So breek vir ons almal nog ‘n lente aan. Die veld vibreer vinniger en die voëls sing asof hulle hul eie liedjies wéér getoonset het.
Dit is die mees omskryfde seisoen, maar dit ten spyt, wil ons hê dat die unieke skrywers van INK die projekblad besaai met die mooiste kleure, geure en vibrasies wat net Lente kan bring.
In regte egte Lente stemming is die PROJEK ‘n vrye uitdaging en kan die digter en die storiemaker vryeteuels neem en die wonder van lente besing.
Daar is geen reël oor styl, vorm, lengte, diksie, of rympatrone.
Besing die Lente!
Bekoor ons.
Projekbestuur
Duisternis het strak
voor sonstrale gewyk en
nou lê die lunabal
boepens, bleek en skaam
opgerol onder doukombers
ver buite die songeselskap
om tog nie tande te tel,
met stom lippe, ongehoor
maar knipperoog
van sien gesoog;
sikspens drome is reeds
opgewonde gehang
aan die rooi van ‘n
geswelde
perskewang.
© Anzé Bezuidenhout
‘Dis heerlike lente, die winter’s verby. Weer vrolik die velde, vir jou en vir my’ of
‘Al die veld is vrolik; al die voëltjies sing; al die kriekies kriek daarbuit’; elke sprinkaan spring’.
Lentetyd is Lasarus-tyd. Dis lewe-kry en opstaantyd. Dis tyd om die liefde op te warm, romanse…
Waar daar vreugde groei
sal lente bloeisels bloei
bring waarheid aan my drome
dek ek groen die bome
So skoon en ongeskend
so stil, sag en soet
geluk wat so diep
nestle in my bloed
Ek sien ‘n pad van grassies sag
en oor dit skyn die sagte maan
‘n ster wat helder blink
in die tuin van liefde en…
