Soet geur van sonde

Opregte heer, staan jy voor my deur, skoon geskeer met ‘n soete geur.

Jy stel jou voor, maar sonder naam, jy is alles behalwe skaam.

Die gevoel is reg, my wese veg, iewers weet ek iets is nie reg.

Rose van alle kleure, sjokplade met likeure, verlei jy vele, soveelkere.

Saggies fluister jy: Jy het nie mooi geluister, Ek is sonde.”

Jy lag in die duister nou aan my gebonde.

Met nuwe wonde lê ek teen die grond

Sonde, klop soos n heer aan die deur.

Groet met soete geur, verdwyn met ñ handvol seer.

Deur: Ryno du Plessis