Murmel woorde
Deur ‘n doringdraad
kruip ‘n pers blom
wat barslip hunker
na tye wat was
Ryp lӗ die vrug en aar
oor die milde land
hoe verstaan ‘n ou man die pyn
wanneer lewe in sy kop verdwyn?
Hoe gryp krom hande
na voetspore
wat doelloos in die wind lӗ?
Die reӫngrou duiwe
wat patrone flits
teen die koue kranse
vlieg verward teen mekaar vas
En so sal dit aanhou…
al probeer jy tevergeefs
uit hierdie tronk
van ‘dementia’ vlug
Kyk ek terug
na jou geboӫ rug
verwese en hulpeloos
in ‘n wӗreld wat murmel
in die holtes van vergeet
6 Kommentare
-
-
Palet
Baie dankie, waardeur jou
-
-
Eduard Smith
Ek dink die siekte (aardige toestand) word mooi verbeeld. Ek hou van die metafoor van die duiwe wat blink teen die kranse flits; dit dui so effe op hoe die brein sal funksioneer in die geval van ´dementia´. Ek verstaan die verwysing na doringdraad aan die begin van u vers, maar sou graag wou weet waarna die persblom verwys? Dit is semantiek, maar ek is nuuskierig. Ek stel voor dat u die ´ê´ met ´n kappie gebruik (ALT + 136) want die aksent soos in u vers is een wat deur die Spaanse/Portugese tale gebruik word en nie in Afrikaans ´n funksie het nie. Die gedig is smaakvol.
-
Palet
Hi, dankie vir die lees en kommentaar.. ".pers blom " pers laat my dink aan treur...wanneer iets of iemand doodgaan...in die geval die brein ;-)
-
-
Anze
puik die aakligheid en hartseer van Alzheimers vasgepen
-
Palet
Dankie baie
-
Maak 'n opvolg-bydrae
Jy moet aangemeld wees om 'n kommentaar te plaas.
Viooltjie
Ek dink dis 'n baie goeie gedig oor die toestand waaroor jy hier skryf. Welgedaan :-)