Waar Skadu en Stilte Stry
Dorre eensame karoo, bevry vir my! Vuisvose vlugteling uit die stad se geraas, tyd wat my sleepvoet volg of vermy. Daai verlate stukkie aarde, droog en kaal, weg van pad woede en gekruide taal. Waar al jou sintuie blootstelling kry, en tydlose gedagtes in jou kop verdwaal. Fluisterende stilte wat jou gewete troos... Tussen die Roggeveld- en Koedoes berg, sluip stille skaduwees stadig uit die Oos. Omring deur bergreekse uit die veld verhewe, hernude tyd jou metgesel in salige vrede. Voor my strek ‘n vlakte wyd en eindeloos, waar veld en dier van stof en vog bly lewe. Karakoel plek-plek in die veld gestrooi... Voëlgesang die veld se fluisterende simfonie, wind wat tydens poses om die Klapperbos loei. Die son sal later sy wysers oor die veld uitstrek, om die veld met lang skaduwees te bedek. Tot die Karoo my weer ontvanklik uitnooi, gaan ek my nie verder met die dolle gejaag bemoei!
5 Kommentare
-
-
Yster Swart
Ek is bly jy hou daarvan.
-
-
Anze
Pragtig, baie dankie vir jou bydrae vir Julie 2025 – OOP (Skaduwee van tyd) projek
-
Yster Swart
Baie dankie vir die terugvoer.
-
-
BernadetteOlivier
O, hoe roep die mooie Karoo nou my hart! Pragtig en nostalgies!
Maak 'n opvolg-bydrae
Jy moet aangemeld wees om 'n kommentaar te plaas.
Tearlach
Ek sien die skadus en die diere wat jy beskryf.