Gerda-Marié van Rooyen
Brons
September 2019 – Verplasings projek
3.Die boksvrou
Vir Yolandi
Bykans almal skop, skiet en steel
Stokkiesdraai slingergooi Suid-Afrika
Niks orde of wet, bloed is wat ons het
Misdaad hoog, damme droog
Maar jy kom verdryf die donker
sonstraal wat in ons choas flonker
Dankseggingfees en skoendoospresente
Jy giet reën ondanks doemresensente
Jou hart vir ander klop warm
Jy gee jou been en jou arm
Wyk woeste warm wildernis
Laat tog ‘n ander erfenis
Gerda-Marié van Rooyen