Welkom, Besoeker
Welkom, Besoeker

Titel: BOTSELTJIES MET BEKKIES GETUIT (Brons)

Deur Vonnie
Datum gepubliseer: 13 September 2021 Aantal woorde: 181 33 Kere gelees Hou van

Met die winter verby,
kan ons die koue vergeet
en sonder énige twyfel
kan ons dit maar weet…
dat die snerpende koue winter
nie gekom het om te bly,
dus kan ons maar in
“dis heerlike lente” gedy!

Nuwe botseltjies bot
vrolik aan bome groen;
héérlike beloftes van
geelperske en lemoen.
O, die wonder van die lente
wanneer botseltjies hul bekkies getuit
oopmaak en veelkleurige blommetjies
in die lente uitbundig uitspruit.

Kyk verby die bruin en vaal
na die blou van die lente in die lug
en drink die wonder daarvan in
met ‘n diep en behaaglike sug.
Luister fyn in die lente
wanneer die voëltjies sing,
sodat dit hemelse musiek
na jou ore mag bring.

Ja, strelend op jou hartsnare speel
en jou diep in jou innerlike wese heel.
Niks, is só sielsverkwikkend en vars
as kleure wat uitspattig uit hul nate bars.
Ook trane van blydskap soos hemelse dou,
ná die winter se genadeloos en geniepsige kou.
Sing dan “dis heerlike lente, die winter is verby”
en wees juigend soos wat jy jou daarin verbly.

(Kopiereg voorbehou)




TEMAS
2 Kommentaar
  1. Anze

    13 September 2021

    Pragtig, baie dankie vir jou bydrae tot die September 2021 – Positiwiteit projek

  2. Magrietha Marx

    13 September 2021

    Pragtig Tannie ❤️

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 30
Kommentaar telling: 1

Ek is allereers die trotse skrywer van Afrikaans, my pragtige moedersknie-taal! 'n Gepubliseerde vryskutjoernalis met artikels in van ons Afrikaanse tydskrifte soos Huisgenoot, Sarie, Vrouekeur en Rooi Rose. Ook digter,  liriekskrywer en komponis. Dus liedjieskrywer van my eie, sowel as ander se gedigte en lirieke en hartstogtelik lief vir musiek en sang. Ek geniet myself gate uit met die skryf van rubrieke, skryf ook verhale en maak ook so nou en dan keel skoon by wyse van 'n lekker ou gorreltjie. En o ja! Na baie, baie jare as skrywer, het ek uiteindelik drie boeke die lig laat sien en is ek nie 'n bietjie trots nie! My biografie Daar huil 'n kind in my, Rubrieke sonder brieke en Gedigte op die vleuels van musiek. Daar...genoeg. Nou moet ek verder aan die skryf kom!

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

3 Lede, 108 gaste aanlyn

Bydraes – Argief