Herbegin #silwer

Die môrelig huiwer

waar die horison

ou wonde oop kraak,

sodat lig sy vingers

daarin kan steek.

Die verlede se skerwe

glinster vaagweg in

die sagte skemering

van die vroeë oggend

soos vêr af sterre.

Dun goue drade van’ie son

smelt oor die skaduwees

soos ‘n warm omhelsing

om die dag in te neem

sonder eed, sonder applous.

En ek … ek kyk hoe dit gebeur,

met verfrisde vars verwondering.

Rapporteer inhoud

• Issue: *
  Kopiereg inbreuk vuil taal Ongeldige Inhoud
• Your Name: *
  
• Your Email: *
  

• Details: *
  

Handig verslag