El Nino
El Nino
El Nino,
jou soetklinkede naam
is boos en ‘n vloekwoord op
swart verdorde graanland en
tussen stomp afgevrete graspolle
en kaal skelet bossieveld waar
uitgemergelde honger diere
tevergeefs na blaarties soek en
die swerm aasvoëls versigtig dophou
wat fees op ‘n dooie hongerdood karkas—
Mens en dier hou die bloulug dop en
bid soos Elia vir ‘n ou wolkie van hoop
al is dit dan ook maar net handgrootte—
Die koppe hang vermoeid onder die
brandende versengende droogteson
honger en dors, uitgeteer strompelend
voort, ‘n redelose dier, in reddelose ellende
Ganade Here,
Genade—
Janetta – Helena [Babs]©
2 Kommentare
-
-
Janetta-Helena Boonzaaier
Baie dankie HelenaMellet ek waardeer jou kommentaar. Ek is 'n plaaskind en het erge droogtes gesien!
-
Maak 'n opvolg-bydrae
Jy moet aangemeld wees om 'n kommentaar te plaas.
HelenaMellet
Jy het die droogte goed vasgepen.