al

 

skeur die aarde oop

druis die golwe oorweldiggend

skeer die suid-ooster onvriendelik

ween skares van vertwyfeling

gaan harte stilstaan

van vrees

 

tweifel ek in ongeloof

bewe ek in vreesbevangenheid

soek ek na ander bakens in my lewe

raak ek verlore in die stryd

sneuwel ek daagliks

in sonde

 

glo ek nie – Hy is daar!

reis ek wêrelde, planete deur

vind ek geen strand of wilde strome

waar ek iets geloofwaardig vind

Hy is oral en altyd daar

glo ek nie – Hy is!

 

© Tearlach.