Welkom, Besoeker
Welkom, Besoeker

Navigeer Tema

Die dood

hemelblom (silwer)

Deur Datum gepubliseer: 23 Julie 2022 2

uit blomsaad ontkiem sy o so lenteskoondiep
somerskitterlag waar vreugare wortelskiet
kroonblomgesig tot blaarvalseisoen
maar papierdroogblom toe swartryp oë sterverskiet

Elizabeth

Laaste asem (Goud)

Deur Datum gepubliseer: 22 Julie 2022 1

dieselfde mond wat skertsend smaal oor dood
of druppend hoop op nog ‘n stukkie brood
sal hortend-hygend hangend op ‘n tyd
‘n laaste asem oor droë lippe stoot

Andries Fourie
(Seirdna)
13.07.2022

laaste tree (SILWER)

Deur Datum gepubliseer: 20 Julie 2022 Hou van

laaste tree

in die sagte stil skemerjare van jou oudword as mens
leef jy dikwels met groot versugting en een groot wens
en as jy met heimwee verlangend terugblik oor jou lewe
kom die besef: straks sal jy jou laaste tree gee oor dié grens

©Marlene Erasmus
20/07/2022

Verlange (Silwer)

Deur Datum gepubliseer: 16 Julie 2022 1

Nou tors my siel oor jou seerkry verlies
sukkel op papier om woorde te kies
die vurige verlange te versag
te hunker na iets mooi en nostalgies.

© Zebulon Kochk

ko(m)ma

Deur Datum gepubliseer: 3 Julie 2022 4


Here laat die oë tog net oopgaan
laat U wil geskied
ver weg is sy van my
staan ek reg langs haar
dan is sy hier – maar nee
sy droom van verre lande
haar liggaam wys hoe sy gaan
hier en daar ‘n flikkering
wat hoop in my hart
fladderend laat sug
nog een dag asseblief
nog een kans…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

0 Lid, 166 gaste aanlyn

Bydraes – Argief