seeland

 

 

ver oor rollende landskap

verskyn daar  skimme van blou berge

van hier op my duin, sien ek die seeland

van ons eie weskus-land

die seeland van riviere

van hoë duine

tot aan die voet

van die verre berge

oor my baai kom musiek

van die golwe wat druisend

hul ewige lied sing en dans

soos die seeland van

Pais des trois lacs

wurm die Bergrivier

uit die Franchhoek berge

deur die Bergrivierdam naby

Franschhoek, tot dit uitmond

in die see by Velddrif

so lewe my herinneringe

vanuit die Soutpansberge

oor die wye Springbokvlakte

die Hoëveld, Pretoria, oor die Vaal

na die Weskus, en St Helenabaai

waar dit rustend op sy duin

wag op die ewige rus

 

© Tearlach.

Pays des trois lacs) is a region in Switzerland, at the south-eastern foot of the mountain range of the Jura Mountains containing the 3 Lakes of Morat, Neuchâtel, and Bienne (Biel).)