien duisend myle weg
My hart is nes ‘n klimtol
Waarmee jy lustig speel
O, ek voel broos vanaand…
En o, so sentimenteel
Jy bel my net na middernag
En vra my hoe ek voel
Jy sê jy’t my iets moois gekoop
In ‘n mark in Istanboel
Oor al jou doen en late
Kan ek my goed verbeel
En nou’s ek nie meer vaak
Net o, so sentimenteel
Refrein:
Ek gaan my regruk en uitstyg
Bo wat my onderkry ‘n Nuwe lewe inrig
Die oue’s als verby
En wat jy met jouself maak
Kan my die minste skeel…
Maar miskien is jy nog lief vir my
Ek’s o, so sentimenteel
Die koffie is koud en bitter
Jou vlug’s ‘n halfuur laat
Die omie kom sy dogter haal
Maar ek’s niks lus vir praat
Die wiele vat-vat baanblad
My hart sit in my keel
Gaan lê, ou hart, gaan lê
Jy’s o, so sentimenteel
Refrein
Woorde en musiek: Kalla Bremer/ Don Clarke
Uitgewer: Popps Musique/Monkeyshine Music
Verskyn op:
Stuur groete aan Mannetjies Roux
19 Treffers van 21 jaar
Om en om draai die wiele
Refrein:
Om en om draai die wiele
Die trein snel voort op die spoor
Nog net enkele myle
Lê nog vir my voor
Dan is ek weer by die huis
Tussen my eie mense
Daar’s ek gelukkig
Voel ek tuis
Haai dit vervul al my hartswense
Refrein
Die ou trein se gerammel
Klink nes musiek op die oor
Dis so vrolik soos hy skommel
Net enk’le myle lê nog voor
Na veel omswerwinge
Is ek amper waar ek wil wees
Tien myl na ons dorpie
Is wat ek op die mylwyser lees
Refrein (x2)
Woorde en Musiek: Johan Wessels (Kupido)
Uitgewer: Panorama
Onder jou asem
Ek het jou benader
Op jou seepkis op jou boeg
Jy het my verower
Maar ek moes vir jou swoeg
Wie was jy toe ek jou kry
Met jou wêreld op sy plek
Wonder jy wat ons sou maak
Het jou weerstand my getraak
Refrein:
Oe…jy’s my swak punt – groot begeerte
Oe…lei my na jou – groot begeerte
Oe…wys my wie’s jy – groot begeerte
Ek het jou verafgood
In ons kamer op ons bed
Jy het my verower
Ek dag ek sê maar net
Refrein:
Oe…jy’s my swak punt – groot begeerte
Oe…lei my na jou – groot begeerte
Oe…wys my wie’s jy – groot begeerte
Brug:
Onder jou asem – onder jou wese is ek
Onder jou asem – onder jou wese word ek
Onder jou asem – onder jou wese is ek
Onder jou asem – onder jou wese word ek tuis
Mmm….
Lank was ons tesame
Lank was ons alleen
Jy en ek en ek en jy
Ek dink aan ons aaneen
Ek het jou benader
Op jou seepkis op jou boeg
Wonder jy wat ons sou maak
Het jou weerstand my getraak
Woorde en Musiek: Riku Lätti
Uitgewer: Peer Music
Onthou
(Vir Willem)
Jy sê vir my ek moet vir jou ’n liedjie skryf, sodat jy my
Kan onthou wanneer ek dalk sou weggaan met die tyd
Jy sê jy wil van Mozart hoor, van Billy Joel en Koos Kombuis
En dat ek tog ’n stukkie Queen moet insit net vir jou
Ek sê vir jou jy sal my nie onthou met so ’n liedjie nie,
Maar wel met elke noot musiek wat iewers begin leef
Refrein:
Onthou kom uit die bloute, lief
Onthou kom uit die niet
Jy sal dit nie kan toonset nie
Jy sal dit nie kan sien nie
Onthou kom uit jou hart
Jy sê vir my ek moet vir jou ’n storie skryf, sodat jy my
Kan onthou wanneer ek dalk sou weggaan met die tyd
Jy sê jy wil van paddas hoor wat prinse word, en hekse toor
En van prinsesse wat in weelde dans dwarsdeur die nag
Ek sê vir jou jy sal my nie onthou met so ’n storie nie,
Maar wel met elke keer wanneer ’n sprokie waarheid word
Refrein
Jy sê vir my ek moet vir jou ’n prentjie verf, sodat jy my
Kan onthou wanneer ek dalk sou weggaan met die tyd
Jy sê jy wil die kleure en die lelies sien van Monet
En dat Van Gogh ook tog ’n plekkie in my prent moet kry
Ek sê vir jou jy sal my nie onthou met so ’n prentjie nie,
Maar wel met elke keer wanneer die son wegsak in goud
Refrein:
Onthou kom uit die bloute, lief
Onthou kom uit die niet
Jy sal dit nie kan teken nie
Jy sal dit nie kan sien nie
Onthou kom uit jou hart
Onthou is in jou hart
Woorde en musiek: Jeanette Cilliers
Uitgewer: Jeanette Cilliers/ MS (Samro)
Oorgenoeg vir oormôre
Gister se koerant lê langs die leftovers
Want ek kook nog soms vir twee
So ek ruk my reg en ek pak dit weg
Maar die bed voel steeds te leeg
Hulle sê vir my hou moed…
Jy sal nog iemand anders ontmoet
Maar ek het oorgenoeg vir oormôre
En selfs nog na vandag,
Het ek oorgenoeg vir oormôre
En al die dae wat wag
Gistermiddag hierdie tyd
Was dinge vir my alles omgekeer
Dis die tweede jaar wat ek jou nie hier het
En nou begin dit weer
Die klok wys tien oor twee alweer
Maar ek sal tien teen een aan beweeg
Want ek het oorgenoeg vir oormôre
En selfs nog na vandag
Het ek oorgenoeg vir oormôre
En al die dae wat wag
Ek en jy
Het oorgenoeg vir oormôre
Die dae bewys
Ons liefde sal veel langer hou
As al my dae hier sonder jou …
Daars oorgenoeg vir oormôre
En selfs nog na vandag
Het ekke oorgenoeg vir oormôre
En al die dae wat wag
Herhaal refrein
Gister se koerant lê langs die leftovers
Want ek kook nog soms vir twee…
Woorde en musiek: J.Oberholzer en B. Hepburn
Uitgewer: Universal
Op Blouberg se strand
Die golwe weet waar breek die branders –
Hulle dink hulle’s vry
Die wolke wentel in die hemel maar
Op die winde moet hul ry
Dis vroeg in die dag, op Blouberg se strand
Die wind gaan nog waai, die son gaan nog brand
Maar dis koel na die lang nag
En ons groet die dag
Refrein:
Goeie môre my sonskyn
Goeie môre my kind
Kom ons draf langs die strand
Kom ons ry op die wind
Die sand sal ons skroei
En die strale sal brand
Maar dis vroeg in die dag
Op Blouberg se strand
Daar is witgekalkte huise
En ou Tafelberg
Daar is hengelaars met stok en hoed
Wat vroeg visse terg
My pa sê “my kind, ons moet swart mossels vind”
Ons is lief vir die see, ek is lief vir my kind
Ja dis koel na die lang nag
En ons groet die dag
Refrein (x2)
Woorde en musiek: Udo Jürgens/Thomas Christen/Christopher Torr
Uitgewer: Mac-Villa Music
Verskyn op:
Encore! Laurika
Stuur groete aan Mannetjies Roux
Grootste treffers Volume 1
19 Treffers van 21 jaar
Chris se trefferliedjies
Op my ou ramkietjie
Op my ou ramkietjie met nog net een snaar
Speel ek in die maanskyn deurmekaar
Wat gee ek om mense wat se ek’s mal
As die varings my aanhoor by die wal?
Wat om my vriende wat nooit nie verstaan
As die sterre my toeknik en die maan?
Op my ou ramkietjie met nog net een snaar
Speel ek in die maanskyn deurmekaar
Woorde en musiek: C. Louis Leipoldt/ Jan Bouws
Uitgewers: Clan Music
Ou swart kitaar (hermeester)
Die klank wat jy voortbring vertel van verlange en drome
Van eind’lose wag en hoop dit word eendag waar
Intussen bly jy net dieselfde,
Tyd doen jou geen skade
En as ek eensaam voel hoef ek net te vat en jy’s daar
Refrein:
En ek is lief vir jou ou swart kitaar
Jy spreek my toe in klank
En wat jy sê is waar
Geheime kan ek maar aan jou toevertrou
Jy stel my nooit teleur nie
Ek is lief vir jou
Onthou jy hoe triestig ons twee was toe hy ons verlaat het
Hoe ek op jou skouer gehuil het uur na uur
Die soet van jou klanke wat my heeltyd saggies getroos het
Het my somtyds laat glimlag
En altyd was jy maar hier
Refrein x 2
Woorde en Musiek: Johan Wessels (Kupido)
Uitgewer: Panorama
Verskyn op:
Die nuwe trefferalbum
Reispsalm
GESKRYF IN DIE RYNVALLEI, 1998
Ons is gesoute reisigers
Deur dop en lied, deur klank en vers
Ons is ballings uit ‘n paradys
Orals bekend maar nêrens tuis
Agter elke grens ‘n vreemde taal
In elke stad sy katedraal
Maar hoe jy ook al sing of vra
Jou toekoms bly in Afrika
Hoe lank moet jy nog aanhou soek
Deur kaart of bybel, gids of boek?
By watter herberg teen die wind
In watter stal jou heiland vind?
Onder watter ster of noorderlig
Bly ons strompel, blind en sonder sig
Slegs die suiderkruis wag lankal daar
Ons toekoms is in Afrika
As die nag finaal sy mantel gooi
As die son verdof van wit tot rooi
As die stede stil word, mense bang
In die woude niks meer voëlgesang
Sal ons wat weet, ons voete wend
Terug na die donker kontinent
Die laaste lente volg weldra
Maar ons toekoms is in Afrika x2
Want eendag is ons kinders daar
Nou reis ons weer saam na Afrika
Woorde en Musiek: Koos Kombuis
Uitgewer: Trapsuutjies Uitgewers (Sarral)
Rondomtalie mallemeule
Sirkels maal en kolk
En draai om ons heen
Ek hou jou vas en swaai
Genoeglik rondomtalie
Ons probeer selfs angstig
Uit ‘n spooktonnel ontsnap
Want ons weet speelsheid
Kan verlepte siele lap
Refrein:
O rondomtalie mallemeule
Wat drome laat gedy
Flikkerliggies wat verlei
Ons mallemeule samesyn
Kan die pretpark laat verdwyn
Gebuigde spieëls is net ‘n grap
Wat ons uitlok
Dan… verklap
Gister se beloftes
Is met pret afgerond
Maar die ekstase van vandag is ongegrond
Die pretpark se draaikolk
Is niks meer as ‘n skyn nie
Die toegangsgeld tot liefde
Word betaal met heelwat pyn
Refrein
Woorde en musiek: A. de Swardt/ Fransua Roos/ Patric van Blerk
Uitgewer: Flying Dutchman
Sê dit
Sê dit in ‘n brief, sê dit in ‘n woord
Sê dit in ‘n sin, die digterlike soort
Sê dit as dit reën, sê dit as dit hael
Sê dit as die donker daal
Sê dit in ‘n kyk, sê dit in ‘n lag
Sê dit op ‘n wilde onweersdag
Sê dit in ‘n traan, sê dit in ‘n sug
Sê dit as die donker vlug
Tussenspel
Sê dit in ‘n woud, sê dit op ‘n strand
Sê dit as die wêreld om jou brand
Sê dit in die lig van ‘n katedraal
Sê dit as die donker jou kom haal
Sê dit op ‘n berg, sê dit in ‘n kloof
Sê dit as die stilte jou beroof
Sê dit in die nag as die sterre jou verblind
As die donker jou uiteindelik vind
Sê dit vir my
Tussenspel
Sê dit in ‘n woud, sê dit op ‘n strand
Sê dit as die wêreld om jou brand
Sê dit in die lig van ‘n katedraal
Sê dit as die donker jou kom haal
Sê dit op ‘n berg, sê dit in ‘n kloof
Sê dit as die stilte jou beroof
Sê dit in die nag as die sterre jou verblind
As die donker jou uiteindelik vind
Jy gaan by my bly x 2
Woorde en musiek: Emile Minnie
Uitgewer: Emile Minnie T/A French Music
Sê groete vir Triëst
‘n Skip vaar op uit tafelbaai
Die sewe seë tegemoet
Wie bly agter op die kaai
Wat saamgekom het om te groet
(en wie bly agter op die kaai)
En wie staan op die dek en waai
Refrein:
O skip wat in die nag verdwyn
Stuur al my liefde vir Berlyn
En Lissabon en Boekarest
En sê ook groete vir Triëst
O ek onthou weer ek onthou
Die Swartwoud en die Blou Donau
’n Klein hotel in Badenfest
En dan is daar Triëst
My hart is altyd elders
Wie weet waarnatoe toe op pad
Van die een plek na die ander
Oor Moembaai en Islamabad
(van die een plek na die ander)
Soos na Sivilla en Santander
Refrein
Tussenspel
Ek wonder hoeveel treine
Van Napels af tot in Milaan
Het ons doelbewus verpas
En op ons spore trug gegaan
(en op ons spore trug gegaan)
Na al die plekke waar ons was
Refrein
Valencia, Boekarest
En dan is daar Triëst
Badenfest, Carcasonne
En dan is daar Triëst
Moembaai, Lissabon
En dan is daar Triëst
Woorde en musiek: Chris Barnard/Chris Torr
Uitgewers: Dalro/Chris Torr Music
Kursiewe gedeeltes is deur sanger self bygevoeg
Septemberland
Nêrens was Septemberland
Al ooit so mooi gewees
Soos hierdie dorre akkerrand
Se wildevygiefees
Want nêrens lê die pad so lank
Waar soutslaai in September rank
Waar madeliefies koppies swaai
By middaglui se windpomp draai
Refrein:
Vir jou nie die lower van bergland se wei
Vir jou nie die tower van varings en vlei
Vir jou gee ek yster en dorsland se vaal
Vir jou gee ek kliprand en yl bossies kaal
Die soet van die aandblom en blou diamant
Vir jou gee ek pag oor Namakwaland
En soms dink ek die Heer het self
Die bedding afgesteek
En toe het hy met milde hand
Die reënboog oopgebreek
Raak hy sy kind wat bakhand kyk
Na witkopwolk wat nimmer wyk
En fluister hy met oostewind
Die akker is vir jou my kind
Refrein
Woorde en Musiek: Rika Nel/Gerhard Labuschagne
Uitgewer: MS/SAMRO
Skatkiskaart
Nog ’n jaar is verby
As die einde sy sin kry
As die laaste maand sy tekens begin wys
Weet ek waar ek gaan
Na die begin van ons ontstaan
Na water se teenwoordigheid
Water groter as ’n dam
Meer sand as ’n woestynland
