Spookasem Wolke

Eendag lank, lank gelede was daar ‘n miteskrywer wat stories vertel het vir almal wat sy ontmoet het. Stories vol eenhorings, skêre, spookasem wolke en ander lekker goed. Haar stories was propvol Afrikaanse woorde wat goed in haar luisteraars se verbeeldings wakker gemaak het – dinge wat die Engelse ekwivalente net nie kon regkry nie.

Selfs in die kuberruimte waar ander tale heers het sy haar stories vertel in Afrikaans. En omdat sy nooit opgegee het nie, het ‘n reeks van haar fantastiese stories oor ‘n wonderlike Feetjie Hond nommer een geword in die hele fantasie kategorie – in alle tale. Dis iets wat die Feetjie Hond se Engelse weergawe nie reg kon kry nie…

Miskien is dit omdat daar woorde in Afrikaans is wat so lekker is om te sê… Daar’s woorde wat al leenwoorde in Engels is: lekker, braai en veld om maar ‘n paar te noem.

Afrikaanse liedjies bring sommer baie gevoelens na vore. Dit herinner jou aan vergange dae van troues, skooldanse en jou eerste soen. Geen ander taal se musiek is so lekker om op te dans en te onthou nie…

En wanneer ‘n groot ramp beskryf moet word, is daar ‘n taal wat dit beter verwoord as Afrikaans?

Ys en Roet.

Die wind steek saggies op en werk homself stelselmatig in ‘n groot werwelstorm in. Dit druis en suig oor die vlaktes; niks bly oor in sy spoor.

Vlamme lek oor die boom en gloeiende as sweef af op die wind en vat vlam in die lang, dorre gras.

Stukkies ys val los uit die hoogste hemelruim en word rondgewaai deur die werwelwind. Dit blus die veldbrand. Net roet bly oor soos die as vlug in die wind.

Die natuur word stil. Die storm is verby.

Vars lug, blouste blou hemel, ‘n reënboog en die ys oor die roet is al wat oorbly soos die son sak in oranje en pienk.

Was dit dalk ‘n geveg tussen verskeie Feëryke? Mm… Miskien sal die miteskrywer ons die storie eendag weer vertel, hierdie keer met wat werklik daar aangegaan het.

Intussen, is daar ‘n woord wat meer beelde kan optower as spookasem?

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag