oorgang (Goud)

en Vrou Herfs

besef dat sy uiteindelik

in besit geneem sal word

deur die winter se nypende greep

daarom gooi sy haar kasdeure wyd-oop

sy seën die aarde met tuimelende blare

sy stoot haar soel genade-asem oor die landskappe

haar vloeiende kleurskakerings soggens en saans

giet sy met stoïsynse presisie

en die bome seën sy een-een met vlindersagte hand

totdat sy oplaas stilweg en onseremonieel

verswelg sal word deur

die winterkas se ysige ruimtes

© Elmarie Nienaber Van Kampen, 2026

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag