Welkom, Besoeker
Welkom, Besoeker

Titel: Totale oorgawe

Deur Anze
Datum gepubliseer: 23 Februarie 2016 Aantal woorde: 103 1042 Kere gelees 21

waar jou asem vlermuis hang soos
‘n snoesig-sag-warm-velkaros
verby die krombuig van my skouer
tas jou vingers soekend in Braille
oor die ronding van my rug
kom gee jy doekvoettreë
oor ounag-spore van maanligtyd
in die helder van ‘n sonskyndag

as dan die soet van jou tong
my kruike boepensvul
met smaak van heuning
en geur van perelpienk jasmyn
bars daar ‘n vreugdestorm los
oor versteekte grense
diep in die kern van my
diepste binnemens

sien ek in die kleur van vergeet-my-niet
hoe dans jou irisse uitbundig (in totale oorgawe)
‘n malse riel – op die vioolsnare van my brose siel

© Anzé Bezuidenhout




TEMAS
3 Kommentaar
  1. neels

    24 Februarie 2016

    eerstens dit is n pragfoto en tweedens kan ek nie kommentaar lewer nie want ek het nie woorde om hierdie pragwerk te beskryf nie en kan ek net vir jou n diamant toeken

  2. Amaspoke

    24 Februarie 2016

    Liede kan net bestaan in ‘n staat van totale oorgawe, of glad nie.

  3. Anze

    24 Februarie 2016

    Baie dankie vir julle mooi woorde Neels en Casper ek waardeer

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 288
Kommentaar telling: 3222

Woorde is my asem en skryf my passie!!! Ek waardeer elke stukkie kritiek, verkieslik positief, maar kan die negatiewe ook hanteer. Dankie dat jy die tyd neem om na my werke te kyk en dit te beoordeel. Ek is n Boeremeisie in murg en been... mal oor die wye natuur van plaaslewe wat my omring Ek is getroud met die wonderlikste man (Willie). Ons is geseend met 3 pragtige dogters en 2 kleinseuns en 3 kleindogters. My verhouding tot my Skepper loop baie diep en ek dank Hom elke dag vir al die voorregte en genade gawes wat ek so onverdiend ontvang... Loutering is deel van my lewe en ook daarvoor dank ek Hom daagliks want dit maak dat daar altyd groei in my lewe is...

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 676 gaste aanlyn

Bydraes – Argief