na middernag (Goud)
na middernag
oorgeslaan met brood en wyn
salf ek my wonde met woorde
maar my oë loop in hierdie donker uur
al agter die aandster aan
totdat ek sien hoe ’n silwersnoer
om die maan hang
en toe die reënwind liggies begin stoot
word trane my afkoopboete
net na middernag
© Hester Steenkamp
1 Kommentaar
Maak 'n opvolg-bydrae
Jy moet aangemeld wees om 'n kommentaar te plaas.
Anze
Pragtig, baie dankie vir jou bydrae vir Maart 2025 – OOP projek