NEL2   Jy’s in my wit air-tackies, jy’s in my swart slit-broek. Jy’s in die duikbril en die Bybel, in elke dag se soek.   Jy’s in die lappop en die deken, in my oprygskoene fyn. In elke broekie wat ek van jou dra ervaar ek leed en pyn.   Jy’s in die kamerjas se […]

NEL   Die hemelruim lag saam: -die kuiltjies in haar wang: so lig en wyd die glimlag in haar oë vasgevang.   Die heelal wyd lag saam: -haar hare blink en vry: so lig en lief haar glimlag vasgevang in my.   Ewig sing die sterre saam, fluister haar geliefde naam.

DIT WAS GOED (Met dank aan TT CLOETE) Ek het die leë jogurtbakkies met water gevul met malvablomme, met laventeltakkies, kappertjies geel en laggend oranje, met kers- en tjokkabootliggies tafel gedek. Ek het die langsteelglas met mooiste servet vir wyn Chapel Red die tafel met skaapboud en slaaie bedek. En dit was goed.  Baie goed. […]

ROU Dit was die grys oom wat krom geloop het, dubbelgevou oor die kierie gebuig, die verkalkte dik tone die sag van sy lag wat my onverhoeds vang oor die wasbak gebuig. En die trane saam met die hare-was-water ongesiens verdwyn tot later.   Susan van Rensburg 30/01/2024