Seisoenale digter-komponis

Sy skryf haar triolet
binne die rympatrone
van die skepping
en vleg haar strofes
deur strale van die son

haar note kreukel-kleur
val …
val …
val …
in die balk van die somer

sy toonset haar duette
in die allegro van die wind
en sprei haar lappieskombers
oor die landskap

haar vingers stryk
oor die harp van die somer
en komponeer
’n kaleidoskopiese sprokie
in haar landskap-sonnette

©Pieter Mostert