Wie sou nie kon onthou?
Jou ingenomendheid
het jy nie weerhou
aan die wat hunker
na instemming.
Met ʼn stemmigheid
wat byval vind
aan al die mooie herinneringe.
Hoe sou ek weier
om nie te wil onthou
van ons gelyke aandeel
aan daardie maanskyn en rose
wittebroodsaand tot nou.
Onthou om my te onthou
om te onthou van ons samesyn
ons saamwees herinneringe.
Al ons liefde so mildelik gesaai
vir die ongelooflike van jou,
so vrygewig jou liefde so mooi.
Dankie my hartskroon
my liefde ook vir jou.
23 Junie 2014.
6 Kommentare
-
-
Arnold
Dankie vir die inloer Kiekies, Ja, wys my 'n man wat nie van malvalekkers hou nie.
-
-
Anze
Pragtig!
-
Arnold
Dankie dit word waardeer Anze.
-
-
neels
een van Arnold se ou juwele. Altyd lekker om hulle te lees
-
Arnold
Dankie Neels, ek is bly jy geniet dit nog net so.
-
Maak 'n opvolg-bydrae
Jy moet aangemeld wees om 'n kommentaar te plaas.
Kiekies
Heng dis nou iets wat elke vrou sag soos malvalekkers maak! Mooi man!