En baie meer vis
Waar baie skatte rus
Refrein:
Waar die bome skeef gewaai staan
Waar die see die land ontmoet
Waar die paaie almal doodloop
Waar die Suidoos hom uitwoed
In die Ouskipkaravaanpark
Met ’n skatkiskaart wat wys
Waar ons tent opgeslaan staan
Dis waar ons ons skat sal kry
Du Plessisstraat
Aan die suid punt van die Kaap
Is ’n leidraad om daar uit te kom
Tentpenne in die grond
’n Afdak teen die Kaapse son
En ’n skuiling teen die wind
Waar jy ons tweeman tent sal vind
Weggesteek in stilte
Verbloem in geluk
Rustig met nul mense
Net ons twee op die wye see gerig
Refrein
Brug:
As jy strand op stap
As die wind jou vat
As die see jou roep
As die berg jou groet
Herhaal x 3
Refrein
Koda:
As ek my liefde vir jou kon weeg
Sou dit swaarder as die sout van Melkbos wees…
…dis waar ons ons skat sal kry
Woorde en musiek: Mariëtte Galjaard
Uitgewer: Samro
Skimme
Daar’s skimme, op donker balkonne,
Met lëe, oop koffers wat wag
Daar’s skimme, op skemer perronne,
Wat wag op ‘n trein na die dag
Weerlose, weerlose mense
Op reis van perron na perron
In ‘n middernagland
Sonder grense of tyd
En ‘n ewigheid ver van die son, van die son
En ‘n ewigheid ver van die son
Daar’s skimme, gewikkel in jasse
Verskans teen die winde van ys
Daar’s skimme, met kiste soos tasse,
Vol drome gepak vir die reis
Weerlose, weerlose mense
Op reis van perron na perron
In ‘n middernagland
Sonder grense of tyd
En ‘n ewigheid ver van die son, van die son
En ‘n ewigheid ver van die son
Woorde en Musiek: Koos Du Plessis
Uitgewer: Incline House
Skoppensboer
‘n Druppel gal is in die soetste wyn;
‘n Traan is op elk’ vrolik snaar,
In elke lag, ‘n sug van pyn,
In elke roos ‘n dowwe blaar.
die een wat deur die nag
ons pret beloer
en laaste lag
is Skoppensboer
(is Skoppensboer).
Gewis en seker is die woord:
Die skatte wat ons opvergaar,
Ondanks die sterkste slot en koord
Word net vir mot en roes bewaar.
net pagters ons
van stof en dons
om oor te voer
aan Skoppensboer
(aan Skoppensboer
aan Skoppensboer).
Gewis is alles net ‘n grap!
Ons speel in die komedie mee
Geblinddoek met ‘n lanfer-lap
Wat selfs die son ‘n skadu gee.
wat treur ons tog?
viool en fluit
maak nog geluid;
en lank die nag
wat voorlê nog
(voorlê nog).
(Maar Skoppensboer, maar Skoppensboer)
Al kan ons nooit volmaaktheid raak,
Nog blink die oog en gloei die huid
Wat heel die winter blomtyd maak.
dus onverleë
lag ons maar mee
met elke toer
van Skoppensboer!
(van Skoppensboer
van Skoppensboer)!
(Nota: Bogenoemde is slegs ‘n gedeelte van die oorspronklike gedig, en die hakies dui op eie invoegings.)
Woorde en Musiek: Eugene N. Marais / Abri Helberg
Uitgewers: Select Musiek Uitgewers / SAMRO
Skouspel 2010
Die tannies lyk mooi en die ooms effe rooi
Van die gholf en die masjiene en die blackjack
Dit is warm en opwindend almal loop al singend
Na die super duper dome in die berge
Ricus Nel bly in die Grand Hotel
Hy vang ‘n middagslapie voor al die aksie
En hier is wat hy ons vertel
By die Makietie se grootste attraksie
‘Skouspel Tweeduisend-en-tien’
Refrein:
Maak toe julle vensters
Maak toe julle skuifdeure
Maak toe julle vensters
Maak toe julle skuifdeure
Want skielik uit die bloute met ‘n helse lawaai
Word hy wakker met ‘n klipharde force
Hy kan sy oë nie glo nie dis ‘n hengse bohaai
Daar’s ‘n volgroeide bobbejaan op sy bors
Op ‘n vloer by Die Terrace raak ‘n boer baie jealous
Want sy vroutjie het gaan kyk na die show
En bo-op haar arm is die ink nog warm
Baie liefde groete Nicholis Louw
Terwyl hy skel het sy haar ma gebel
Mamma Willie sê ek misbehaves
En hier is wat ek hom vertel
Hy lê die heel dag by die Valley vannie Babes
By ‘Skouspel Tweeduisend-en-tien’
Refrein:
Maak toe julle vensters
Maak toe julle skuifdeure
Maak toe julle vensters
Maak toe julle skuifdeure
Want skielik deur die venster kom ‘n harige hand
Met ‘n missie en ‘n hewige spoed
Hy kan sy oë nie glo nie dis ‘n three in one
Dis ‘n selfoon en ‘n beursie en ‘n hoed
Die tannies is haaks en die ooms lyk snaaks
In die rokke en die broeke en die make-up
Dit is warm laat oggend almal loop al boggend
Langs die koffie shop en op teen die roltrap
Want toe ‘n pel na daai selfoon bel
– op pad na die show in sy bakkie –
Kom ‘n stem op wat hom mooi vertel –
Maak die bobbejane deel van die aksie
By ‘Skouspel Tweeduisend-en-tien’
Refrein:
Hou oop julle vensters
Hou oop julle skuifdeure
Hou oop julle vensters
Hou oop julle skuifdeure
En altemit een oggend is jy stoksielalleen –
Desperaat vir ‘n bietjie gesels
En word jy bo-op jou balkon na ‘n kuier meteens
Deur ‘n volgroeide bobbejaan ge-omhels (x 3)
Woorde en Musiek: Robbie Wessels
Uitgewer: Coleske Artists Pty Ltd/ Robbie Wessels Produksies
Slang in die gras (met Kurt Darren)
(Duet met Kurt Darren)
Jy, jy kyk nie meer vir my soos vantevore jy kyk verby
Jy, jy ruik nie meer soos Chanel No. 5 nie is dit klaar, is dit klaar
Jy, jy praat nie meer so mooi voor ons gaan slaap nie. Jy praat verby
Jy, lees alweer ‘n boek maar dis ‘n hoofstuk sonder my
Refrein:
Daar’s ‘n slang in die gras hy laat dink my aan jou want jy pik op my
Soos ‘n – vis uit die water voor my oë het jy weggegly
Daar’s ‘n wolk voor die volmaan en hy hang oor jou en my
En dit reën reën reën want dis verby
Jy, jy fluister nie my naam as jy hier langs my lê en droom nie
Jy of ek verstaan hoekom ons paaie nie meer kruis nie, nie meer kruis nie
Jy, jy hoef nie meer te wag as jy wil gaan of weer probeer
Jy kan maar aanbeweeg so sonder my ek is okay, ek’s okay
Refrein x 2
En dit reën reën reën want dis verby
En dit reën reën reën maar ek’s okay
Woorde en musiek: Kurt Darren/Johan Oberholzer/Don Kelly/Marc Brendon
Uitgewer: Select Musiek/Universal Music Publishing
Verskyn op:
Tweeduisend-en-tien!
