Welkom, Besoeker
Welkom, Besoeker
Verwys na kategorie

Projek – Teenstellings (1 Mei 2016 – 31 Mei 2016)

Hierdie maand wil ons hê u moet effe dieper delf en inskrywings doen wat TEENSTELLINGS weerspieël. Dit kan natuurlik wees donker teen lig, liefde teen haat, hartseer teen vreugde.
Gebruik nuansering om die leser van die teenstellings bewus te maak soos bv:

‘As die donker swaar en grof sleep
waar voete min en waaksaam loop –
soos tande knaag aan die swaar siel
wat die lentegeur en flikkermooi
van die lig verloor het…’

Wees mooi beskrywend en daag uself uit om die emosies van die teenstellings te verwoord.

INK weet sommer dat u hierdie uitdaging gaan omarm en almal is opgewonde om te sien watter pragwerk hieruit gaan voortspruit.

Doen Afrikaans goed, skryf jou hart in INK!
Projekbestuur.

Doka

Deur Datum gepubliseer: 15 Mei 2016 15

Strale val subjektief
oorbelig op vers formaat
geprojekteer deur negatief
as bundels swart en wit
in die lens se objektief
om sigbaar vergroot te lê,
in die donker as ligsensitief

Gebeeld en gebad op papier,
fikseer ek grief en lief
wat ontwikkel as emosie
gehang en gedroog as brief

Tweestryd

Deur Datum gepubliseer: 13 Mei 2016 14

As jy my entoesiasme
blus met antagonisme
mag ek jou dalk net
met entoesiasme
antagoniseer

Sprogedie

Deur Datum gepubliseer: 13 Mei 2016 15

Sprokie liefde is die skulp
waaruit ek my pêrels skep
‘n halsnoer om my nek
vibreer stom as my stem

Lekseme lê soos Sneeuwitjie
in ‘n glas kis ten aanskou
aan hartseer verstik
met ware liefde opgewek

Om saam Skoonlief weer
die Ondier te trotseer
met n wals van woorde
‘n roos se verlep te keer

Al spinnende slaap die Skone
in…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 216 gaste aanlyn

Bydraes – Argief