Welkom, Besoeker
Welkom, Besoeker
Verwys na kategorie

November 2018 projek

Beste INKers

Hierdie maand, so naby aan die einde van die jaar, is meeste vuisvoos. Poësie en Prosa kan egter as goeie ontvlugting dien. Wel, dit is wat ons met hierdie projek gaan probeer bemeester: ‘n virtuele woordereis deur die wêreld.

DIGTERS:
Skryf ‘n gedig, in enige vorm, sonder voorskrifte oor lengte, tipografie of styl, oor jou gunsteling stad in die wêreld. Dit hoef geensins ‘n metropool te wees nie. Selfs jou gunsteling klein Suid Afrikaanse dorpie in die platteland. Solank jy jou gedig gebruik om behoorlik te motiveer waarom dit jou gunsteling sou wees.

VERHAALSKRYWERS:
Skryf ‘n verhaal met die onderwerp: “Antie Koot van Koffiefontein”. Jou verhaal kan ‘n ander titel hê, maar die onderwerp moet beskryf word. Jou verhaal kan komies of andersins wees. Nie meer as 1500 woorde nie. Merk asseblief die woordtelling in hakies langs jou titel.

ALGEMEEN / GORREL:
Skryf ‘n opiniestuk oor die funsionaliteit (of gebrek aan) dienslewering in jou dorp. Nie meer as 1500 woorde nie. Merk asseblief die woordtelling in hakies langs jou titel.

ARTIKEL:
Skryf ‘n artikel oor goeie, getoetsde idees vir die opknapping en bestuur van ‘n skoon stad. Sien byvoorbeeld idees soos Kigali in Rwanda. Nie meer as 1500 woorde nie. Merk asseblief die woordtelling in hakies langs jou titel.

Ek sien uit om julle vaardigheid te beleef. Skryf in Afrikaans – dis die mooiste stem!
Lekker skryf; maak my trots!
Skryf in Afrikaans want die taal lewe.
Groete
IM – Projekbestuurder

*ONTHOU ASB SLEGS 3 INSKRYWINGS PER LID PER AFDELING

Sag soen die Nylstroomson

Deur Datum gepubliseer: 22 November 2018 10

my hart lê vasgevang
in Nylstroom se natuur
waar in die gloed van
‘n laataand vuur onder
die hemelkom hang
is die groot genade (asof
sonder swaartekrag)
gevul met Vryheid van Bo

die mooiste van mooi
is die sonsopkoms
oor die Springbokvlakte;
dis daar waar die son
haar roete na opkoms verpas
en ‘n wyle sprakeloos vertoef
om die reinheid in te adem
van…

Jy moet eintlik lief wees vir niks

Deur Datum gepubliseer: 22 November 2018 8

Kameel, kameel waarheen vat jy my?
hier op jou boggel’rug
in die ongenadigde son
van die Namib woestyn

Oor die vlaktes
verby die seekus van die Dood
deur digte mis, en verborge rotse
‘n begraafplaas van skepe, en verbleikte bene

Oor die duine loop ‘n kaalvoet boesman
met twee stapstewels, wat om sy nek hang
in die verte wei…

Plastiek Woorde (565)

Deur Datum gepubliseer: 22 November 2018 22

Koffiefontein is een van daardie dorpies waar jy elke soort onder die son vind. Tante Kotie weet dit alte goed. Party noem haar dan “Antie” of “Antie Koot” of sommer “Antie Koot van Koffiefontein”. Sy verkies Tante Kotie – dit klink net meer opgevoed.

Aai, maar dis die kinders wat…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

1 Lid, 107 gaste aanlyn

Bydraes – Argief