Die Winterwind
Winterwind ( Verbei = afwag, wag op, en
Danse Macabre = dans van die dood of dooies deur
Camille Saint – Saëns)
Dis al weer middel van Mei,
wyl ons die volle winter verbei,
die somer traag adieu roep in
winterse melankolie met die hoep- hoep——
Waarom voel alles skielik so ver
die bekende nabye prekêr
as gehuil van die troostelose klaende winterwind
ylings voortspoed ontwykende warm liefde te vind—
Waarom voel almal skielik so ver,
selfs met landlyn en selfoon afgesper?
Dit is die winterwind
wat jou siel inbind,
dit is die winterwind
wat die rus verslind,
dit is die winterwind
gevoel van eensaam onbemind,
dit is die winterwind
se loei deur takskelette geswind
in ‘n Danse Macabre
van rittelende ontvleesde kadawers
van kaalgestroopte boomgeraamtes
wat die storm uittart sonder skaamte—
Bedaar , o stormwind, bedaar,
laat jou tierende woede opklaar
en die rus nie verder uittart,
bring weer vrede in my hart—
Janetta – Helena [Babs] ©
4 Kommentare
-
neels claasen
dit is werklik n pragwerk
-
Janetta-Helena Boonzaaier
dankie
-
-
Evelyn van der Merwe
Hou van jou besonderse woordgebruik. Knap gedaan.
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig tannie Babs.. en 'n GROOT welkom op INK!