Verdroog in die laaste lig
staan hy sterk en fors.
Afge-ets in die skemer,
skouers rukkend.
Seer pluk aan sy siel,
maar dan…
blom die liefde van die Lig,
die rukwind bedaar.
Die orkaan woed uit,
rustig in sy wese.
Hy berus.
Want iemand gee om…
Langs die pad
in die herfstige gloed
van asemhaling
wil ek nie opgee
wil ek nie verloor
Die bome vlam teen die berg
die herfsoggend is opgevang
soos koel glas teen die wang
Neste roer in die wind
die wit refleksies in die dam
sleur ongesiens onder
‘n wilgerboom in
‘n Roosknop wat groei op ‘n ashoop
sonder liefde sonder hoop
se hart gaan moeilik oop
maar in U lig kry ek dag vir dag krag
om my los te skeur
deur die rommel van my lewe
voort te beur
my weg te vind
myself te wees sonder vrees
Liefde het die mag
om állés te word.
Die liefde-deel-tye –
raaiselagtig kort.
Geen hartskas-drom
kan daarsonder slaan.
Dit laat een lewe,
nie net bestaan.
Daarom leef jou liefde
met jou een voluit,
en maak die meeste
van jul saamwees-tyd.
Maak van elke dag
‘n liefdesbederf;
en sê “Ek lief jou”
voor…