Laurika Rauch sing die liedjies uit Stuur groete aan Mannetjies Roux
So is my tafel gedek
By my voordeur los die nag die oggendson
‘t Gooi ‘n sagte lig oor die koebaai-traan van die lavender-dou
En my hart onthou daai pers en blou is ‘n gunsteling van jou
So is my tafel gedek, my lief
Altyd en steeds vir jou
By my agterdeur groet ‘n suurlemoengeur
‘k Het daai boom geplant op ‘n sonskyndag
En gewonder wanneer kom die reën
Jy was bly soos ‘n kind oor daai goudgeelvrug wat die son reflekteer
So is my tafel gedek, my lief
Altyd en steeds vir jou
In die middel van my huis: my hartkombuis
Die tafel se elke holte en groef kan van kosbaar tyd getuig
Van die verste verdwaal het ons hier ontmoet in liefde suikersoet
Want so is my tafel gedek my lief
Als van my is eenvoudig lief
Altyd en steeds vir jou
Woorde en musiek: Lize Beekman
Uitgewer: (In Ms Samro / © L Beekman 2008)
Solly en Ma
Na pa se dood was ma alleen
(die Karoo in die winter word koud)
Ek was tien daardie jaar en my broer was vier
En my ma was skielik oud
Sy’t rokke gemaak vir die hele distrik
En gewerk tot laat in die nag
En soms as sy opkyk sou ’n mens kon sweer
Dat sy pa op die drumpel verwag
Solly was ’n boerejood
Op reis van plek tot plek
Met knope en lappe sy brood verdien
Dog kwalik sy petrol gedek
En deur die jare het Solly aan ma
Meer as knope en garing verkoop
Haar oë was nou immer op die pad gerig
In haar hart was daar skielik weer hoop
Na ete dan vat hy ma se hand
En die kinders moes buite bly
Maar selfs na jare se kom en gaan
Bly sy woorde my steeds nog by:
Refrein:
Kom ek en jy gaan vye pluk
En ons los die kind om te speel
Die lewe is hard en die bietjie geluk
Wat ons het, my lief, moet ons deel
Want dis rooier as ’n malva
En dis so seker soos die son
Selfs anderkant die liefde
Lê my hart se horison
Die jare het verbygeflits
Die lewe was goed vir ma
Solly het haar weer ’n vrou gemaak
Gehelp om die las te dra
Maar eendag het ons nuus gekry
Van die Buick op ‘n draai in die pad
Ma se hart het ineengekrimp
Want die here het Solly gevat
Ek weet dit was sonde, het ma gebieg
En die singer getrap dat hy dreun
Want ’n vrou bly ’n vrou, en Solly was man
Maar wat sal jy weet my seun?
En tog onthou ek sy sagte oë
As hy vra of ons buite sou bly
En selfs na jare se kom en gaan
Bly sy woorde my steeds nog by:
Refrein x 2
Want dis rooier as ’n malva
En dis so seker soos die son
Selfs anderkant die liefde
Lê my hart se horison
Woorde en Musiek: Coenie de Villiers
Uitgewer: Songwrights Publishers
Sonder seile teen die wind
Die boot wat in die see verdwaal
Die wind wat deur die branders maal
Sonder seile teen die wind
skommel ons
Sonder om mekaar te vind
In die waters wild kan ons versink
In die donker see sal ons verdrink
Sonder seile teen die wind
skommel ons
Sonder om mekaar te vind
Ons roep uit teen die woeste reën
Waar gaan ons in die warrel heen?
Sonder seile teen die wind
skommel ons
Sonder om mekaar te vind
Kan ons weet of sal ons raai
Hoe vind ons ooit ‘n kalm baai
Sonder seile teen die wind
skommel ons
Sonder om mekaar te vind
Sal ons ooit die land kan haal
Is ons in die see verdwaal
Sonder seile
skommel ons
Op die rotse lê ‘n wrak
Met ‘n mas twee keer geknak
Sonder seile teen die wind
moes ons skommel
Sonder om mekaar te vind
Woorde en Musiek: Pieter J. Swanepoel / Peter McLea
Uitgewers: Select Musiek Uitgewers / Fx Music
Sonvanger
Kyk of jy vir my die son kan vang
Daar’s ‘n kamer in die huis waar ons die son kan hang
Dis donker by die venster in die middel van die dag
Onthou jy hoe helder die kamer kon lag
Kyk of jy vir my die son kan bring
Daar’s ‘n liedjie in die gange wat die son kan sing
Want dis stil in die hoeke, hierdie koue seisoen
Kan jy sien wat die wind en die reën aan my doen
Refrein:
S-o-nvanger
Ek vra jou mooi, laat hom weer vir my kom skyn
S-o-nvanger
Laat my verstaan
Hoe ‘n somer sommerso in die niet kan verdwyn
En laat hom skyn
Kyk of jy vir my die son kan kry
Daar’s ‘n huisie in my hart waar die son kan bly
Kyk of jy vir my die son kan steel
Daar’s ‘n plekkie in die tuin waar die son kan speel
Refrein
Bring ‘n bietjie lig vir die draaie op my pad
En ‘n handjievol strale vir die donker in my hart
S-o-nvanger
Woorde en Musiek: Valiant Swart
Uitgewer: Rodeo Songs
Verskyn op:
Die mense op die bus
Die nuwe trefferalbum
Stemme in die môre
Ek hoor nog somtyds stemme in die môre
‘n Fluistering van vreemdes uit ‘n ver verlore nag
En langsaam word ‘n oerdroom weer gebore
In skemerings van skimme teen ‘n skemerende dag
‘n Nuwe lig
‘n Vergesig
Iewers is daar nog ‘n plek van vrede
Iewers is daar aan ‘n wilde kus
‘n Oord van rus
Iewers in ‘n land van lank gelede
Waar alles oud en onveranderd is
Elke dag beloof ‘n nuwe hawe
Telkens is daar vaste grond in sig
In oggendlig
Elke aand word elke droom begrawe
Maar dan een more keer die stemme terug
Sien ek van die brug in later lig ‘n ou gesig
Net horison
Op horison
Komponis: Koos du Plessis
Uitgewer: Incline House
Verskyn op:
Vir Jou
Grootste treffers Volume 2
Stille waters (circa 2004)
Jy’t gesê ons liefde sal bly staan
Al tuimel al die berge in die oseaan
Doen vir my ‘n gunsie voor jy gaan
Gooi vir my ‘n klippie
‘n Klippie in die oseaan
Wie sal ooit die liefde kan verstaan?
Nader as ‘n hartklop, verder as die maan
Daar is ‘n tyd van kom, en ‘n tyd van gaan
Dit het ek gelees maar
Hoe sal ek dit ooit verstaan?
Refrein:
En kyk hoe sak die sekelmaan
In die stille oseaan
Stille waters diepe grond
Onder draai die duiwel
Onder draai die duiwel rond
Miskien is liefde net ‘n fantasie
Dis nie alles maanskyn en rose nie
Jy was vir ‘n rukkie aan my sy
Was jy net ‘n bietjie
Net ‘n bietjie lief vir my
Miskien is daar ‘n plek vir ons twee saam
Anderkant die berge van die maan
En as die maan weer opkom sal ek onthou
Ek was vir ‘n rukkie
Ook ‘n bietjie lief vir jou
En as die maan weer opkom sal ek onthou
Ek was vir ‘n rukkie
Ook ‘n bietjie lief vir jou
Woorde en Musiek: Christopher Torr
Uitgewer: Chris Torr Music
Verskyn op:
My ou tante Koba
Ander interpretasies: Circa 1992
Stoomtrein
As ek vanaand my sin kon kry
Sou ek weer met ‘n stoomtrein
Deur die varsgeploegde Wes-Transvaal wou ry
Soos jare vantevore
Voor ons die spoor verloor het
In hierdie sinnelose jaagtog teen tyd
En as ek nog ‘n wens kon kry
Sou ek dat hierdie trein van my
Al klikkend oor die spore wieg en swaai
Oor die brug by “Veertien strome”
Wil ek steenkool ruik en stoom
As die wind deur die venster binnewaai
Ja ek verlang na die dae toe die stoomtrein
Nog gery het
En die springbokkop wat ratel teen die stowwerige ruit
Maar ek soek veral na mense wat verdwyn het
Uit my kleintyd
Soos die stoomtrein se weemoedige gefluit
Daar’s net een fout met die wens van my
Om weer eens met ‘n stoomtrein
Oor die spore van my kinderdae te ry
Want die vreugde en die mense
Wat ek soek met my gewensery
Is lank reeds met die laaste trein verby
Woorde en Musiek: Lucas Maree
Uitgewer: Sarral
Verskyn op:
Grootste treffers Volume 2
Die nuwe trefferalbum
Straattroebadoere
Tussen die donker geheime van die nag
Speel die straattoebadoere
Konka-concerto’s vir die suiderkruis
Melkweg en maan
Hartseer konsertinas vir die gloeikool-ballerinas
Van die straattroebadoere
En die prinse van die boendoe
Die grammadoelaboendoe verlang
En die vure in hul oë wys waar die Dixieland paradys hang
Refrein:
Stap saam deur Diagonaalstraat
Stap saam na waar die nagwagte praat
Stap saam waar die straattroebadoere
Oor verlange in hul hart sit en praat
Die twintigste eeu agterlaat (tweede keer)
Woorde en Musiek: Anton Goosen
Uitgewer: Gallo
Verskyn op:
Debuut
Laurika op versoek
Grootste treffers Volume 1
Die nuwe trefferalbum
Stuur groete aan Mannetjies Roux
My oom se motor is ‘n ou masjien
Hy maak dit vol met dieselien
En hy sing in die strate as hy ons kom sien
My oom is oud en ek is skaars dertien
My oom drink koffie en my tannie tee
Ek vra oor die reën en hy sê ja-nee
En hy drink soet koffie met sy een oog toe
En hy praat weer oor die drie van Mannetjies Roux
Refrein:
O stuur ons net so ‘n bietjie reën
My oom het ‘n tenk vol dieselien
En seën my pa en seën my ma
En my oom op sy plaas in Afrika
Maar my oom het gesukkel op die plaas
Want die son was te warm en die reën te skaars
En die man van die bank het net sy kop geskud
Want my oom, ja my oom was te diep in die skuld
My oom se motor is ‘n ou masjien
Hy maak dit vol met dieselien
En hy ry na die lande in die oggenddou
Die lande vaal en sy oë grou
Herhaal Refrein
En as jy in die oggend in die lande stap
Hoor jy nog sy motor met sy klak-klak-klak
Maar my oom, ja my oom se oë’s nou albei toe
In sy brief stuur hy groete aan Mannetjies Roux
Herhaal Refrein
Woorde en musiek: Christopher Torr
Uitgewer: Mac-Villa Music
Verskyn op:
Stuur groete aan Mannetjies Roux
19 Treffers van 21 jaar
Chris se trefferliedjies
Laurika Rauch sing die liedjies uit Stuur groete aan Mannetjies Roux
Ander interpretasies: Met klavier
Stuur vir my ‘n foto
Stuur vir my ‘n foto ‘n Duidelike beeld
Van die plooitjies om jou oë
Onder andere
Maak vir my ‘n afskrif
Van die drome in jou hande
En die skewe, halwe glimlag
Om jou mond
Refrein (1):
Probeer ten minste vaspen ‘n Bietjie van die aard
Van die dinge wat jy liefhet
En onthou ‘n Mens is tog so gou geneig
Om maklik te vergeet ‘n Foto keer
Dat die tyd verweer
Stuur vir my ‘n foto ‘n Duidelike beeld
Van die sprokies en die spoke
Van jou lyf
En die roering van jou palms
En die hartklop in you are
En jou stiltes en jou lag
En selfs jou huil
Refrein (2):
Probeer ten minste vaspen ‘n Bietjie van die aard
Van die dinge wat jy liefhet en onthou
Soos ons ernstige woorde
Oor die dinge van belang
Wat nou reeds stom
In gange hang
Stuur vir my ‘n foto ‘n Duidelike beeld
Van ‘n plek waar ons al saam was –
Of heen wou gaan
Dalk ‘n horison, ‘n waansin ‘n Hawe of ‘n bos
Onthou jy nog hoe ver wou
Ons nog reis?
Refrein (1)
Woorde en Musiek: Dineke Volschenk
Uitgewer: © Dineke Volschenk
Sy’s al wat ons het
Iewers klink die eggo
Nog ‘n skoot uit ’n geweer
Iewers vlug daar diere
En ’n groot boom val neer
Iewers in die verte
Word nog ’n stad gebou
Iewers vaar ’n vragskip
Oor die see se laaste blou
En iewers onder alles
Sug moeder aarde swaar
Sy kyk oor haar skouer
Sy tel nog ’n jaar
Sy dink aan toe sy jonk was
En mooi en sonder pyn
Maar nou is dinge anders
Sy voel die lewe verdwyn
Refrein:
Sy vryf haar moeë bene
Sy’t ’n lang pad geloop
Sy wonder oor haar kinders
Dis haar heel laaste hoop
Sy vou haar hande saam
Soos ’n eensaam gebed
O, wanneer gaan ons leer
Sy’s al wat ons het
Moeder aarde draai haar om
Uit die son se ergste brand
En sy droom van digte woude
En haar oë waai vol sand
Sy soek na haar kinders
Maar hul dans nou met musiek
Langs duisend vuil riviere
Langs berge van plastiek
Refrein
Woorde en Musiek: Nataniël
Uitgewer: Nataniël House of Music
Toemaar die donker man
(Vir Simone)
Op die groen voetpad
Van die horison ver
Om die aarde skat,
Stap ‘n ou man wat
‘n Oop maan dra in sy hare
Nagtegaal in sy hart
Jasmyn gepluk vir sy oop knoopsgat
En ‘n rug gebuk aan sy jare.
