Vandag

Vandag het ek jou bietjie opsy gesit
Die storm vervang met sonskyn en Martini
Om my gekyk vir mense wat in my hart kom sit het met soet woorde wat proe soos geluk
In plekke wat leeg was
Is daar krake waar lig inkom
Omgee mense my hartsmense
En ek kan ontspan en van alles vergeet vir die dag en ek dink
Sou ek hier gewees het sonder dit wat ek verloor het
Waar sou ek en jy gewees het vandag
En vir ‘n oomblik wil ek dit nie verruil nie
WIL ek Martini drink en lag saam hierdie mense
Maar dan sluip die skuldgevoel weer nader
Soos ‘n skaduwee voel ek sy asem in my nek
En ek swem in die donker water
My lippe bewe en ek kry koud
Almal sê die lewe gaan aan
Bliksem, dit is waar … die lewe gaan aan

CM