diėkant

 

 

eenkant is dit rooi

anderkant turkoois getooi

van sonsopkoms in die Ooste

en die Maan se laaste strale

in die verre Weste

prent my baai

 

min aardse beelde

is so pragtig en mooi

as die ure van dagbreek

en dan die salige skemerure

rein en skoon vertoon

in kleurvolle pallet

 

waar lê my siel

uitgestrek oor ‘n land

wydverspreide land van

diskoerse in verlamming

pynlik dog beeldskone

natuur tonele

 

hoor my siel dan nou

hartklop van ‘n volk wat sterf

laaste asemteug van sterwende jeug

of is dit alles net wind voor ‘n son

wat kom en gaan en bly

waar jy alles vermy

 

©Tearlach.