Wat maak hy, mammie?
Hy roep die kriekies
Hy roep die swart
Stilte wat sing
Soos die biesies, my hart
En die sterre wat klop
Tok-tok liefling,
Soos die klein tok-tokkies in
Hul fyn-ver kring.
Wat is sy naam, mammie?
Sy naam is Sjuut
Sy naam is Slaap
Meneer vergeet
Uit die land van Vaak
Sy naam is Toemaar
Hy heet, my lam
Toemaar, die donker man
Mammie…
Toemaar, die donker man
Woorde en Musiek: Ingrid Jonker/Laurika Rauch
Uitgewer: Ingrid Jonker Trust (DALRO)/Gallo Music Publishers
Verskyn op:
Debuut
Laurika op versoek
Grootste treffers Volume 1
19 Treffers van 21 jaar
Laurika Rauch sing die liedjies uit Stuur groete aan Mannetjies Roux
Vanaand se maan
Nag loop sy paaie
Duisternis kry sy sin
Geluide word lawaaie
Want die nagstilte het begin
Ver-af skreeu ‘n kiewiet rou
‘n Jakkals kreun sy klag
Refrein:
En vanaand se maan
Is ‘n hartseer maan
Is ‘n spierwit maan
Vanaand se maan is mooi
Nag loop sy paaie
Duisternis gaan sy gang
Die donker word nou baie
En die baie maak bang
Nag se swart maak dood die lig
Die dag sterf in ‘n ster
Refrein x 1
Brug:
Want vra maar die maan as hy so lyk
Hoe dink ek nog aan jou
Vra hom of hy hartseer is
Want hy kan ook onthou
Donker word ligter
Dag se son breek die nag
Die aarde word stil wakker
Want die son sê: “Dit is nou dag”
Twaalf ure se fel verlang
Voor nag jou weer omvou
Refrein:
En dan’s…vanaand se maan
Weer ‘n hartseer maan
En ‘n spierwit maan
Vanaand se maan…
Vanaand se maan is dan weer mooi
Woorde en Musiek: Jeanette Cilliers
Uitgewer: Popps Musique 1999 /SAMRO
Vergeet on my te vergeet (onthou om te onthou)
Die winteraand is om my
Voor die kaggelvuur se kole
Buite tjank die winde
Oe…
Soos die wolwe in die berge
Refrein:
Teen die hortjies klap die venster
En herinner my aan die
Klop van jou kneukel aan my deur
Maar ek weet ook dat jy ver is
En dat ek my
Dood verlang na jou
Vergeet om my te vergeet
Onthou om te onthou
En weet dat jy altyd weet
Ek is lief vir jou
Vergeet om my te vergeet
Onthou om te onthou
Om my te onthou
Later word ek wakker
Van die koekoek-klok se deurtjie
Dis laatnag in die voorhuis
Oe…
En die middernag kom nader
Herhaal refrein
Komponis: Anton Goosen
Uitgewer: Gallo Music Publishers
Verskyn op:
Debuut
Laurika op versoek
Grootste treffers Volume 1
19 Treffers van 21 jaar
Victoriabaai
Kyk hoe sluit die son die hemel oop
Kyk hoe wyk die nag, voor die dag.
Kyk hoe word die see in goud gedoop
Kyk hoe bloos die strand, vol van hoop
Gedagtes vat my soos ‘n kolk wat draai
Deur die newels na Victoriabaai.
Waar die branders in die skuim rond waai
Styg my hart tot waar die seemeeu draai.
Refrein
Ai ai ai ai ai ai ai
Ai ek wens ek was nou daar –
Ai ai ai ai ai ai ai
Op my kliptroon by Victoriabaai
Daar kan ek nog soms my siel oop knoop;
Daar verdwyn die nag en word dit dag.
Daar kan ek my kop van kommer stroop
Op my rots, my troon, vind ek hoop.
Refrein x 2
Op my kliptroon by Victoriabaai
Op my kliptroon by Victoriabaai
Woorde en Musiek: Lucas Maree
Uitgewer: Incline House
Vier seisoene kind
Sy roep my in die rigting van haar hart
Waar die wintervure brand
En die nagte vir die somer lê en wag
Sy giet haar trane in die see
Sy stuur haar woorde met die wind
Na die strande van lankvergete smart
Refrein:
Vier seisoene kind met die winter in jou oë
Waar het ek jou verloor
Vier seisoene kind met die liefde in jou palm
– kyk jou oseaan is kalm
Vier seisoene kind vier seisoene kind
Stuur my nog ’n poskaart met die wind
Sy maak vir my ’n painting van die herfs
As die akkerbome rus
En die wolke soos vlamme oor ons waai
Sy gee vir my ‘n soet Septembergeur
As die Boland lê en bloei
Met die somer wat klop hier aan my deur
Refrein x 2
Stuur my nog ‘n poskaart met die wind x 3
Woorde en Musiek: Gian Groen
Uitgewer: Afrimusiek
Verskyn op:
Vier seisoene kind
Die nuwe trefferalbum
Ander interpretasies: Alternatiewe weergawe
Vir ‘n pepermossie
(Voortaan)
Voortaan sal ek winterskemer
Vleilangs loop
En droë takkies van geraamte
Struike stroop
Die wilgers sal gekruisig
Aan die hemel hang
En ek sal, dood menslik
Na jou terug verlang
Soos na die somer se rinkink
Van vinke in palmiete
En die onbeholpe liefde
Van wildeganse tussen riete
Woorde en Musiek: Willie van der Merwe / Laurinda Hofmeyr
Uitgewer: MS / Samro
Verskyn op:
Die gang
19 Treffers van 21 jaar
Laurika Rauch sing die liedjies uit Stuur groete aan Mannetjies Roux
Vir Jou
Vir jou wens ek ‘n son
Wat liggies oor die aarde stap
En daar lieflik blom
In helder kleure aanmekaargelap
Mm… Vir jou wens ek ‘n son
En vir jou wens ek ‘n see
Wat rustig aan die rotse lek
En skulpe vir jou gee
Om in die poele te kan herontdek
Mm… vir jou wens ek ‘n see
En vir jou wens ek ‘n maan
Wat altyd vol en voller loop
En sterre waarmee jy
Die hemel self sal oop kan knoop
Vir jou wens ek ‘n mens
Wat lief vir jou sal wees
By wie jy dag na dag
Dieper deure kry
Refrein:
En saam-saam ryg julle groepies genot
In een vir jou en een vir my
In rooi halsstringe op
Mm…
Vir jou wens ek ‘n wêreld
Wat mooi moet wees en oop
En sonder seer
En sonder oorlog
En sonder hongersnood
Vir jou net vir jou
Refrein
Woorde en musiek: Rosa Keet/Clarabelle van Niekerk
Uitgewer: Gallo Music Publishers/SAMRO
Verskyn op:
Vir Jou
Laurika op versoek
Grootste treffers Volume 1
Waar ek ook al ry
Geskryf in opdrag van Laurika Rauch op Gordonsbaai strand
My bootjie was ver en verdwaal
In rowwe see sonder tyding of taal
My hart was gestrand, ek was verdwaal in die sand
Soos ’n perd sonder saal
Ek was platsak en kop-onderstebo
Te voet deur die dorre Karoo
Maar toe jy iewers hoor ek het alles verloor
Het jy my kom haal
Oral dra ek die vrees met my saam
Was altyd oorhaastig of skaam
