Die reëngodin gooi haar spierwit mantel om haar lyf
Sy gaan staan op die hoogste berg, en wag vir die reën
Sy voel hoe die ekstase in haar opbruis,
toe die eerste druppels skaam-skaam met ‘n soen oor haar lippe streel
Soos hemel’sagte trane rol dit teen haar wange af
Sy gee haarself oor…
Wanneer my gedagte huiwer
om van my jou te vergeet
sal ons Skepper deur Sy skilderwerk
‘n eenkleurreënboog
as sonstreep op seevel trek
wat sal lyk soos ‘n geel maansomloop
van helder hoop.
© Zebbie
reëndruppels wat op my wange beland
is soos teer soene van ‘n hemelhand
as ek my oë sluit en intens luister
hoor ek serafs hou ons liefde instand.
© Zebulon Kochk
Zebbiekaans
Daar’s geen droë oog
in my Godshuis nie
net ‘n juigkreet van engele
wat dans op hemelmusiek
soos die maan in die naglugruim
sirkelloop om die see
wat sy garing afrol tot by die kus.
©Zebulon Kochk
Zebbiekaans.
JESUS SE OPSTANDING
Christus se opstanding
is van kardinale belang
die groot gebeurtenis
bevestig ‘n getuienis
‘N groot belewenis
Meer as enige ander
het HY, die mense verander
dat Hy, die Seun van God was
EN deur die Vader gestuur was
Hom deur die Vader gegee was
wat deur Sy Vader aanvaar was
Alle sondes is nou skoon gewas
en, die belangrikste…
