Utopie
Utopie
*
Te vinnig verdor lente bloeisels oor elke sterfling
flets oë wat durf terug loer oor verknoeide verloëning
kleurige bede-snoer gekruis met alsem brousel gebede
vermeng in skrapnel gekerfde woorde en splinter liefde
¨
elke krieseltjie skril tyd gestook in egoïstiese tone
lê die lewe se nuwe vermaaklikheid in slim-fone
ʼn wêreld wat leer om jou eie waardes te onteien
met ʼn intonasie van vals jolyt en stem refrein
¨
als so verwronge, doolhof en gekneusde gedagtes
gryp krampagtige hand na afgewaterde beloftes
tog geskilder in fabel kleure van ʼn fantasie utopie
my wese vasgeknyp in ʼn slagyster van kille emosie
¨
my mentor het die handleiding van die lewe verag
lê ontspoorde realiteit … op beter toekoms en wag.
*
©Arnold
20 April 2024 om 17:05
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, dankie vir jou bydrae vir April 2024 - Uit die oog van 'n kind projek