Ek kon skaars begin om ’n mens te bemin
Dan was alles verby
Soveel verwyte moes ek al verduur
Soveel keer met my rug teen die muur
Maar wat ook al die vraag of waarheen ek ook al jaag
Die antwoord is jy
Refrein:
Waar ek ook al ry is daar net een soos jy
Waar ek ook al ry, ry
Waar ek ook al ry, ry
Waar ek ook al ry
Is daar net een soos jy
Nou woon ons in ’n kamer van glas
En ek onthou nog die hartseer wat was
Daardie bittere tyd daardie koue wat byt
Onherbergsaam en kaal
Elke lyf soek ‘n skuiling teen pyn
Net ’n tafel gedek met liefde en wyn
In die hart van die wind in elke storm, daar vind
Jy ’n sprokiesverhaal
Refrein
Brug:
So sal ek jou onthou
Op hierdie eerste dag van die somer, o-o-ou
Met jou hande op die dashboard saamgevou
So sal ek jou onthou
Op hierdie eerste dag van die somer, o-o-ou
Wys jy vir my die drome in jou atlas
En die plekke waarvan jy so hou
Refrein:
Waar ek ook al ry, ry
Waar ek ook al ry, ry
Waar ek ook al ry
Is daar net een soos jy
En selfs al roep daardie einder my weer
Of die rooimiere jeuk en ek wil weer probeer
Om ander stede te sien, nuwe keisers te dien
In ander velde te wei
Dan vat ek jou saam met my heen
Want van nou af reis ek nimmer ooit meer alleen
Ja, ons padkaart is state of the art
En ons vat wat ons kry
Koor x 2
Woorde en musiek: Koos Kombuis
Uitgewer: Trapsuutjies Uitgewers (Sarral)
Waarheen gaan die tyd, my Lam
As die blaar van die boom op die grond sou val
En die wind dit weer kom haal
Sal die wind die blaar na die wolke toe vat
Tot die reën weer op hom val
Dis die siklus van die lewe my kind
Dis ‘n mooi en suiwer ding
Soos die een ons groet en aanbeweeg
Begin die engele weer te sing
Refrein:
En waarheen gaan die tyd my Lam
Jy was jonk gewees en jy was skaam
Jy was weggevoer deur die lewenswind
maar my Hart jy bly – nog steeds my kind
Voor my oë het jy ‘n mens geword
In die modder gespeel en bal geskop
Soos ‘n pleister jou seer kon beter maak
het jy ook geleer met die hart – is dit ‘n ander saak
Ons het saam gelag en saam gehuil
Al die modes probeer – styl na styl
Jou hart was gebreek en weer heel gemaak
In die kiekies lag ons saam x 2
Refrein:
Waarheen gaan die tyd my Lam
Jy was jonk gewees en jy was skaam
Jy was vasgevang in die lewenswind
maar my Hart jy bly – nog steeds my kind
En ek wou jou graag beskerm teen die lewe se seer
Maar tog het ek geweet jy gaan self jou lesse leer
Refrein x 2:
Waarheen gaan die tyd my Lam
Jy was jonk gewees en jy was skaam
Toe’s jy weggevoer deur die lewenswind
maar my Hart jy bly – nog steeds my kind
My kind!
Woorde en Musiek: Christoph Kotze
Uitgewer: Christoph Kotze, © Coleske Artists (Pty) Ltd
Wals, wals Willemien
Daar’s ‘n ou jukebox op ‘n karoo plaas
Waar die mense nog van legendes praat
Waar ’n blues-kitaar nog jou siel kan raak
En ‘n vinyl jou hart soos ‘n neut oopkraak
En sy sê: ‘How about a light and I’ll play you a tune
Ietsie van die Beatles wat jou siel sal roer
Dalk ‘n bietjie Stevens op sy vredestrein
Of ‘n titsel Bob Dylan met sy stem – asof vol wyn’
Refrein:
En wals, wals Willemien
Deur die lewe op jou droommasjien
it’s a rollercoaster ride and a heck of a fight
Maar voor jy moed opgee, begin jou lewe te draai
Sy het groot geword by ‘n ou plaasskool
Tussen Castrol-blikke en ‘n geroeste Ford
(dis daar waar sy leer skryf het en om mens te wees) –
‘n bietjie meer oor die siel en minder oor die vlees
En sy sê: ‘How about a light and I’ll play you a tune
Ietsie van die Beatles wat jou siel sal roer
Dalk ‘n bietjie Stevens op sy vredestrein
Of ‘n titsel Bob Dylan met sy stem – asof vol wyn’
Refrein:
En ek sê: ‘Wals, wals Willemien
Deur die lewe op jou droommasjien
it’s a rollercoaster ride and a heck of a fight
Maar voor jy moed opgee, begin jou lewe te draai’
Wals wals wals Willemien (wals Willemien)
Deur die lewe op jou droommasjien
…so wals Willemien
Woorde en Musiek: Christoph Kotze
Uitgewer: Christoph Kotze, © Coleske Artists (Pty) Ltd
Ware liefde
As die weerligstrale
Oor die golwe dans
En die swart van die nag
Ophelder tot middernag blou
Dan verbrokkel
‘n ieder en laaste skans
Wat ek opbou
Teen die verlange na jou
Wanneeer stadsgeluide
Die blou lug in styg
En voetgangers
Hulle weg deur strate baan
Dan is hartseer stom
Die verlange maak my stil
Want ek weet nou
Sonder jou sal ek ophou bestaan
Al is ek alleen
Is my drome aan jou weggeleen
Vir jou sal ek wag
Deur die ryp van ‘n winterseisoen
Want vir my is dit ware liefde
Wat ewig waar sal bly
Al is ek alleen
Is my drome aan jou weggeleen
Vir jou sal ek wag
Deur die ryp van ‘n winterseisoen
Want vir my is dit ware liefde
Wat ewig waar sal bly
Is dit ware liefde
Wat ewig waar sal bly
Woorde en Musiek: Kupido
Uitgewer: Panorama
Waterblommetjies
Waterblommetjies in die Boland
Waterblommetjies in die Kaap
Maak die bredie net soos in die wynland
En sê jy’s baie lief vir my
Voor jy gaan slaap
Daardie wind waai weer by my voordeur in
Hy maak my hart weer lekker sing
Dis gaaf om die Kaap weer dag te sê
Ek vat jou saam na die koringland
Wie ry saam as my hart so brand
Dis lekker om die Boland lief te hê
Van Hunks het weer sy pyp gestop
Tafelberg se hoed is op
En die bergies begin al huis se kant toe staan
Groenpunttoring knip sy oog
Die Suidoos maak so ‘n wye boog
En die Waalpad help jou as jy huis toe gaan
O die luggie hier is vry
Waar my hart heeltyd wil bly
En ek wil my langs ou Mies Victoria
Neer gaan vly
Laat ons deur die Tuine loop
By die Parade iets gaan koop
As die wind koud waai
Laat ek gou eers jou jas vasknoop
O Kaap, o Kaap, o mooiste Kaap
Jy maak my hart weer baie seer
Jou Ghantang kom mos altyd weer en weer
Die Mayflower het uitgevaar
