Welkom, Besoeker
Welkom, Besoeker

Skrywer:

Annamarie

Sterrebeeld SILWER

Deur Datum gepubliseer: 1 Desember 2021 17

Sterrebeeld

Jy sterrestrek dwarsoor my swarthartplek se donkernag
En skitterskyn derduisend flonkerfyne stukkies prag
Ek skilderskets daarmee ‘n hoopvolets in huiwering …
Ons spikkelspoor dankbaar my hartverloor die heelal in.

©ASvdMerwe

Fraktuur SILWER

Deur Datum gepubliseer: 1 Desember 2021 13

Fraktuur

Die impak plaas die fokus op my
en my binneste lê vir almal oopgesprei.
Deur donkerte omstraal, alleen,
word ek met x-straaloë bejeën.
En dié wat koud en klinies kyk
beskou die hard’, gebroke werklikheid;
merk skaars die skadu’s van my sag
wat ook verpulpd om raaksien smag.

“Dit was dalk lankal reeds gekraak.”
“Tot ons uiterste verbasing.”
“Tog…

In ‘n nuwe huis (SILWER)

Deur Datum gepubliseer: 1 Oktober 2021 20

In ‘n nuwe huis
(met ‘n glasruitstort)

Dis suiwer seën
soos die stort
al my stofstrepe
en sukkelswaardra
wegspoel.

Die druppels reën
en dit word
genadegrepe
sonder dat ek vra,
en voel

net soos reën
wat dor aarde seën.

©ASvdMerwe

Herfs (SILWER)

Deur Datum gepubliseer: 1 September 2021 19

Herfs

Laat die herfs jou dalk hartseer
oor die koms van winterweer?
Het die somer te gou verbygesnel vir jou?
Wou jou hart steeds naarstigt’lik aan lenteprag klou?

Raak stil en berus in die prag van die blare:
in die kom en die gaan van seisoene en jare.
Verand’ring en ylheid is slegs meetbaar, my vriend,
teen…

middeljaarskade (SILWER)

Deur Datum gepubliseer: 31 Augustus 2021 13

middeljaarskade

my
wissel-
vallige
wederhelf
na
jy
soos
blare
vál
en
my
takke
traag’lik
kaal
laat
staan

poog
ons
tog
deur
die
droog
omhoog

wetend
waarin
ons
wortels
vás
geanker
was

©ASvdM

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

 

SOLIDARITEIT – Trotse borg van INK dig/skryf kompetisie

 

Pharos - Trotse borg van INK dig/skryfkompetisie

Gebruikers Aanlyn

1 Lid, 212 gaste aanlyn

Bydraes – Argief