Welkom, Besoeker
Welkom, Besoeker

Navigeer Tema

Hartseer

uurglas (brons)

Deur Datum gepubliseer: 6 September 2022 1

uurglas

ek wil warm sonlig in jou uurglas skink
wat stadig, stadiger uit sal loop
en die taai goue stroop van hoop
sal heldergeel teen die kante blink

jou weggaan maak my so verskriklik bang
want ek weet die leegloop gaan ons vang

© Hester Steenkamp

Dis weer lente in die Laeveld…

Deur Datum gepubliseer: 2 September 2022 3

Hierso, tussen nuwe lewe
en oorstelpend-mooie niks
wonder ‘n mens soms somber
waarom hierdie wêreld
so holderstebolder is…

…onder die skadukol
van ‘n kameeldoring
het ‘n sebravul na sonop
haar eerste asemteug geneem
waar sy japtrappies later
loop-en-val in strompelgang
teen haar trotse ma kon steun

‘n entjie verder langs die voetpad
wat na die boggelkoppie lei
het ‘n (dood)bang njalama
haar volmaakte…

Deurgetrapte drumpel

Deur Datum gepubliseer: 31 Augustus 2022 2

jou drumpel was deurgetrap
my huis, my siel, my lief
hoe het ek toegelaat dat tyd
jou so eindloos verniel

verkalk, verbleik met onthou se verwyt
het jou laaste groet geraam in my martelaarsdeur
en hom herhaal in wind se lied keer op keer
brand jou kar se dakliggie met jou laaste kus
jou laaste groet
my lief,…

verganklikheid (Silwer)

Deur Datum gepubliseer: 31 Augustus 2022 1

toe verganklikheid
my tuiste se tydlose
skermmure binnedring
my ontneem
van my huis se hart

het my onroerende geloof
in genadige goedheid
gewigloos verskuif
tot nét duskant die grens
van die straat waar ek woon

Introspeksie (Silwer 364 woorde)

Deur Datum gepubliseer: 30 Augustus 2022 3

Noudat ek, na jare van swoeg en sweet, wroeg en waag, die kruin van my menslike bestaan bereik het, wil ek (net vir ‘n wyle) asem skep, tot stilstand kom, ‘n oomblik verpoos, omdraai en terugkyk – voordat ek die afdraande (wat voor my uitstrek) onwillig aanpak.
Hoekom dan onwillig,…

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

SOLIDARITEIT – Trotse borg van INK dig/skryf kompetisie

 

Gebruikers Aanlyn

0 Lid, 67 gaste aanlyn

Bydraes – Argief