gleuf

 

 

so duidelik

klink jou roep

sny dit deur die mis

oggendmis by die see

namaker van klanke

fluit jou geluide helder

my verevriendjie

aanstons breek

die sonstrale

deur die mis

dan verdwyn jy

vervaag jou roep

tussen die mensgeluide

soos Sy boodskap ook soms

in hierdie wêreld se geroesmoes

op die agtergrond moet speel

soggens vroeg luister ek

na jou gesang saam met

Sy klanke in die enigste stille

gleuf van my dag se lawaai

dit maak op vir alle lawaai

wat van oral kom

 

© Tearlach.