Wagkamer

in wagkamers opgerul
lê ontspannings lektuur
benoude hande
soek in Weg van hier

teen grou muur rakke
in dekoratiewe leeromslae
skyn wysheid uitgestal
beskikbaar teen ń prys

in blink portaal
uitgepak in kategorieë
vir ongehinderd luister
met witgeruis*

op lendelam rakke
uitgestal in muf huise
ontsnap vinjette**
meskien ń gedig

reghoekig op tafeltjie
lê môre se voorneme
vir verandering
vervat in ń boek

boeke staan soldaat
ou en jonk in range
rakke vol in winkels…
almal ongelees

in kluister stoele
sit ons ingekerker
feniks verrys
verwelkom ń boek

*Term: witruis
Term: eweredige toevallige ruis
Verwante woorde: witruis
Engels: flat uniform spectrum random noise, white noise

Tweetalige Engels – Afrikaans Terminologielys (ouer)

**vin·jet s.nw. [vinjette] (Frans)
1 (histories, drukkuns) kopergravure of houtsnede as ’n gegraveerde prentjie op die titelblad van ’n boek of aan die begin of slot van hoofstukke.
2 (letterkunde) kort, raak beskrywende stukkie prosa.

Handwoordeboek van die Afrikaanse Taal (6de uitgawe)