fyn tuine
blom onder fyn sproei water
om groen gemanikeerde grasperke
in optimale bemeste grond
vereis daaglikse versorg
om die blomkant voor te hou
growe tuine
het een styf toe agterdeur kraan
lappe karre op kaal stofgrond grasperke
kaallyf hoenders bemes die jaart
al groen een blou bloekomboom
om die blinkkant voor te hou
vet tuine
staan geduldig stil in…
die bome brand tot roet
in geel-oranje gloed
en daar is die allesverterende vuur
bloot die sonsondergangsgroet!
Sal ons ooit eendag kan verstaan waarom
die klein pionier na die brande blom
groen spatsel kleur wat verskyn in die as
soos ʼn Fenix wat uitreik na die son
Liefling,
jy is die sterk hart
wat die polsslag
van ons liefde bepaal,
so ons dra jou met
trane oor ons wange
maar dankliedere in ons harte
na ‘n plek waar lang koeltebome
en begroeide graniet
hul eie storie verhaal.
© Zebbie
uit blomsaad ontkiem sy o so lenteskoondiep
somerskitterlag waar vreugare wortelskiet
kroonblomgesig tot blaarvalseisoen
maar papierdroogblom toe swartryp oë sterverskiet
Elizabeth
