Ek pak uit Goud

Dis donker en diep in my klerekas.

Spinnerakke vorm stofdrade

en klou vas aan gister se onthou.

Dis donker in my klerekas.

My skoene se sole is afgeloop;

harde klipgrondpaaie met kronkels en draaie,

my spore van seerkry lê wyd.

Dis my klerekas.

Maskers en jasse en leë bottels parfuum.

Kom kies hier n tooisel, ‘n ou kostuum.

Kom delf in sy donker,

my hangkas moet leeg –

dis tyd vir vernuwing, die lewe te leef…

My klerekas.

Skoon rakke vol vreugde, met liefde verseël,

my kas nou net sonskyn –

my skoene weer heel.

©Amanda

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag