Welkom, Besoeker
Welkom, Besoeker
Verwys na kategorie

Februarie 2022 – Liefde(oop) projek

Beste INKers

Ons het skaars Kerstyd gevier en hier lê die eerste maand weer op haar rug.

Ek weet dit is ‘n cliché om in Februarie oor die liefde te skryf, maar dit ten spyt, wil ek tog die onderwerp hierdie maand gebruik.

Ek wil almal egter aanmoedig om die “liefde” op ‘n nuwe, unieke manier te takel en met oorspronklike werk te spog.

In al die afdelings is daar geen lengte reëls, vorm voorstelle, of derglike voorskrifte nie, maar slegs een opdrag: ondersoek die term “liefde”.

Kom ons almal takel die onderwerp met nuwe ywer en debuteer met ‘n opwindende werk.

Lekker skryf, en doen dit in Afrikaans.
Skryfgroete
Projekbestuurder

*ONTHOU SLEGS 2 INSKRYWINGS PER AFDELING PER LID ASB. ELKE LID MOET OOK ASB SY STERGRADERING VIR ONS DEURGEE AAN DIE BOKANT VAN SY/HAAR PUBLIKASIE ASOOK DIE WOORDETAL VAN JOU PUBLIKASIE INDIEN DIT NIE N GEDIG IS NIE

aweregse liefde (Silwer)

Deur Datum gepubliseer: 28 Februarie 2022 11

eens was ek
vir jou dié een
skielik is ek
Vyand Nommer Een

tog laat jy my nie gaan

jy misken my
nonchalant en ongeveins
jou eens liefdevolle oë
kyk nou kil, stoïsyns

tog breek jy nie weg

indien jy my eendag
dalk sak en pak verlaat
sal jy sekerlik verklaar
“ek het jou liefgehaat”

Kleinkindliefde

Deur Datum gepubliseer: 28 Februarie 2022 8

Kleinkindliefde

Jy ken my nie
tog het jy my so lief
Jy ken my nie
tog is ek jou hartedief

Onvoorwaardelik
vou armpies om my
Onverdienstelik
met woordjies gevlei

Net soos ek is
in plooie getooi
Het jy my binne-in
jou hartjie genooi

Ek vermoed
die Boek van Liefde
het dit so bedoel
dat liefde
sό moet voel

Elisma van Zyl

hemelreen

Deur Datum gepubliseer: 28 Februarie 2022 12

Hemelreën
(Sonette)

As die hemel liefde kon reën
sou ek opgaardamme bou
liefde daarin hou
gebroke harte daarmee seën

As die hemel jόύ liefde kon reen
sou ek die son daarop laat skyn
saam met jou verdwyn
jou vir ‘n wolk-oomblik leen

Ek sal reenboë verf
met ons liefdespallet
en saam met jou rondswerf

Ek sal ons name uitkerf
in…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

 

SOLIDARITEIT – Trotse borg van INK dig/skryf kompetisie

 

Gebruikers Aanlyn

0 Lid, 258 gaste aanlyn

Bydraes – Argief