Welkom, Besoeker
Welkom, Besoeker

Titel: Veerloos die nagtegaal

Deur Bonita
Datum gepubliseer: 20 April 2021 Aantal woorde: 251 179 Kere gelees 5

Veerloos die nagtegaal

hoe het ek hier beland
in hierdie donker land
wat knaag aan my verstand
bly dryf my na afgrond se rant…

hoe ver moet ek hardloop
hoeveel siele nog verkoop
in swartgalligheid gedoop
van alle menswees kaal gestroop

verskroei…
gebloei….
moeg is ek gestoei…
veryste trane kan nie vloei!

was nie meer my wange skoon
het ek nie ń tuiste om te woon
betaal ek in duurste loon
verduur ek die spuug en hoon

vlerke vlieg nie meer
drome lê in skerwe seer
geen anker om by vas te meer
net brokstukke wat aan flardes skeur…

ek tuur oor verlore tyd
dink aan verlatenheid se spyt
wonder wie verdrink in leë jolyt
wie bejeen wíe met haat en nyd

wêreld jy is mal
wêreld jy braak bittergal
wêreld met jou vals geskal
wat wentel in die groot heelal

om en om en om
in spasies leeg en dom
wag ek vir die een wat kom
wag ek vir die belofte in hom

weet jy wie is hy
die een wat so diep in my kop bly
die maestro op wie se maat ek gly
teenoor wie ek my sondes bely

swart verrys hy uit moddergrond
grinnik wat pryk om sy bitter mond
grynslag so afskuwelik terstond
jy, ja jý –
my donker gulsige pikswart hond!

vir oulaas sal ek tuimelval
in limbo hang as veerloos nagtegaal
my stem gestil in wasembal
wat woordloos pleit –
soos egos by die krans afval!

©️ Bonita van der Berg
15/01/2021




TEMAS

Laat u kommentaar

GESKRYF DEUR

Jy moet ingeteken wees om boodskappe aan hierdie skrywer te kan stuur.

Publikasies: 6
Kommentaar telling: 1

Soutpansweg 371 PPort Nolloth 8280 Ek os 46 jaar oud, woonagtig aan die diamantkus in Port Nolloth. Is ń operasionele bestuurder van ń diamantmaatskappy. Ek het net meer as ń jaar gelede weer begin skryf na 29 jaar se stilte. Ek skryf oor alles en nog wat! Skryf is my passie en ontvlugting na die fantasiewêreld van die skone kunste! Daar vind ons hoop, liefde, drome, geluk, soms vrede asook aanvaarding. Viva Afeikaans!

Horison Media

AfriForum – Trotse borg van INK dig/skryf kompetisie

FAK – Trotse borg van INK dig/skryf kompetisie

Die Afrikaanse Taalmuseum & -monument – Trotse borg van INK dig/skryf kompetisie

Gebruikers Aanlyn

0 Lid, 144 gaste aanlyn

Bydraes – Argief