ek wil vir jou
‘n liefdesgedig snoer
met egte kraal-oog woorde
wat (ge)maklik langs mekaar bly lê
om jou hals
sodat die koestering daarvan
teen jou ontvanklike vel
jou my woorde jou eie sal laat maak
en jy die liefdesnoer
met liefde om mý hals sal hang
ek had alles vir jou veil
maar jy het my hart
slim gemaneuvreer
dit lewend uit my getrek
nou hou jy dit
triomfantlik omhoog
– soos ‘n trofee –
waaruit my menswees
lang-traan drup…
INK DIG- EN SKRYFKOMPETISIE 2022
15 Februarie 2022 – 30 Junie 2022
Kom gee vlerke aan jou woorde!!!
Ink Skryf in Afrikaans (www.ink.org.za) bied vanjaar weer ‘n dig- en skryfkompetisie aan waarvan die beste gedigte en kortverhale in spog bloemlesings opgeneem gaan word, naamlik INKSPRAAK…
