Jongste aktiwiteit:

Amanda De Meillon
vir

Amanda De Meillon

Lees meer oor Amanda De Meillon

Desember 2020 – OOP-projek

1.Tatoos, Tawwe Tienies en Teddiebere

My teddiebeer. Dit is wat ek my 6 voet 6 reus noem. Koop mos die anderdag vir hom ‘n BMW 1200cc
motorfiets. “Midlife crisis”, spot sy dogter uit Engeland en lees hom die leviete voor. Hy swaai sy been
oor die rooi sitplek van die motorfiets. “Ek moet ontslae raak van hierdie boep as ek saam die ‘bikers
club’ wil ry”.

Kyk maar na die mense om jou wanneer ‘n trein motorfietse aangebrul kom. Hulle beweeg vinnig weg
van die gevaarsone. Motorfietsryers word almal onder een kam geskeer. Wild. Roekeloos.
Onverantwoordelik. Niemand sien die ander sy van hierdie sagmoedige leerbaadjiebendes raak nie.
Hulle is familie. Wanneer ‘n broer in die moeilikheid beland, staan almal saam om te help. Selfs al
behoort hy tot ‘n ander groep ryers. Hulle harte en hande is oop vir die mense om hulle.
Dit is slegs wanneer jy in die binnekring toegelaat word dat jy beter insig in hierdie wêreld van die
sogenaamde doodskiste op wiele kry. Dit is nie hulle wat die gevaar op die pad is nie. Lede volg streng
klubrëels wanneer dit by padverbruik kom. Hulle ry in formasie met die president en vise-president
heel voor. Dan volg die kapelaan – ja, die groep het hulle eie kerk leier – die tesourier en dan die ander
lede in orde van senioriteit. Heel agter ry die padkaptein wat die groep se veiligheid in sy hande hou. Hy
sorg dat die motors nie tussen die ryers inbeweeg en sodoende ‘n breuk in die trein veroorsaak nie. Dit
is ook sy plig om nuwe lede padwys te maak.

Die lede dra leerbaadjies of te wel ‘leathers’ waarop die klub se logo en rang van die lid voorkom.
Nuwe lede moet deur ‘n inisiasieproses gaan en kan uitgeken word aan die afwesigheid van logos op
hulle baadjies. Hulle moet hierdie logo verdien deur sekere opdragte te voltooi. Streng keuring vind
plaas voordat iemand tot die klub toegelaat word. Vroue in hierdie groepe hoef nie deur hierdie
prosesse te gaan nie. Haar man aanvaar volle verantwoordelik vir haar. Hulle word met
respek behandel en hanteer ook al die liefdadigheids funksies gedurende die jaar.
Van die lede word verwag om aktief deel te neem aan groeps aktiwiteite.

Soms breek hulle weg Harties toe vir ‘n melkskommel of twee. Die rëels van elke groep verskil, maar die
Christelike groepe is baie streng ten opsigte van alkoholmisbruik. Geen ryer sal dit waag om sy mond
aan drank te sit wanneer hy sy motorfiets hanteer en-of sy klubklere aanhet nie. Wanneer hulle by ‘n
kroeg bymekaar kom, word daar koeldrank en water uitgedeel. Dan gesels en kuier hulle tot laataand.
Dit word ‘n gespelery en gespottery onder mekaar. Dit is dan wanneer die spreekwoord; “Boys will
be boys, the only difference is the size of their toys
”, werklik betekenis kry. Tawwe tienie teddiebere met
harte van goud.

Amanda De Meillon

 

April 2023 – KLUG projek

3.Kersvader is ‘n klug waarin net grootmense glo

Daardie oggend toe ek vir die eerste keer die wattabaard behoorlik in my hande kon hou, daardie oggend was die bevreidendste oggend van my hele lewe. Ek het die baard vertrap en diep onder in die asblik gesmyt. Daar het ‘n reuse klip van my skouers afgerol.

Vader Kersfees is ‘n klug. Die grootste klug waaraan die ganse mensdom regoor die wereld glo. Tog is selfs volwassenes geskok wanneer jy hierdie waarheid voor hulle neerlê. Jy moet koes en keer vir die klippe wat na jou kant toe gegooi word.  Jy is ‘n monster.  ‘n Breker van kinderharte.  Hoe durf jy die enigste ou bietjie pret van hulle ontneem. Soms wonder ek wie eintlik die kinders in hierdie gru verhaal is. Waar kom die ou met sy swart stewels en rooi kleed nou eintlik vandaan. Want net soos ons ons kinders leer dat daar geskenke onder die boom vir hulle wag, neergesit deur ‘n vet boepens oom in ‘n wonderslee, net so kan ons eerder ons kinders leer dat hy eintlik ‘n klug is. Die arme man vrek seker van die hitte in daardie oordadige gewaad en stewels in hierdie hittige land van ons. Kan jy jou voorstel hoe sukkel hy om parkering vir sy slee te kry? Die arme takbokke se hoewe gaan vashak aan elke sinkplaat of stukkende teel om nie eens te praat van al die onwettige elektriese bedrading wat loslappie in die lug hang nie. Kinders is nie meer kinders van ouds nie. Ons kinders is meer ingelig oor alles. Hulle weet dat daardie boepens manlike rooikappie net ‘n fabrikasie van lank lank gelede se kaggelstories is. Wat hulle wel weet is dat daar elke Kersfees geskenke op hulle wag. Dit maak nie saak of die ouman met sy baard of klaasvakie self die geskenk aflewer nie. Hulle weet dat daar ‘n Game, ‘n Makro en ander winkels is waar geld die ruilmiddel vir die jaareind belonging is. Die rye by die kersvader fotohokkie word elke jaar korter. Die klug gaan homself uitwoed.

 

337 woorde

Amanda De Meillon




Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 'n kleinseun en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Up
Top Ranked Users

[joinup_core_top_members columns=”1″ space=”no” max_members=”3″ behavior=”columns” columns_responsive=”predefined”]

Activity Feed