Welkom, Besoeker
Welkom, Besoeker

Navigeer Tema

Hoop

Kaalgestroop (Silwer)

Deur Datum gepubliseer: 31 Augustus 2021 3

vanaand pluk die wind
ongenadig aan my sielswand
stroop ‘n laaste brosblaar
uit my teer gemoed
bemantel tekens misgekyk
voor die laaste blaar se val
laat my kaalgestroop hink
voor ‘n nuwe seisoen wat wink

©Driekie Grobler

lewe (Silwer)

Deur Datum gepubliseer: 30 Augustus 2021 1

die moederboom se afsterwe
tot in haar diepste jaarringe
laat die natuur wesenloos-verslae…
maar haar gevalle blare
word deur die goeie aarde
as lewe-gewende offer aanvaar

tom – tom

Deur Datum gepubliseer: 30 Augustus 2021 2


drrrom – drrrom
geluide soos ‘n drom
in pas stap die golwe
met hoogwater
uit op strand

doef-ha-doef
spel metronoom
sy hartklop gestel
op sestig keer
per minuut

elke aksie gemeet
aan sy eie reaksie

©Teárlach

Herfs beloftes Silwer

Deur Datum gepubliseer: 26 Augustus 2021 5

Blare dartel soos uitgelate kinders
aan die soom van die westewind –
volkleur vlinders in ‘n maalkolk vasgevang,
roesbruinprisma dwarrel,
spiraaltuimel na benede;
dit is herfs –
en in die knypwindjie
sluimer ‘n melodie
van somerbeloftes
in skaamrooi laggies
wanneer die blare tuimelval

Met laaste groet …

Deur Datum gepubliseer: 25 Augustus 2021 4

Met laaste groet …

was winter reeds in jou oë
bar en gestroop in afwagting
met slegs laaste herfsblare
as afskaduwing van wat vroeër was
bros en uitgedroog, geërodeer deur erosie
wanhopig gelym aan brokkies genade

hartseer het my blik hoopvol gespeur
na beduidenis van nog ‘n seisoen
of lente weer oor moeë takke sou bot …

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 68 gaste aanlyn

Bydraes – Argief