nuut

Brons afd

 

Nuut

 

Salomo,

ek sal jou glo

in jou spreuk

dat niks nuut is –

hier benewe of bo.

 

Dat alles wat ís

al wás

en sal wees.

Jou wysheid verklaar

dat God ewig sal heers.

 

Tog, Salomo,

vir my is dit nuut

as die uitspansel rys

en die sterre verskiet

 

in die see se getye

wat eb en taan

het God se genade

Nuut oor my siel gegaan…

 

…en my nuut gelos.

 

Salomo

die oue is verby

en elke dag

is nuut vir my!