Welkom, Besoeker
Welkom, Besoeker
Verwys na kategorie

November 2018 projek

Beste INKers

Hierdie maand, so naby aan die einde van die jaar, is meeste vuisvoos. Poësie en Prosa kan egter as goeie ontvlugting dien. Wel, dit is wat ons met hierdie projek gaan probeer bemeester: ‘n virtuele woordereis deur die wêreld.

DIGTERS:
Skryf ‘n gedig, in enige vorm, sonder voorskrifte oor lengte, tipografie of styl, oor jou gunsteling stad in die wêreld. Dit hoef geensins ‘n metropool te wees nie. Selfs jou gunsteling klein Suid Afrikaanse dorpie in die platteland. Solank jy jou gedig gebruik om behoorlik te motiveer waarom dit jou gunsteling sou wees.

VERHAALSKRYWERS:
Skryf ‘n verhaal met die onderwerp: “Antie Koot van Koffiefontein”. Jou verhaal kan ‘n ander titel hê, maar die onderwerp moet beskryf word. Jou verhaal kan komies of andersins wees. Nie meer as 1500 woorde nie. Merk asseblief die woordtelling in hakies langs jou titel.

ALGEMEEN / GORREL:
Skryf ‘n opiniestuk oor die funsionaliteit (of gebrek aan) dienslewering in jou dorp. Nie meer as 1500 woorde nie. Merk asseblief die woordtelling in hakies langs jou titel.

ARTIKEL:
Skryf ‘n artikel oor goeie, getoetsde idees vir die opknapping en bestuur van ‘n skoon stad. Sien byvoorbeeld idees soos Kigali in Rwanda. Nie meer as 1500 woorde nie. Merk asseblief die woordtelling in hakies langs jou titel.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans want die taal lewe.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

stilte in St Helenabaai

Deur Datum gepubliseer: 23 November 2018 12

vanaand is dit vrydag aand
suidewinde wil steeds regeer
palmtakke klap heen en weer
amper einde van die maand

oor die duine hoor ek die see
golwe wat rasend nader storm
en seevoëls wat swerms vorm
witmuur huisies is goed geleë

vanaand kom die maan laat op
sy gloed verlig die…

Rondom Graaff-Reinet is berge (Brons)

Deur Datum gepubliseer: 23 November 2018 7

Mamma, kyk die berrrrge!
huppel haar Heidi-rokkie
rooiwang vrolik in die straat

hulle rys bo die toring van die kerk
om rond en om die dorpie af te merk

Tandjiesberg, Lokasiekop
Sneeuberg en Spandauskop
vorm kloutjies oor die skittergroen
van Kamdeboo
se eie kroonjuweel

vul lewens al van kindertyd
met liefde en respek
vir wie die Here is

vir geskiedenis en mense
kultuur…

‘n Stukkie Afrika

Deur Datum gepubliseer: 23 November 2018 5
In die winde wieg die vaal grasland; aan sy grense verrys saambreeldorings – swart gebrand. In die wit sand lê my spore…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 103 gaste aanlyn

Bydraes – Argief