En gaan snoek haal daar by Houtbaai waar
Karbonkelberg die stormsee gewaar
Drie skepsels het by Dassiepunt
Na die ster gekyk en teen die wind in
Voetgeslaan en die stralekrans aangegee
En hul’t teruggekeer na Tafelbaaai
En op Duiwelspiek vir die engel gewaai
En die engel het ‘n traan uit sy oë gevee
Want daar is waterblommetjies in die Boland
Waterblommetjies in die Kaap
Maak die bredie net soos in die wynland
En sê jy’s baie lief vir my
Voor jy gaan slaap
Komponis: Anton Goosen
Uitgewer: Gallo Music Publishers
Waterval
My letters word ’n ou kasteel
Met torings en ’n grag
My woorde word die water wat
Geduldig op jou wag
En my sinne word die tafels
Wat ek dek vir jou koms
En tussen my paragrawe skuil
My diepste vrese soms
Refrein:
Maar my woorde word die waterval
Wat woedend oor jou waak
My stem word sag en helder
As jou hande aan my raak
Maar my woorde word die waterval
Wat woedend oor jou waak
My stem word sag en helder
As jou hande aan my raak
My verse word die kamers
Waar ek heeldag sit en sing
En elke woord en asemteug
Wil my na jou toe bring
Jou briewe word die vensters
Wat ek oopmaak elke nag
En soos die sterre uitkom
Word my harde hart weer sag
Refrein
Woorde en Musiek: Emile Minnie
Uitgewer: Emile Minnie T/A French Music
Wiegeliedjies
SIEMBAMBA
Siembamba mame se kindjie
Siembamba mame se kindjie
Draai sy nek om gooi hom in die sloot
Trap op sy kop dan is hy dood
Siembamba ek is ‘n baba
Siembamba ek is ‘n baba
Pas my veilig op in die nood
Sus my liefies op die skoot
Siembamba almal babas
Siembamba almal babas
Al die mans is danig groot
Almal babas tot hul dood
Woorde en musiek: C.J.Langenhoven/Trad
Uitgewer: Clan Music
PIKANINIE-WIEGELIED
Slaap Pikaninie ons vee’s in die kraal
Almal ons skapies en bokkies
Môre vroeg kry jy van soetpap ‘n maal
En ‘n paar spierwitte sokkies
Doedoe doedoe
Slaap Pikaninie die ou bobbejaan
Ken mos vir jou vantevore
As jy nie slaap kan jy seker wees man
Byt hy jou neus af en ore
Doedoe doedoe
Kruip nou maar diep in jou velkombers in
Mammie bak lekker vars tertjies
As jy nie slaap kry Ou Mombak sy sin
Slaat Pikanien op sy stertjies
Doedoe doedoe
Woorde en musiek: Walter Spiethoff
Uitgewer: SARRAL
SLAAP KINDJIE SLAAP
Slaap kindjie slaap
Daar buite loop ‘n skaap
Skapie met witte voetjies
Drink tog sy melkies so soetjies
Skapie met sy witte wol
Kindjie drink hom boepens vol
Woorde en musiek: Tradisioneel
Uitgewers: Clan Music
Windliedjie
Waar slaap my liefde, my liefde vannag
Sterre wat wieg in die denne en winde
Sterre wat wieg en sterre wat wag
Waar slaap my liefde, my liefde vannag?
Denneboom donker, rooipad en naglied
Naglied van diere en duistere winde
Waar slaap my liefde, wie stil sy verdriet?
En sal ek my liefde, my liefde weer vinde?
Winterwind lei my deur bittere nagte
Tot uit die duister ek saggies kan staar
Hoedat hy sluimer, en sluimerend my smarte
Eindelik diep in my hart laat bedaar
Woorde en Musiek: Ingrid Jonker/Laurika Rauch
Uitgewer: Ingrid Jonker Trust (DALRO) / Gallo Music Publishers
Winter
‘n Winter herhaal hom
Na ses, sewe jaar
‘n Wysie wat spook
Op ‘n stokoue snaar
Jy probeer dit verduidelik
Probeer dit besweer
En jy dink jy verstaan dit:
Wel, die dinge gebeur
Die wind van die berg af
Laat die dakplate kreun
Vieruur in die môre
In die triestige reën
So maak ons liefde
So leef ons weer
En dan neem ons afskeid
Tot die volgende keer
Dai da da da dai…
Ek wens ek was by jou
Daar waar jy nou bly
Maar nou ja, jy’s so ver
En die tyd vlieg verby
Vertel my van liefde
Ek leer soos ‘n kind
Want my hart is deur die jare
Se kalklig verblind
Dai da da da dai…
Soms so onseker
Soms selfvoldaan
Liefde weet beter
Die hart sal verstaan
Dai da da da dai… x 2
Woorde en Musiek: Richard Van Der Westhuizen/ Lochner De Kock
Uitgewer: MS/SAMRO
Verskyn op:
Die mense op die bus
Laurika Rauch sing die liedjies uit Stuur groete aan Mannetjies Roux
Winterure (circa 2007)
’n Duisternis fluister oor die see in die winterure
Die ontroosbare matroos droom vae gedagtefigure
Sorg dat die soet see se beloftes my nie dreig
Dan hoef ek nie my seile te laat styg
Refrein:
Jy hoef nie die son te wees as hy die nag verdun nie
Of die reën as dit begin nie
Jy hoef nie die vonkelvloei van watervloei te wees
Wees maar net die hoop van my vrees
Die koue soen van die die seisoen is die mens se geskenk
Woorde val wat oumense herinner aan herdenking
Beloof dat jy ’n ou droom van die nuwes sal kan maak
Dan hoef ek nie die wind weer aan te raak
Refrein
Die aand omhels die skoorsteen waar die vuur gesterf het
Die stad se lig is ’n blink gesig vir die wat geswerf het
Bly maar net my kers want plek en tyd is wreed
Dan is ek vir die vreemde dag gereed
Refrein x 2
Woorde en musiek: Paul Clingman
Uitgewer: 3RD Ear Music
Verskyn op:
‘n Jaar in my lewe
‘n Lekker verlang liedjie
Ander interpretasies: Circa 1980
Woud van Stilte
Geïnspireer deur “Bridge Over Troubled Waters” (Paul Simon)
Wanneer die herberge teen my gesluit word
As ek van vermoeienis klein is
Vlam jy ‘n vuurherd van vertroosting
Jy laat die grys van gister
Rooi in donker klowe blom
In my hart plant jy
‘n Woud van stilte
Wanneer ek teen die skemer se sperdraad verstar
Die nag soos ‘n tronk om my sluit
As my oë oorstroom
Verjaag jy die droefnis met die oop horison van jou stem
Wanneer die twyfel snuffel aan my dink
As ek steier teen die afgrond (van vreemde kennis)
Leer jy my vlieg soos ‘n boot met seile
Woorde en Musiek: Marietjie Joubert/Hannes Beukes
Uitgewer: Gallo Music Publishers/SAMRO
Verskyn op:
‘n Jaar in my lewe
BRON: https://laurikarauch.com/liedjies-en-lirieke/
Anze
Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...