Dwaas op dwaas
Dom dwase is volop
dis in hul spel en praat
maar die dwaas
van my gedig is
van ’n ander aard.
Engels is soms beter
dit weet ons goed
want die fool van liefde
se pil is bitter soet.
Dis nie liefde wat seermaak nie
sê die slim mense gereeld
dalk word mense net deesdae
te maklik daardeur verveeld?
Dalk is die poel van my dwaasheid
dan net diep
en word dit deur die diepte
van my soeke verdiep.
Want ek?
Ek sal ’n dwaas bly
in my hoop
dat liefde weer eendag
na my toe sal loop.
© Anria (01/02/2016)
Anria
... daar is altyd Hoop.
6 Kommentare
-
Somerreën
Mal oor jou slot....en rym. Mag liefde na jou toe hardloop.....xx
-
Anze
die ritme van jou gedig werk puik.. Pragtig gepen
-
neels claasen
Goed geskryf anria
-
Louie
Die slim mense darem? Nou ja, mooi geskryf
-
Anria
borrels, Somerreën, Anze, Neels en Louie, vreeslik dankie dat julle gelees het en vir julle kommentaar. Ek waardeer dit regtig baie.
Maak 'n opvolg-bydrae
Jy moet aangemeld wees om 'n kommentaar te plaas.
borrels
Dis pragtig Anria ... die hoop mag nooit beskaam nie :-)