Natuurkragte
Natuurkragte
Natuurkragte het skrikwekkend
gedonder en geblits in
‘n skrikwekkende vuurwerkvertoning met
knallende oorverdowende desibel dromslae wat
vensterrame soos ligte aardskuddings laat tril—
Mens en dier soek met ontsag skuiling en
bly daar soos Elia van ouds in die grot totdat
die hael en windstorm uitgewoed verby is
en ‘n byna heilige stilte op ‘n versadigde
aarde toesak en mens en dier soos
Elia van ouds skoorvoetend uit hul
skuilings kom en God in die serene
stilte dank vir die uitkoms uit
‘n knellende teisterende droogte—
Janetta – Helena [Babs] ©
2 Kommentare
-
-
Janetta-Helena Boonzaaier
Anze, baie dankie vir jou kommentaar, ek waardeer dit so baie! Ek merk heelwat mense lees my gedigte, maar hulle sê niks nie, of is kommentaar nie vanselfsprekend nie? xx
-
Maak 'n opvolg-bydrae
Jy moet aangemeld wees om 'n kommentaar te plaas.
Anze
Ongelooflik mooi !!!