duin

 

as duin ‘n rots was

sou ek dit dalk ‘n klip

genoem het

 

sou my hart verhard

sal ek dalk ongenaakbaar

geleef het

 

wat is dit van ‘n duin

dit smokkel met my kop

veranderlike gees

 

drome op my duin

met fynbos getooi in pers

wil my tande kners

 

wat soek jy op my duin

het jy gekry wat jy na smag

toe jy hier was

 

my duin gebou op genade

van kind en kraai so vryhart

trane van dank vloei

 

o, Duin, jy is mooi

in jou is my leeftyd getooi

al lê my hart in berge

 

© Tearlach.