Welkom, Besoeker
Welkom, Besoeker

Navigeer Tema

Verhoudings

Blaarverlorenes

Deur Datum gepubliseer: 29 Augustus 2021 4

Blaarverlorenes

‘n blaar
het
ge-
val

soos Boerneef
se bergansveer
by Woeperdal

maar ek

ek’t die blaar
op-
ge-
tel

tussenin

ons klaar
geleesde blaaie
hartsdieprooi
g
e
p
a
r
s
waar dit
plek-plek
bloedbevlek
met vuurtong brandkeel
letters vlamrooi stemverdroog

ek wou jou daar
wegsteek, vergeet

maar

‘n traan het
g
e
v
a
l

soos Boerneef se bergansveer
by Woeperdal

bly ons vir mekaar
v
a
l

Elizabeth

Met laaste groet …

Deur Datum gepubliseer: 25 Augustus 2021 4

Met laaste groet …

was winter reeds in jou oë
bar en gestroop in afwagting
met slegs laaste herfsblare
as afskaduwing van wat vroeër was
bros en uitgedroog, geërodeer deur erosie
wanhopig gelym aan brokkies genade

hartseer het my blik hoopvol gespeur
na beduidenis van nog ‘n seisoen
of lente weer oor moeë takke sou bot …

Vrou van die nag

Deur Datum gepubliseer: 24 Augustus 2021 3

bemin wil sy wees
en kies die sleg kant daarvan
met moed waag sy haar speletjie
staan sy op die straat en wag
in mini rokkies getooi
stop hul een na die ander
bedwelm in die vlees
gee sy haar oor

op die hoeke van die straat
het sy haar bemindes gaan soek
soos ‘n lelie onder die…

Vrese vol vandag

Deur Datum gepubliseer: 24 Augustus 2021 4

Geval
soos ‘n verhefsde blaar
koud in nat grond
tussen ontroosde dorings
herletsel in ‘n vreemde slinger
vol vergankliksheidsvrese

en al soek hulle jou
sal hulle jou miskyk
deurtrek in geel, rooi en bruin
so sal jy wegraak
in jou skare van skaduwees
tussen die wat jou hand vashou.

© 2021 Caren Kearley
Kopiereg voorbehou

Pad

Deur Datum gepubliseer: 21 Augustus 2021 1

paaie
hoof tot twee spoor
lê verlate sonder
verkeer wat
gate trap

sinkplaat spoor
slaggat teer
ń onderhoud skraap
vul altwee
bababoud glad

werkskaf
gejaag oor paaie
dwing twee besluite
onderhou of
laat vergaan

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 98 gaste aanlyn

Bydraes – Argief