VERPLANT

VERPLANT

aardsgrondgevul staan ‘n kwekerysak bolpens
vir ‘n nuwe bestaan

ek druk my voete in verrykte klam grond
sodat spore kan sprei oral rond

my bene lyf en arms groei hoog
kopknikkend verreis my kroon
raak aan die blou hemelboog

glimlaggend klimklouter my spore
uit op ‘n stukkie nuwe aarde met waarde

barre sanderige grond laat rytjies van my voete se spore

stadig verplant ek myself kop omhoog
ek groei tot ouworteldik gestam om eindelik
die hemelkoepel binne te rank

aardspore sal ek agterlaat en ekself
sal speel in die hemelgewelf

© Laantie le Roux
20/01/2020
05h06