Ek sal onthou
as die wolke pers word bo die gras wat groen
soos dit hierdie seisoen in die Vrystaat doen
as die see haar branders laat skuim oor die sand
ek weer kaalvoet loop oor ‘n blinkwater strand
as die lug so newel en die berg verbloem
maar my najaarsaalwyn oranje lemoen
as swawels sweef oor die boulevard brug
waar populier verklaar – die herfs is terug
en as die geelbekwou so luglangs hou
mikstert, hangvlug – teen die Maartmaandblou
dán sal ek onthou
© Carma Shaw
06 Maart 2017
Viooltjie
Ek skryf grotendeels gedigte vir ontspanning. Ek skryf graag oor die natuur, mense en hul stories en plekke wat ek besoek het. Ek doen dikwels 'n bietjie navorsing oor 'n onderwerp voor ek skryf, want ek geniet dit om te leer. Ek hoop altyd om darem 'n emosie of twee wakker te maak met dit wat te sê het, en dat julle lekker saam sal lees :-)
2 Kommentare
-
-
Viooltjie
Dankie vir die saamlees, Neels :-) Dit is wonderlik om te sien hoe die Vrystaat nou lyk. Nou wag ons hier in die Kaap vir ons reën ook.
-
Maak 'n opvolg-bydrae
Jy moet aangemeld wees om 'n kommentaar te plaas.
neels
Carma en ek belowe jou die Vrystaat is bitter mooi met sy wuiwende groen mielielande na die mildelike reën