Vagevuur

VAGEVUUR

waar woorde in die vagevuur van my dink versink
vloei verse uit verbode woorde geskrewe
doop ek my pen in die swart van ink
druppend op perkamentrolle van die lewe

in die stil donker middernagtelike ure
skryf ‘n digter manifeste oor dood en lewe
waar minnaars min met grenslose mate
en skurke bloedoffers bring op strate

in die ruïnes van ‘n gebroke nasie
pryk bloedige graffiti op raadsaalmure
probeer mense bou aan ‘n eie spasie,
en opgeblase predikers pontifikaat kure

sou ons mekaar in díe woordevloed herken?
profete en leraars spreek woorde van lewe,
‘n land, gebroke, geskend, maar onbeken
sméék om herstel en ‘n offer van vrede

brand dan ‘n digter se offer van vredeverse
in die middernag ure op die genade altaar,
deur die ogiesdraad van tyd sien my dink
deur die vagevuur van híer en dáár ‘n nuwe land vir ons gebaar

©Riana Crafford

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag