trippel

 

 

trippel trappel tone

klouter jou musieknote

deur my siel vanoggend

speel jy op jou klassieke

snaarinstrument fyn

soms neurie wysie

soms opruiend

heeltyd

musikaal perfek

gerek van skaal tot skaal

diep agter se emosies gaan haal

bring trane in my geestes oë

van destyds by die stroom

waar liefde mos wou woon

verklarings van gemoed

vir altyd klink goed

maar iets soos

die lewe

het dit

anders bepaal

net nog jou

liewe note

wat

straal

 

© Tearlach.